لو تسأل المتقاعدين يجاوبونك باسعار زمان ورواتب زمان وكل شي عندهم قديم
الان اختلفت الامور واذا كان راتب واحد وعندك بيت ملك والتقاعد 12 الف ريال تعتبر مسكين تجوز عليك الصدقة
لذلك التقاعد الان يختلف تماما لو الف ريال في التقاعد زيادة تفرق معاك كثير بعد التقاعد هذا الالف مايكفي لفاتورة الكهرباء
لذلك وضع سن للتقاعد لم يعد مهم اذا بتقاعد على خمسين سنه وراتبي بيطيح منه مبلغ الافضل مااتقاعد
اكمل لسن الخمسة والخمسين واشوف اوضاعي كيف بتكون ماناسب استمر للستين فين المشكلة
مع انني شخصيا لاافضل العمل بعد سن الخمسة وخمسين سنه لازم تعطي نفسك وقت تستفيد من التقاعد ترتاح بدون عمل وتحصل على راتب بعد الستين اشوف انها كثير جدا حتى انه سن غير مناسب للسفر او عمل اي شي
بس نصيحة اذا توصل احد للمدارس او الجامعة لاتتقاعد بتصحى كل يوم توصلهم وتروح مع الموظفين وترجع معاهم الظهر ولا تقدر تسافر ولا تستفيد من وقتك خليك في عملك افضل
فيه شي مهم بعض من يتقاعدون مبكر عندهم دخل ثاني وتكون احوالهم المادية جيدة بس انت اذا ماعندك غير هذه الوظيفة لاتتركها بقرار مستعجل بتندم على التقاعد وخسارة بعض المال من الراتب مثلا تتقاعد في سن الخمسين وانت ماعندك غير هذا المصدر للدخل بتسوي كارثة مالية سوف تعاني منها
لاتستعجلون على التقاعد المبكر يمكن الامور تكون اسوأ في القادم من الايام ماتدري ولاتفكر في التقاعد الا بعد الوصول لسن الخمسة والخمسين لان فرق الراتب عن التقاعد بيكون بسيط وغير مؤثر ومافي داعي ترهق نفسك وتعمل بخمسمائة ريال او الف ريال
12-09-2024, 06:58 PM
