راتب التقاعد والعمر المناسب للتقاعد !

المشاركة الأصلية كتبت بواسطة شرف البقاء

اقل من 20 الف ريال راتب صافي لا ياخذه ايجار ولا ديون وقروض يعتبر كحيان فقراوي الى مايموت.

المشاركة الأصلية كتبت بواسطة أحمد ahmed

تقاعدت مؤخرا وراتبي التقاعدي يعتبر جيد الحقيقة
وقبل اتقاعد بسنتين اشتريت سيارة للبنت وسددتها
وقبل كم شهر اشتريت سيارة للولد وادفع قسط شهري ٢٠٠٠ريال
وقسط صندوق التنمية ١٦٠٠
والف ريال راتب شهري اصرفه لقريبين
ومزرعة تكلفني شهريا ٢٠٠٠ ريال
واشوف الامور ليست ماشية معي على مايرام
الراتب مايكفي الحاجة 😵
رغم وجود دخل اخر من بعض الايجارات
وعندي بنت منتظرة دورها اشتري لها سيارة 😨
وتقول ازيرا 😱
قيمتها فوق ١٥٠ الف لكن شكلها صعبة علي 🤓
قلت للولد اللي ادفع لقسط سبارته الفين شهريا
اذا توظفت تتكفل بقسط سيارتك
وهو علي وشك التخرج
اذا توظف اشتري سيارة للبنت اللي بالسرا 🤣

المشاركة الأصلية كتبت بواسطة wasl

لماذا الخوف من التقاعد وكراهية التقاعد في السعودية ؟؟؟؟


لماذا نشر ثقافة كراهية التقاعد ؟؟؟؟

المشاركة الأصلية كتبت بواسطة نعود بحذر

55 سنه عمر كثير


اشوف عمرك لا يتجاوز 50 سنه الا وانت متقاعد



وبالأخير مثل ماذكر الأخوان تعتمد على الأمور الماديه والصحيه

المشاركة الأصلية كتبت بواسطة امــــــــــر

لو تسأل المتقاعدين يجاوبونك باسعار زمان ورواتب زمان وكل شي عندهم قديم

الان اختلفت الامور واذا كان راتب واحد وعندك بيت ملك والتقاعد 12 الف ريال تعتبر مسكين تجوز عليك الصدقة

لذلك التقاعد الان يختلف تماما لو الف ريال في التقاعد زيادة تفرق معاك كثير بعد التقاعد هذا الالف مايكفي لفاتورة الكهرباء

لذلك وضع سن للتقاعد لم يعد مهم اذا بتقاعد على خمسين سنه وراتبي بيطيح منه مبلغ الافضل مااتقاعد
اكمل لسن الخمسة والخمسين واشوف اوضاعي كيف بتكون ماناسب استمر للستين فين المشكلة

مع انني شخصيا لاافضل العمل بعد سن الخمسة وخمسين سنه لازم تعطي نفسك وقت تستفيد من التقاعد ترتاح بدون عمل وتحصل على راتب بعد الستين اشوف انها كثير جدا حتى انه سن غير مناسب للسفر او عمل اي شي

بس نصيحة اذا توصل احد للمدارس او الجامعة لاتتقاعد بتصحى كل يوم توصلهم وتروح مع الموظفين وترجع معاهم الظهر ولا تقدر تسافر ولا تستفيد من وقتك خليك في عملك افضل

فيه شي مهم بعض من يتقاعدون مبكر عندهم دخل ثاني وتكون احوالهم المادية جيدة بس انت اذا ماعندك غير هذه الوظيفة لاتتركها بقرار مستعجل بتندم على التقاعد وخسارة بعض المال من الراتب مثلا تتقاعد في سن الخمسين وانت ماعندك غير هذا المصدر للدخل بتسوي كارثة مالية سوف تعاني منها

لاتستعجلون على التقاعد المبكر يمكن الامور تكون اسوأ في القادم من الايام ماتدري ولاتفكر في التقاعد الا بعد الوصول لسن الخمسة والخمسين لان فرق الراتب عن التقاعد بيكون بسيط وغير مؤثر ومافي داعي ترهق نفسك وتعمل بخمسمائة ريال او الف ريال