نصيحة محب عاصر انهيارات كثيرة !!!

المشاركة الأصلية كتبت بواسطة الخالدي 753

مر علينا انهيار كورونا ونزلت اسعار الاسهم لقيعان ماتوقعنا انها تجيبها وتعلق الكثير مدة طويلة وبعدها فترة تحسنت الأمور ورجعت لأسعارنا وأكثر وبعضها دبلت مرة وثنتين

المفيد بالموضوع ان فيه ناس قفلوا الشاشة وتركوا المتابعة واستفادوا ، وفيه ناس وانا منهم قمنا نطامر هنا وهنا ولا حنا اللي عوضنا او استفدنا استفادة تسوى .

خلاصة الكلام ان اللي حاصل من نزول قوي عندنا شامل لجميع اسواق العالم وفترة وتعدي لا احد يبيع بخسارة بعد هالنزول او يدخل مبالغ تخسره أكثر وقفل الشاشة شهر شهرين ثلاثه وبتعين خير ومنت ملزوم تتابع طول اليوم
انا اقول هالكلام من واقع تجارب كثيرة لو صبرت فيها عينت خير ولكن تخبطاتي السابقة وتسرعي بالبيع والتنقل كانت سبب خسارتي الفادحة فقررت هالمرة اقفل الشاشة ومصير اسهمي بترتفع وابيع بمكسب ان شاء الله