لأهل الخبرة عندي عقار ببيعه تعالوا ياحلوين

المشاركة الأصلية كتبت بواسطة مشهور بن محمد

فعلا انا حاس من زمان انك تمساح وشاكوش
لا الي هذرته واجد اكيد يكون من هذا اللون
على كل حال مشكور لكن انا اقصد هل بيكون فيه عربون مع العقد وهل التسجيل بيكون من طرفه والا من طرفي بمعنى هو يدلني على مكتب او محامي او انا ادله

لان البعض يرفض يقول من طرفي خوفآ على حقه حتى يكون صاحب المكتب او المحامي مضمون له

المشاركة الأصلية كتبت بواسطة عاشق المرقاب22

ياخوي ماهو صناعه صاروخ
السمسره والضريبه على المشتري او حسب الاتفاق ثم الافراغ يعطيك شيك مصدق وتفرغ هاذي الطريقة اللي قبل فتره وجيزه
حاليا متاح البيع حتى ع البورصة

وحط لوحه ع الارض او العقار واكتب للبيع من المالك مباشره
واي احد يدخل فجأه وسيط مثلا شاف رقمك وراح يسوق من راسه ثم بعد فتره يجيك يقول عطني دلالتي قل له اقلب وجهك

اي وسيط تسويق لازم تعطيه الاوكيه وتقول ابغى في جيبي صافي كذا وكذا والافضل ماتحد تخليها ع السوم واذا تمت بيغه اشرط ان البيعه صافيه او حسب اتفاقك معه

المشاركة الأصلية كتبت بواسطة امــــــــــر

خل الحلوين يحلون لك مشكلتك طالما خصصت الرد للحلوين انا ماني حلو بس حبيت اقولك


شوف موضوع البيع والشراء للعقار حسب اتفاقكم يعني تقدر تشرط عليه ويشرط عليك بعض الامور

مثلا تطب في واحد راغب العقار وتقوله شوف انا مالي شغل في اي شي استلم الفلوس الي اتفقنا عليها كاملة وانت تتحمل كل شي بيوافق ويتحمل كل شي يعني هذا الفل عندك في بيع العقار مثلا تتفقون على ميلون تقوله انا استلم المليون كامل وانت تتحمل كل التكاليف الباقية اما حقى اخذه كامل معظمهم يوافق لانه يبغى العقار

اذا انت الي ورطان وتدور شخص يشتريه بيتشرطون عليك وبتدفع انت كل شي يعني الموضوع حسب اتفاقكم يتم البيع المهم كل شي يندفع عن طريقك او عن طريقة بالنسبة للاجراءات

وانت شوف الي يناسبك والله اخوي اتصل علي بيبيع عقار قال كيف اسوي قلت له لاتسوي ولا شي اذا بيدفع لك المبلغ كامل ويتحمل التكاليف بيعه اذا مايبغى قوله مع السلامه وبالفعل دفع المبلغ كامل لاخوي وهو تحمل بقية المصاريف

المشاركة الأصلية كتبت بواسطة مدرعم في الاسهم

هلا اخونا

انت مالك الا السعر صافي

الضريبه على المشتري وفلوس الموثق على المشتري


كلم اي موثق يجيكم في البيت وينهي كل الامور مع فنجال قهوه

لكن قبلها جارك لتزم يحط المبلغ في شيك مصدق ويجيبه معه ويشوفه الموثق

المشاركة الأصلية كتبت بواسطة مشهور بن محمد

هل المشتري يدفع ضريبه اذا كان اول بيت له؟؟

المشاركة الأصلية كتبت بواسطة عاشق المرقاب22

لا بشرط يطلع شهادة اعفاء من هنا https://vat.sakani.sa/

الاهم مايكون العقار في الصك تجاري

المشاركة الأصلية كتبت بواسطة مشهور بن محمد

الله يوفقك ويبيض وجهك

المشاركة الأصلية كتبت بواسطة مشهور بن محمد

العقار شراه جاري لصيق للبيت

الان المهم البنود في العقد كم بند تحتوي والدفعه متى نعملها قبل العقد او مع العقد ؟

المشاركة الأصلية كتبت بواسطة عاشق المرقاب22

اذا العقار حر اعرضه في البورصة العقارية

اما اذا الشغله فيها مسوق لازم تتفق هل السمسره عليه او على المشتري