logo




قديم 25-03-2007, 05:15 AM
  المشاركه #1
عضو قدير
تاريخ التسجيل: Sep 2005
المشاركات: 3,333
 

وهي تحكي قصة

الاخ هادي بن سعود بن كدمه آل الشريف الحبابي أخ الشاعر من الرضاعه مسجون في سجن ظهران الجنوب منذ

ما يقارب 16 سنة بقضية قتل اخيه أبن عمه/ هادي بن مهدي بن فرثان آل الشريف الحبابي

هناك مساعي مبذوله في قضيته عسى ان تتم على خير ،



في سجن ظهران زرت اخوي ابن كدمه وانا وهادي سعـود بحسبـة اخوانـي
جينا زيـاره ومعنـا بالرضـاع امـه في قلبها شوق مـدري هـم وحزانـي
وساعة وقف قامت اتناديـه وتضمـه من زود حب الضنا في قلبهـا الحانـي
ومن زود شوقه يـون وقـال يايمـه انا علـى شوفتـك بالحيـل ولهانـي
وقامت تنوح العجوز وسلهمـت يمـه ودموعهـا كنهـا هـمـال ودانــي
صاحت وناحـت وزادت بالبكـا همـه ويقول يامـه كفانـي هـم واحزانـي
ثم انكسر ناضره مـن همـه وغمـه بين الرجاء ولأمل واليـاس حيرانـي
ثم وقف رضا(ن)لها تواضع وحشمـه وقبل يديها ودمعـه فـوق الاوجانـي
ثم التفـت يمهـا فـي خاطـره كلمـه واقفا موادع وهـو مكسـور جنحانـي
ثـم كبلـه حارسـه بالقيـد واختَمـه وامه تنادي بلهفـة شـوق واشجانـي
ونت وناحـت عليـه ونادتـه بسمـه وقفا موادع وهـو راضـي وزعلانـي
وحملني امانة(ن) تبـرا بهـا الذمـه قال انت ياخوي في ذمتـك ورعانـي
ورحت اتفقد عيالـه ثـم لقيـت امـه والحزن في صوتها المشحوب ينبانـي
ثم صار لي موقف الا صـارت مطمـه من موقف صـار واحزنـي وبكانـي
جوني عياله وكل(ن) مـن ملـى فمـه يقول بابـا سنيـن طـوال ماجانـي
وانا اشهد(ن) كل حي يحن لـه دمـه من بعد هذا حصل لـي موقـف ثانـي
جتني فتاة(ن) خطاهـا تمشـي بهمـه ثم اعثـرت وانثنـت قـدام تنصانـي
وعن راسها فرعت ثم طشـت اللثمـه وتطيـح وتقـوم مضيومـه وتنخانـي
قلت ابشري والعسـر والله مـا همـه الظاهـر ان القـدر للمـوت ودانــي
قالت ياعم اين ابوي اللي ولـد عمـه غرامه ابوي ابن عمه وهـو الجانـي
اشكي عليك الزمن ياعـم مـن ظلمـه خالاني اعيش فـي حيـره وحرمانـي
ياعـم تكفـا تلـف الشمـل وتلـمـه ابغاك تفـزع وتنخـا قاصـي ودانـي
قلت الردي جعلها تبكـي عليـه امـه ونتي نخيتـي وانـا بانخـا كحيلانـي
بانخا ابن فرثان صقـر وكـره القمـه وانخاه بسمي وبسم شيـوخ قحطانـي
وادخل على ربنا اللي يكشـف الغمـه وادخل على هادي ابن معيض لاهانـي
وانا دخيل الحضـن والبيـت والذمـه وادخل على الحي واللي وسط الاكفاني
يامارد(ن) للظوامي صافـي(ن) جمـه واللي ورد له ما صدر منـه ضميانـي
الحكـم لله وحكمـك بيـدك وسـمـه لرضاك ما ننكـره لـو كـان ماكانـي
والعاقـل اليـا بـلاه الله كبـر حلمـه يهـون الكايـده ياوجـه سنحـانـي


الموضوع الأصلي : اضغط هنا    ||   المصدر : منتدى هوامير البورصة السعودية

 
 
قديم 25-03-2007, 08:03 AM
  المشاركه #2
عضو هوامير المؤسس
تاريخ التسجيل: May 2005
المشاركات: 1,160
 

قصيدة محزنة
الله يفك كربته
ويلهم أهل القتيل الصبر والسلوان
صح لسان القائل والناقل




قديم 25-03-2007, 08:18 AM
  المشاركه #3
كاتب قدير
تاريخ التسجيل: Apr 2005
المشاركات: 5,333
 

اقتباس:
المشاركة الأصلية كتبت بواسطة سمير
قصيدة محزنة
الله يفك كربته
ويلهم أهل القتيل الصبر والسلوان
صح لسان القائل والناقل
اللهم امين نسئل الله يفك كربته

ويعطيك العافيه اخوي كريم




قديم 07-02-2020, 10:41 PM
  المشاركه #4
عضو هوامير المميز
تاريخ التسجيل: Aug 2019
المشاركات: 1,123
 

الله المستعان



قديم 10-03-2020, 01:59 PM
  المشاركه #5
عضو هوامير المميز
تاريخ التسجيل: Jan 2015
المشاركات: 12
 

صح لسانك أبدعت والله يفك قيده






الكلمات الدلالية (Tags)

للشاااااااااعر

,

وقصيدة

,

القحطاني

,

قصة


أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



09:58 PM