وانت فاتح كل الاشعارات بالصوت لكل شي على ايش ماهو الشي المهم الي بيرسلونه لك حتى تشوف كل شي
الشي الثاني ليه تعطي مجال للناس الي ترسل اي شي يوصلها للناس تقول موزع للرسائل الاجماعية وشغلهم سهل ترى يحددون الاشخاص ويرسل له وانت فاتح لهم جوالك تفكر انهم بيسيبونك في اجازة او غيرها يارجال انت عندهم لقطة مايحصلونه تشوف كل الرسائل وكل ماشفت رسالة وشافك انك اطلعت عليها يزيدك خمس رسائل كذا من عنده يدور لك اشياء قديمة
بصراح الشخص العاقل مايستلم رسائل الا تكون مهمة بالنسبة له اما تستقبل رسائل تافهه طوال اليوم اسمحلى ماعندك عقل
عندي اصدقاء واقارب ازعجوني بالرسائل كل صبح هذا جدول يومي وفي بقية الاوقات تروح تشوف الرسائل كلها تم اعادتها وقديمة او تافهه او اشياء ماتناسبك او بيتكم معاك عن شي تافه طفشان بيسولف وفي المجمل نقول عليها سخافه مايستقبلها الا شخص سخيف
فقلت لهم ياخوان عندك شي مهم ارسل لي اما مقاطع ورسائل سوالف لاترسل لي نهائيا ترى الواحد ماهو فاضي لها خفت الرسائل كثير وبعدين انقطعت وفيه بعضهم هو ارسل ياخوان تتضايقون من رسائل النصائح في الصباح اول واحد قاله نعم انا اتضايق منها لاترسلها لي انا وانفكيت منه
بعض الناس يعتبر نفسه مهم اذا الناس ترسل له وتسولف معه ترى الناس طفشانه تدور اي واحد ترسل له لو بفلوس وفيه ناس ماادري اش صاير لهم متعلق بالجوال والرسائل والقروبات ويتعامل معها كانها شي مهم في حياته ويزعل من الناس الي ماتشوف رسائلة انقلع لاترسل شي عاد من زين رسائلك البايخة
لذلك انا اعتبر موضوعك تافه جدا يعني بتقول لنا انك مهم الناس ترسل لك والله لو بعطيهم مجال مانام ولا ارتاح في حياتي وكل الناس لو بتعطي مجال لكل من هب ودب يرسل له ماخلصت اشغالها ولا عرفت تنام فالمشكلة منك وليست من الناس قفل كل شي وقت الاجازة وارتاح من الرسائل بعد الاجازة افتح جوالك لهم وشوف اخبارهم
05-08-2024, 03:06 AM
