🔴 أتكلم من جد، قررت أصير مشهور ساعدوني كيف الطريقة 🔴

صفحة 2 من 4

14-09-2024, 12:41 AM

المشاركه #13

Dammam forever

عضو هوامير المميز

تاريخ التسجيل: Aug 2020

المشاركات: 1,791

🔴 أتكلم من جد، قررت أصير مشهور ساعدوني كيف الطريقة 🔴

اخبر واحد قبل كم سنه قال صامولي صامولي وصار مشهور.انت اطلع وقل خبز رقاق ياخبز رقاق.وتصير مشهور

14-09-2024, 01:24 AM

المشاركه #14

بردالشمال

عضو هوامير المؤسس

تاريخ التسجيل: May 2005

المشاركات: 1,797

فيه طريقة عندي لكن حقوق الفكره محفوظه انا مانجحت مع قريبي بعطيك الفكره

وتحتاج شنطه سوداء

14-09-2024, 01:42 AM

المشاركه #15

osamh123

عضو هوامير المميز

تاريخ التسجيل: Feb 2007

المشاركات: 5,376

اقتباس:

المشاركة الأصلية كتبت بواسطة مستخير

هل عندك استعداد تضحي وتقدم تنازلات ؟

كلامه صحيح

شف اش عندك ما نعرفك علشان نحكم
ما هي المهارات الي عندك
مثلاً ولا تزعل الجادل وش عندها
هند القحطاني وش عندها
في المقابل
نايف حمدان وش عنده علشان انشهر
او براهيم عسيري
او يزيد

ومن جهه مقابله الجادل وهند
شوف ابو جركل وش شهرته
ولا واحد عند الاولاد يحبونه اسمه بندريتا

بندرسها ونايف عندهم شي يقدمونه
بندريتا لكل من هو تحت 20 وحاصه في البلاستيشن

ونايف قصص وعرض جميل وذبات لا توصف مبدع
حقيقي

الباقي كل شهرتهم هياط او مقومات ه للنساء

انت وش عندك تقدمه عطنا

ولعلمك وهذا احد ملاحظاتي الخاصه ان لكل شخص انشهر متابعين

مثل وحده عجوز اسمها ام قايد يتابعونها النسوان

اشوف عندي من الأهل يتابعونها هدره
وحده شهريه وزوجها عندهم عرض يومي الحقيقه محترم
بداو بسؤال واستمرت الف ليله وليله إلى الآن واعتقد لو عملوا كتابه
باسم الف سؤال وسؤال لنجح الكتاب
او عرض كرتوني تصويري

كل هذولا لا أتابعهم على هذا الولد الذكي
نايف حمدان
اول ما سمعته معى ولدي قبل 7 سنوات
وضحكت على ولدي الان أتابعه

مبدع إلى حد اني اقول لو المخرجين السنامائيين يستفيدون منه لكسر الدنيا

يا جماعه مبدع في وصف حالة العصر في زمن القصه

وبلسان هذا الزمن

يا ليت تركي الشيخ يتبناه ويضيف عليه مخرجين متخرجين من امريكا وكتاب سيناريو معه لتوظيف محتواه
اقسم بالله ان يكون السينما آلسعوديه تعدي الجميع

ولا تقولون حرام حلال

نحن في حرب اعلاميه شرسه وتحتاج لإبداع
ولعل مثل هذا يضيف للسينما العربيه شي

المهم استرسلت الله يعينك على أحلامك

نصيحه لا تتجاوز الخطوط الحمر لانك يوماً ما لن تستطيع العوده لنقطة البدايه او لنقطة الخطا
الشهره فيها نقطة بدايه ولا اعتقد هناك نقطة عوده لكن طبعاً هناك نقطة نهايه

اهدرتكم سامحونا وموفق وفالك الشهره الي تحلم بها

14-09-2024, 02:57 AM

المشاركه #16

صقر البريه

عضو هوامير المميز

تاريخ التسجيل: Dec 2022

المشاركات: 252

اذا تبغى تشتهر وبسرعه وبدون اي مجهود وتكاليف
اعمل محتوى تافه واستهبال وصدقني اغلب المشاهير كذا انشهرو.

14-09-2024, 05:12 AM

المشاركه #17

مستثمر شهري123

عضو هوامير المميز

تاريخ التسجيل: Nov 2010

المشاركات: 1,956

قبل كل شيء

لماذا تحب ان تكون مشهور؟
الشهره سجن لحريتك ومرض نفسي وقلق

عموما اقصر طرق الشهره الان ..تكون اهبل وخبل والحياء عندك صفر وكذاب ومنافق.

اعطيك افكار مال امها داعي لكن هي اللي بتشهرك بلحظات.

سو نفسك قرد (البس لبس قرد وناقز وسو اصوات القرد اووو اااا اييي🦍🐒🐒 ))في احد المجمعات واتفق مع كذا ورع ويفضل فوق الخمسين مراهق اعطهم على عشر ريال ...يطاردونك يطلبون السناب حقك وبيجونك العالم يطلبونه كمان.

اذا ما عجبتك الطريقه وتبغى تحس انك بطل...البس لبس سوبرمان واتجه كل يوم بمجمع بالرياض او اقرب مدينه لك كبيره...وفقط اركض بالمجمع وايضا اتفق مع شلة الورعان يطاردونك ويطلبو السناب.

انا عن نفسي ما احب الشهره فخليناها لك الله ييسر لك.

ترى ما اتتريق او استهزء بك...لكن صدق خلك خبل وافكارر خبله وبتشتهر.

14-09-2024, 05:17 AM

المشاركه #18

بيض بالفحم

عضو هوامير المميز

تاريخ التسجيل: Mar 2012

المشاركات: 1,992

خلك خبل

وتطلع مشهور

يابن الحلال مافيه احسن من الكرامه والحياء في الرجال

هذه بعض المشاهير .. قدمو تنازلات والناس تضحك عليهم باستنقاص

14-09-2024, 05:26 AM

المشاركه #19

دكتور جامعي

عضو هوامير المميز

تاريخ التسجيل: May 2020

المشاركات: 2,524

اقتباس:

المشاركة الأصلية كتبت بواسطة يالله التيسير

أنا مستعد اضحي و اقدم بعض التنازلات لكن إلى حد ما أتجاوزه.

ليس هناك حدود؛ لابد من تقديم تنازلات ممتدة، مع
( هبة ) مواقع التواصل...
الشهرة نوعان:
- شهرة تتفاخر بها أمام الناس، وتفتخر بك عائلتك.
- شهرة تستحي منها بعد فترة، مع بقائها طوال حياتك
وتنحرج عائلتك من ذكر اسمك، عبر التاريخ.

الثانية: سهلة، خالف تُعرف، وياحبذا أن تكون مع
السلافع، وتُهين نفسك.
أما الأولى: فهي تحتاج جهداً، ونفعاً، واحتراماً.
وأسهل طرقها: أن تنشر ما ينفع الناس، وتجيده
إجادة تامة، وتتحدث عنه بالتفصيل؛ والحمد لله هناك
كثير من الناس اشتهروا بذلك.

اختر ما تشاء، بالتوفيق.

14-09-2024, 06:20 AM

المشاركه #20

سيف المملكة

عضو هوامير المميز

تاريخ التسجيل: Jul 2011

المشاركات: 4,502

ماقريت كل الردود
اسهل مجال للشهره
ارقص بالتكتوك
ومبروك عليك الشهره خلال ساعه

14-09-2024, 06:25 AM

المشاركه #21

المناضل1

عضو هوامير المميز

تاريخ التسجيل: May 2011

المشاركات: 8,099

تبغى تصير مشهور

اشتر ارض شمال جدة
والوعد 2027
🏃‍♂🏃‍♂🏃‍♂🏃‍♂🏃‍♂🏃‍♂✈✈✈✈

14-09-2024, 07:08 AM

المشاركه #22

ahmadblgg

عضو هوامير المؤسس

تاريخ التسجيل: May 2005

المشاركات: 8,069

من معرفك يدل انك ماعندك استعداد انك تقدم تنازلات والمشاهير قدموا تنازلات كبيرة

14-09-2024, 07:12 AM

المشاركه #23

الفرزدق الاخير

عضو هوامير المميز

تاريخ التسجيل: Sep 2019

المشاركات: 10,812

المشهور اللي طلع ... ترا فيه 270 واحد غيره حاولوا وماقدروا

المحتوى الهادف ( مايوكل عيش ) ...
اليوم الناس في حاله ( زفتاوية ) يبون الخبال و....... الحريم بالعربي

** الصدمه الكبرى :

لو انخبلت وتخيبلت وسويت فيها خفيف ... ثم شهر شهرين سنه سنتين .. ولا انشهرت ؟؟؟

الناس لن ينسون ... وانت مااستفدت

14-09-2024, 11:09 AM

المشاركه #24

مستخير

عضو هوامير المميز

تاريخ التسجيل: Jun 2012

المشاركات: 8,824

اقتباس:

المشاركة الأصلية كتبت بواسطة يالله التيسير

أنا مستعد اضحي و اقدم بعض التنازلات لكن إلى حد ما أتجاوزه.

لكن وش هي التضحيات و التنازلات الي لازم اقدمها، يا ليت تفيدني و تعطيني تفاصيل اكثر واقعيه.

لأن قد يغيب عن بالي بعض الأشياء، و لكنها موجوده عندك تنورني فيها.

التنازلات اللي أقصدها

اذا ماكان عندك محتوى .. ان تكون أنت المحتوى

المتابعين لأي مشهور أو مشهورة .. هدفهم مشاهدة مادة مقدمة من المشهور أو مشاهدة المشهور الذي أصبح مادة مقدمة لهم

عندي تفاصيل كثيرة لكن ماحب كثرة الكلام .. انت ذكي وتفهمها وهي طايرة

ياتقدم صحن للضيوف يالحبيب والا اقعد انت في الصحن . وسلامتك

صفحة 2 من 4

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

10:31 PM

أتكلم

مشهور

مصير

الطرق

ساعدوني

قررت

اقرا ايضا

تنظيم يم الكهرباء" : الحد الأعلى للشحن المسبق 5000 والأدنى 150 ريالا

يقولك تبغى سيارة لازم تحجز وتجلس شهور طيب ايش تفسيركم لهذه؟؟