ماهي وسائل حماية عمارة تحت الانشاء من السرقات وخلافها لاقدر الله ؟؟؟

صفحة 1 من 2

15-05-2025, 11:27 PM

المشاركه #1

فرهود 2020

عضو هوامير المميز

تاريخ التسجيل: Sep 2019

المشاركات: 388

ماهي وسائل حماية عمارة تحت الانشاء من السرقات وخلافها لاقدر الله ؟؟؟

ايش الوسائل اللي ممكن يستعين فيها الواحد لعمارة تحت الانشاء

واصل لها الكهرباء او آخذ خط كهرباء من جيرانه

بحيث ان الواحد يقدر بعد الله يمنع يحصل فيها شيء او يتلاحقه ويكشفه من بدري

الموضوع الأصلي : اضغط هنا || المصدر :
ساحات الهوامير المفتوحة

16-05-2025, 12:03 AM

المشاركه #2

المعالي 100

عضو هوامير المميز

تاريخ التسجيل: Jan 2017

المشاركات: 1,774

حارس حارس حارس

16-05-2025, 12:10 AM

المشاركه #3

ابو وليد الحربي

عضو هوامير المميز

تاريخ التسجيل: Feb 2012

المشاركات: 765

الله يباركلك فيها يارب ويسر امرك
أنا أنصح. ان سحب السلك يكون آخر شي قبل البويه بشرط الكهربائي يشيك علي كل شي قبل تسوي التلبيس الكهربائي دئما يقول قبل التلبيس علشان يشتغل مايوقف
المهم بعد ما تسحب السلك خذلك كمرات وموديم ووصله علي النت والجوال حتي في خلف العماره لأنهم يدخلون مع الخلف وكمان لازم حارس كذا يكون فترة الحارس اقل لان وصلت مرحلة البويه ما بقي شي

16-05-2025, 12:11 AM

المشاركه #4

السعيد2005

عضو هوامير المؤسس

تاريخ التسجيل: Nov 2005

المشاركات: 4,032

افضل من الف حارس هو تركيب كاميرات مراقبه تعمل بالطاقه الشمسيه و تتصل بشريحة جوال تعطي تنبيه فوري في نفس اللحظه و توثق ذلك في الانترنت ويمكنها اطلاق تنبيه بصوت قوي يشبه صافرات الدوريات الامنيه تخيف اللصوص والسمرمد😀

16-05-2025, 12:54 AM

المشاركه #5

ابومحمد الدمام

عضو هوامير المميز

تاريخ التسجيل: Jun 2022

المشاركات: 6,027

كلب حراسه مفترس وكاميرات

16-05-2025, 03:44 AM

المشاركه #6

واحد شاي وصلحه

عضو هوامير المميز

تاريخ التسجيل: Jul 2016

المشاركات: 3,916

اقتباس:

المشاركة الأصلية كتبت بواسطة السعيد2005

ياليت توضح لي اكثر عن هذه الاجهزة

16-05-2025, 04:12 AM

المشاركه #7

ولـــ صبيا ـــد

عضو هوامير المميز

تاريخ التسجيل: Oct 2023

المشاركات: 2,557

ثلاثة كلاب تركية ضخمة تستاجرهم تدرب عليها حتى تقبلك وخليهم في الحوش والأبواب الخارجيةقفلها بالبوابة شينكو والكاميرا شيء ضروري.

16-05-2025, 07:05 AM

المشاركه #8

امــــــــــر

عضو هوامير المميز

تاريخ التسجيل: Jul 2006

المشاركات: 15,059

مشكلة الكاميرات من فين بتجيب لها انترنت الا اذا بتشتري كاميرا تقبل شريحة جوال بس البث بيكون ضعيف وتحتاج تشترك في باقة كويسة حتى تمشي معاك لان الكاميرات تبث اربع وعشرين ساعة يعني تحتاج نت مفتوح وسعره غالي

قبل ماتشتري كاميرات حاول تشوف واحد من الجيران يشبكها على الانترنت عنده اسرع وافضل ولو يكون فايبر تمام وفيه كاميرات تقدر تمدد لها سلك شبكة اذا كان يقبل يشبك السلك في موديوم اللاتصالات يكون خدمك تمام اما شغل انك تشترك في خدمة مفتوحه على شريحة اشوفها غالية وغير عملية

لذلك افضل حل للعمائر الحارس والمقاول يقدر يجيب لك عامل تشغله حارس براتب لان السرقات تختلف وبعضها ماتكشفها الكاميرات فيه عمائر سرقو منها اسلاك الكهرباء بعد تركيبها يعني سحبوها من مكانها وسرقوها بس احتمال ان الحارس هو الي يسرقك ترى وارده

فيه طرق اخرى انك تسوي شبك حديد على الابواب ماتسيبها مفتوحه وتسوي مكان في العماره تحط فيه الادوات مثل السباكة والبوية اما الكهرباء لاتحط شي في العمارة غير الليات والعلب فقط اما الاسلاك خذها معاك البيت وكل يوم حط لهم في شنطة السيارة كم لفه يشتغلون فيها

ايضا محابس السباكة لاتسلمها لهم خليها معاك في السيارة وحسب الشغل نزل لهم كم محبس وتأكد انهم ركبوها لان المحابس غالية وفيه مثلها رخيصة جدا ماتفرق عنها شي ولا تعطيهم غير المحبس فقط اما الي يفتح المحبس خليه عندك مايقدرون يستفيدون منه بدونه

شوف الكاميرات تقدر تحط فيها ذاكره وتسجل بالايام وبدون انترنت بس ماتقدر تشوفها او اي شي تقدر تشبك جهاز فيها وتراجع التسجيلات واشوف الموضوع صعب شوي يكون مر عليه ايام

فيه طريقة كنت اسويها اي شي تجيبة صورة بالجوال الحديد الاسمنت ادوات السباكة والكهرباء والبوية خذ لها صورة حتى تعرف عددها والاشياء الموجوده مفيده جدا خصوصا الحديد بعد مايقصونه دائم يسرقونه بعد القص مايقدر يسرق الحديد كامل يحتاج رافعات الحرامية من العمال يكون عنده عماره ثانية يقص الحديد حقك على قد الكانات الموجوده في العماره الثانية وفي الليل يجي يشيلها لو صورتها بتكتشف انها ماهي فيه اليوم الثاني ولا اشتغلو فيها توكم جايين الصباح
بس لاتصور قدام العمال صور وقت مايكون فيه احد منهم

اهم شي في البناء انك ماتكدس الاشياء في العماره يعني ماتروح تجيب الحديد كله وتحطه قدام العماره ويصير كثير لو ينسرق ماتدري عنه

او تجيب لهم كل ادوات السباكة والكهرباء والبوية وتكدسها في العماره اشرط على الي تشتري منه انك تاخذها دفعات واعرف اللاشياء الغالية منها واعرف الاشياء الرخيصة الاشياء الغالية لاتسلمها للعمال معاهم في السيارة مثلها يسرقونها ويركبون لك تقليد بتراب الفلوس

مثلا في الكهرباء اغلى شي الكيبل لاتستلمه وتحطه قدام العماره او داخل العماره والله واحد حطه قدام العماره ودخلو العماره بيشوفون شي رجعو ماحصلوه الكيبل لاتستلمه الا وقت التركيب

الشي الغالي في الكهرباء الاسلاك لاتسلم للعمال لفات سلك كثيرة بيسرقونها وعندهم طرق كثيرة جدا للسرقة لو يحطونها جنب العمارة ويجونها في الليل ياخذونها

اما الليات حقت الكهرباء والعلب والاشياء الرخيصة حطها في العماره لو انسرقت سعرها رخيص والمشكلة انها كثيرة وصعب انك تاخذها معاك بس ايضا اشتري على قد الشغل بس لاتزود اشرط على الي تشتري منه انك تاخذها على دفعات لاتكدس شي في العماره

ولاترسل احد من العمال او المقاول يجيب لك شي ترى اذا يجيب لك البوية يروح بيت شعبي مجهزين براميل نفس الشكل والبوية مضروبة ينزلون البرميل الي مشتريه باربعمائة ريال وياخذون البرميل الرخيص ويجيبونه لك ترى ماتاخذ منهم وقت مسافة الطريق وهو مغيرها ياتخلي الشركة الي اشتريت منها تجيبها لك او انت استلمها بنفسك لاتخلي العمال او المقاول يجيبون لك شي ولاتاخذهم معاك اي مكان اذا اخذتهم اعرف ان السعر زاد عليك لانه يعتبر جابك زبون ولازم ياخذ حقه من المحل والمحل بيحطها عليك

خربطت عليك كثير بس اعتقد انه مفيد وسوالف العمائر ماتخلص لو بنصحك للصبح ماتخلص

16-05-2025, 01:46 PM

المشاركه #9

zeh0330

عضو هوامير المميز

تاريخ التسجيل: Aug 2022

المشاركات: 777

انا لما كنت ابني استعنت بالله وتوكلت عليه
ووقفت سيارتي الصغيرة قدام البيت واجي بالاخرى
وكل ماجيت غيرت اتجاهها
اهم شي انك تقوم بزيارة يومية والا ....

17-05-2025, 05:11 AM

المشاركه #10

وثاب

عضو هوامير المؤسس

تاريخ التسجيل: Jun 2005

المشاركات: 6,942

الكميرات ضروريه ما فيها نقاش وقت البناء وبهد البناء وحط اللي فيها صوت وصوره وتقدر تكلم فيها اللي موجود في المكان

والحارس وينفس الوقت تستفيد منه بشغلات كثيره
ان امطرت يغطي الحديد ويرش الماء بعد المساح وينفس الوقت حارس وتستفيد منه في بعض الامور
البيت تحط فيه مبالغ كبيره لا تستخسر الف ريال بالشهر وانت تحط حول المليون

17-05-2025, 05:29 AM

المشاركه #11

ابو قصي

عضو هوامير المؤسس

تاريخ التسجيل: Sep 2005

المشاركات: 994

انا شريت كاميرات Ezviz فيها ميزات صوت وصوره واكتشاف الحركة وارسال تنبيه للجوال وتقدر تكلم منها الموجود في الموقع ويسمع منك وفيها جرس انذار قوي

ريحتني كثير على الجوال ماتحتاج تشبيك وتسليك
وشريت مودم هوواوي صغير حق جيب وشريحة انترنت موبايلي 10 جيجا شهرياً وشبكت المودم على الكاميرا

والكاميرا تعطيك ميزة انك تحمل التطبيق حقها على اكثر من جوال .

هذه عينه من الكاميرات
https://youtu.be/KjHjkagEswA?si=kMOUzP3gXs6qVJmV

17-05-2025, 05:46 AM

المشاركه #12

هيكب

عضو هوامير المميز

تاريخ التسجيل: Sep 2011

المشاركات: 4,719

حارس شخصي
في الاحياء الجديده جنوب الرياض مثل بدر والمزيني وعكاظ وعريض , المباني تحت الانشاء والجديده بدون سكان يتم وضع حارس شخصي مقابل 1200 ريال وتتكفل بااكله وشربه

صفحة 1 من 2

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

08:21 PM

ماهي وسائل حماية عمارة تحت الانشاء من السرقات وخلافها لاقدر الله ؟؟؟

ساحات الهوامير المفتوحة

لاقدر

ماهي

وخلافها

وسائل

الله

الانشاء

السرقات

حماية

عمارة

اقرا ايضا

الله يرحم والديكم خزان الغاز للبيت هل هو افضل واوفر من اسطوانة الغاز

(باكستان + حماس) نفس السيناريو للإضرار بالمصالح السعودية