يوم انشـدوني عن دموعي وانا امـك .. معاناة أم

هذه دعوه للأبناء العاقين بأمهاتهم للتوبه والعوده لأمهاتهم
حقيقه الأبيات مؤثره وتمثل واقع كل ام
يمكن يكون فينا واحد هجر امه .... او انشغل عنها
اتمنى ان هالأبيات تؤثر فيه ..


يوم انشـدوني عن دموعي وانا امـك
جاوبتهم وابعدتـــــــهم عن طواريك
ما ابغى اجرحك في كلمه تزيد هـمـك
ما ابغى اقول ان السبب من تجافيك
يومي لمست الصدر في يوم ضــمك
نسيت انا اللي حـــولي وقمت ابكيك
مدري انت عايش وارتجي لمس جسمك
او ميت واقول يرحمك والـيــــك
يا ماسهــرت وزاد غمي لغمـــك
ما ارتــــاح ليمن تهتني في لياليك
وياما اذا طــولت نومـك اشمــــك
واتاكد انك عــــــايش لي وارجيك
وياما زعلـوا مني خوالك وعمــــك
ويا ماهجرت اقرب قريب ضحك فيك
وياما ذرفت دمعي واذا سال دمك
براءة الاطـــــــــــفال ماهي بتنهيك
وياما انتظرتك عند بابي وانا امــك
واقــــــــول في يوم تجيني واحييك
اخاف من يــــــــــــوم يجيني يغمك
ويجيك علمي مع عــــــزيز يعزيك
انا على الله داخــلـــه ثم لمـــــــك
ارحـــــــم قليب تالي الليل يشكيك
فكر في منهي صابها ضيم ظلمك
واذكر حشا ضمك وعسر المساليك
ودي اشوفك قبل يومي ويــــــومك
لو مرة بالعـــــــــــــــــام الله يخليك
مابيك تقطعني اذا امري يهــــــــمك
بقعد معك واضحك واسولف واحاكيك
يا وليدي اذكر كلمه قال فمــــــــك
لا قلت كلمه يــــــــووه قلبي يلبيك
واذكر زمان به فراشي بجنبــــــك
واذا شكيت تقول يمــــــــه واسليك
لا اشتد مابك فوق كتفي اضمـــــك
ما ارتاح لحظـــــه لين ربي يعافيك
والختم لا جتك الرساله وانا امـك
يمه تجي ولا انا ازحـف واجــــيك



منقول للفائده