ما شفت من يزهاه

24-11-2024, 08:20 PM

المشاركه #1

عضو هوامير المميز

تاريخ التسجيل: Jul 2018

المشاركات: 24

.
.

ماني بمنكر فيك مغرم ومفتون
وأصد لا مرّيت وأكبح جماحي

واشيخ في ساحل حجاجين وعيون
ومرافي.. فيها يزيد انشراحي

الكحل خلقه.. والحجاجين مقرون
نهده سهومٍ والرموش الرماحي

ما شفت من يزهاه بالشكل واللون
يسجنّي بنظره.. ويطلق سراحي

عرضه نزيه من الشوايب ومصيون
ومن دونه الغربه.. وموتٍ متاحي

بلا تصبر وأبلع الريق بالهون
وثبّت اقدامي وأعاين مطاحي

لو ما شكمت النفس ما دونها دون
لا نطح ذويه بالبكاء والصياحي

إما معي يبكون وإلا يصيحون
وإلا تروح عظام جنبي لواحي

يا بنت أنا ماني بشاعر تليفون
ومغازلاً في الليل لين الصباحي

أنا عزيز ومن رجالٍ يعزون
ومصايد الغرّات ما به صلاحي

أخاف أهلك بغفلةٍ منك يدرون
لو كان ما تبغين هرجٍ مباحي

وش عرفك يا بنت ما ني بمجنون
وأعرض أوراقك هبوب الرياحي

العرض من دونه هل العرض يثنون
ودون الشرف تشهر خشوم السلاحي

وبيت دخلته بالمعزّه وأنا أمون
وكم ليلةٍ جتني ركونه اسناحي

حلفت ما أخونه ولو اني أخون
لو كان رأسي يندفن بالمساحي

-
#شعر// abaljesh
الشاعر// عبدالرحمن أبا الجيش

.

الموضوع الأصلي : اضغط هنا || المصدر :
قصائد الهوامير

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

10:24 AM

قصائد الهوامير

يزهاه

اقرا ايضا

رومنسيات

الشاعر / رشيد الزلامي رحمة الله عليه