أكتب لكم من النمسا

المشاركة الأصلية كتبت بواسطة aattawi

علومنا مطر وثلج خير في خير ويا الله لك الحمد ، لاعريض ولا مريض ، مستانسين ومبسوطين والله يبسطكم ويسعدكم انتم وجميع المسلمين .

الديار ربيع ولا به شئ خافي، والتدفئة عندنا ماتطفي ، الناس هنا كلٌ في حاله ، يلبس اللي يلبس وياكل اللي ياكل ، والحريم منهن المتحجبات ومنهن العاريات ، وماتدري ابن الديرة من السايح. العالم من عرب وعجم الكل ماسك جواله و منشغل بالتصوير .
الأكل اسعاره ماهي سوا من غالي الى غالي جدا والسكن بين طالع ونازل وغالب عليه الركود لان الموسم انتهى بس كل متجود في سعره ولا هو مستعجل والله يديم علينا وعليكم الستر والعافيه والامن والامان .

والان على خبركم الشتاء قرب وكلٌ يستعد له والبضايع أشكال الوان ، الاسواق فيها من جميع الاصناف ، والموفق فينا من جاب ملابس شتوية من ديرته.. عسى الله أن يكفينا وإياكم قرصة البرد و يعيننا عليه و يجعلنا وإياكم فيه من المتعافين يارب ياكريم.
هذي علومنا وزايدها عفاكم وسلامتكم ...

المشاركة الأصلية كتبت بواسطة بيض بالفحم

من الاسلوب

واضح انت من اهل الجنوب اما من ظهران الجنوب والا السراه..توقعي صحيح والا لا

تروح وترجع بالسلامه

المشاركة الأصلية كتبت بواسطة أبو خالد 01

ما لك لوا

الرجال شمالي من اسمه