وشو الشي إللي يضرك إذا أرتفع ويضرك إذا انخفض، ولا له علاج???

المشاركة الأصلية كتبت بواسطة السنين المره

سمع المواطن السعودي خابور بمشروع مساكن فكاد أن يطير من الفرح، وجلس يحدث نفسه قائلاً:

صحيح إن أغلب الشعب في ضائقة وأن رواتبهم لم تعد تكفيهم بسبب تلك اللطمات المتتالية عليهم، لكن الدولة لا يمكن أن تسكت عن هذا الوضع، يا الله لا أكاد أصدق أنني سأمتلك بيتاً!.

ذهب بعد أشهر من الانتظار إلى فرع مصلحة التقاعد، وشاهد جموع الناس، حاول اختراقها وبعد جهد جهيد استطاع أن يصل إلى صالة الانتظار، ثم قال:

خابور: معقولة كل هذول الناس ما يملكون بيوت؟!

وبعد طول انتظار دخل على المدير فوجده يبتسم فقال:

خابور: ما شاء الله، أول مرة أدخل على مدير في دايرة حكومية وأشوفه يبتسم.

المدير(بغضب): احترم نفسك! أنا عمري ما ابتسمت لمواطن، الأمر وما فيه إني ركبت طقم أسنان بس طلع كبير شوي.

خابور: على كل حال، معاك المواطن خابور بن مسمار، وأحب تناديني... ببو مسمار، أنا ودي طال عمرك تعطوني من هالوحدات السكنية إللي في مدينة الملك عبدالله السكنية، وودي تكون طال عمرك على شارعين وفي...

المدير: أنت فاهم غلط! هذا المشروع إللي تتكلم عنه مش في السعودية، هذا المشروع بتتبرع به الدولة وتبنيه في الأردن لأن فيه 370 ألف مواطن أردني ما عندهم مساكن.

خابور: أقول... صرنا مثل عين عذاري تسقي البعيد وتترك القريب، طيب وشو مشروعكم هذا، وعسى ما بيطوّل، وكيف بأحصل على سكن؟

المدير: خذ هذي النشرة واقراها وإذا أنطبقت عليك الشروط راجعنا.

بعد أن قرأها وفهم ما فيها تغيير وجهه وازداد غضبه وعلم أن المسألة نصب في نصب.
خابور: يعني تحلبون الواحد منا طول عمره من يوم يتوظف، وهالحين تبغون تسلفونا من حلالنا وتاخذون علينا أرباح 100%؟! حسبي الله عليكم.

المدير: منت مجبور، هذا المشروع اختياري.

خابور: الظاهر إن ما لنا إلا ننتظر الصندوق العقاري، والحمد لله إنهم زودوه وصار مليون بدل 300ألف.

المدير: الأخ من الإمارات الشقيقة؟!

خابور: أنا سعودي!!... يقولون إرفع معروضك أنت سعودي!!... حنا حقوقنا ضايعة في هالبلد، وكل جهة تتفنن في نهب هالمواطن المسكين، ياليتني إماراتي كان هالحين ساكن في بيت ملك ووضعي المعيشي زين.

المدير: الوضع ممتاز والمعيشة طيبة والحقوق محفوظة ولا يمكن أحد يمسها أبداً.

خابور: عز الله إنك صدقت، الحقوق محفوظة ولا يمكن يمسها المواطن أبداً، وأنا ودي أسألك طال عمرك سؤال وتجاوبني أنت وهالبشكة إللي حولك: وشو الشي إللي يضرك إذا أرتفع ويضرك إذا انخفض، ولا له علاج، إذا كان عندك معرفة بالواقع؟!

المدير: هذا الله يجيرنا وإياك السكر والضغط.

خابور: ياحليل السكر والضغط هين وله علاج، هذا طال عمرك سعر البترول عندنا، لو صار سعره بريال وإلا بـ500ريال ما يستفيد منه الشعب أبد، وما أظن له علاج!.

طيب عندي سؤال أبسط منه ويمكن تستعين بصديق، منهو الشعب إللي يكره الزيادة في الراتب؟!

المدير: هذا شعب مغفل، ما أظن أحد يكره الزيادة!

خابور: شفت إنك في وادي والشعب في وادي ثاني، هذا الشعب السعودي، جات الزيادة 15% وطلعت من ظهورنا 100%.

آخر سؤال علشان ما أعطلكم عن نهب المواطنين، وشي الدولة إللي ما تبيع أراضيها على المواطنين؟!

المدير: أنت متحامل على الدولة، أكيد بتقول السعودية!

خابور: سلامتك، هذي الإمارات، لأنها تعطيهم الأراضي منحة ببلاش.

المدير: لو سمحت، أنت سببت لنا إزعاج في المكتب يا الله!... اطلع برا!

خابور: أقول لو سميتوا المشروع مدافن بدل مساكن كان أحسن، وأنا رايح اشتكيكم للدولة يا حراميه.

ضحك المدير ضحكة قوية وبصوت مرتفع، علم منها خابور أن شكواه للدولة كالمستجير من الرمضاء بالنار.

قرر خابور أن يضع حدا لمعاناته فعزم على الخروج من الرياض إلى الصحراء، حيث اشترى خيمة وماطور كهرب وحفر بئراً إرتوازية واشترى له بعض الرؤوس من الغنم، فحياة المدنية لم تعد تساعده وراتبه لا يكفي للعيش الشريف فيها، وذات يوم قام في الصباح على صوت سيارة جيب!

خابور: خير إن شا الله، أنا عارف إنكم جايين من جهة الدولة علشان تحاولون فيني أرجع للرياض، لكن ماتي براجع لو تعطوني أكبر قصر في الرياض، أنا أدري إنكم خايفين من حقوق الإنسان وأنا...

السواق: أنا مندوب الأمير وجاي أحذرك وأقول لك هذي الطعوس إللي تشوفها مد البصر صارت من أملاك سموه، جاته منحة لتحسين أوضاعه، ولو شفتك فيها بعد اليوم نتفت ريشك بهالرشاش، بلا حقوق إنسان بلا حيوان، فاهم؟!

خاطرة قصيرة اسدلت بعدها الستار على نكتة أسموها (مساكن) أبو غريب... محمد غريب الشويعر،،،