أم من الحزن تقول لفلذت كبدها ياليتني خادمه بين إيديك...

22-04-2007, 01:45 PM

المشاركه #1

كاتب مميز

تاريخ التسجيل: Mar 2007

المشاركات: 6,645

أم من الحزن تقول لفلذت كبدها ياليتني خادمه بين إيديك...

أم من الحزن تقول لفلذت كبدها ياليتني خادمه بين إيديك...
--------------------------------------------------------------------------------

السلام عليكم ورحمة الله وبركاته

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه)
او كما يقااال ( دار النسيان) والبيت أعلاه يبكي حتى القلب القاسي

بعض الناس ما ادري كيف زوجته تركبه وتدوس على رقبته واللي تبيه هي يمشي الحقيقة انا ما اسميه رجال

اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشو! فك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا..
__________________

للامانه وصلتني عبر البريد

الموضوع الأصلي : اضغط هنا || المصدر :
الملتقى الــــــعـــــــام للهــــــوامــــــــيــــــــر

22-04-2007, 01:47 PM

المشاركه #2

المنتظر مل صبره

عضو هوامير المميز

تاريخ التسجيل: Jul 2006

المشاركات: 158

قديمه وانا اخوك لها فوق خمس سنوات
لكن فعلا مؤثره وهي مقيوله على لسان ام

22-04-2007, 01:51 PM

المشاركه #3

سلومي99

عضو هوامير المميز

تاريخ التسجيل: Sep 2006

المشاركات: 267

اقول شف لنا واحد ينادى على هيئة السوق

22-04-2007, 01:53 PM

المشاركه #4

ابو البنات 37

عضو هوامير المؤسس

تاريخ التسجيل: Oct 2005

المشاركات: 867

والله انها مؤثرة جدا وادمعت لها عيني الله عليك الان ياحمدان وش بيجيك

22-04-2007, 02:22 PM

المشاركه #5

البردين

كاتب مميز

تاريخ التسجيل: Mar 2007

المشاركات: 6,645

اقتباس:

المشاركة الأصلية كتبت بواسطة المنتظر مل صبره

قديمه وانا اخوك لها فوق خمس سنوات
لكن فعلا مؤثره وهي مقيوله على لسان ام

يقول سفيان رحمه الله

انه ليحدثني الرجل بالخبر وقد سمعته قبل ان تلده امه
فانصت اليه كاني اسمعه لاول مره

22-04-2007, 02:33 PM

المشاركه #6

ابولمى

عضو هوامير المؤسس

تاريخ التسجيل: Oct 2005

المشاركات: 2,571

لكنني لا اتوقع ان هناك نوع من البشر تنطبق عليه القصه ..

ربما .. في قصص الف ليله وليله

معقووووووول .. يا ناااااااس .....

فيه انسان ( ماني قايل مسلم) .. انسان يترك امه بهالطريقه .؟؟

الحمد لله الذي عافانا

22-04-2007, 02:41 PM

المشاركه #7

ri-100

عضو هوامير المميز

تاريخ التسجيل: Aug 2006

المشاركات: 170

لاحول ولا قوة الا بالله العلي العظيم
اللهم لا تفتنا مثلهم ياحي يا قيوم
واجعلنا ابر خلقك بهم ياحي ياقيوم

اسال الله العظيم ان يجد حمدان هذه الرسالة قبل فقدان امه فلا ينفع الصوت بعد فوات الفوت

23-04-2007, 10:26 AM

المشاركه #8

hmssa

عضو هوامير المميز

تاريخ التسجيل: Mar 2007

المشاركات: 426

والله اني بكيت
مقصرين في حق الوالدين الله يحفظهم امين
اللهم رجع حمدان لامه ومن هم على شاكلته
شكرا اخوي لك

الكلمات الدلالية (Tags)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

09:02 AM

أم من الحزن تقول لفلذت كبدها ياليتني خادمه بين إيديك...

الملتقى الــــــعـــــــام للهــــــوامــــــــيــــــــر

لفلذت

أم

من

إيديك

الحزن

بين

تقول

ياليتني

خادمه

كبدها

اقرا ايضا

سهم التدبيلات باذن الله

قرووووض مساكن الشهر القادم