تعالوا نتعارف ......... ضيف الأسبوع

29-09-2005, 01:08 PM

المشاركه #13

سويح

عضو هوامير المؤسس

تاريخ التسجيل: May 2005

المشاركات: 896

تعالوا نتعارف ......... ضيف الأسبوع

وينه بندول الظاهر راسه يوجعه من سوق الأسهم وراح يدور حبه بندول ههههههههههههههههههه

29-09-2005, 01:57 PM

المشاركه #14

احمد 207

عضو هوامير المؤسس

تاريخ التسجيل: Jul 2005

المشاركات: 533

اقتباس:

المشاركة الأصلية كتبت بواسطة الجوري

فكره راااائعه
وانا ابي ابدا
ابو ناصر
ماهو اول منتدى كتبت به
وماهو اكثر منتدى كتبت به
وماهو اكثر منتدى ترتاح به
وكيف اخترت بنادول
ولماذا اخترت بنادول
ومتى اخترت بنادول
وماهو اطرف موقف مرعليك في عالم الاسهم
وماهو اسوا موقف مر عليك في عالم الاسهم
ولماذا اخترت عالم الاسهم
ومن هو اكثر كاتب او كاتبه في المنتدى ترتاح له
ومن هو اذكى كاتب او كاتبه في المنتدى

جوريتنا اشوف فيك يوم وارجع لك نفس الاسئله (_

سؤالي لابو ناصر
هل تمون على المختصر والى اي درجة تمون
وهل ممكن تقبلني صديق احتاج لك وقت الضيق

29-09-2005, 02:33 PM

المشاركه #15

sami

عضو هوامير المؤسس

تاريخ التسجيل: Apr 2005

المشاركات: 19,719

أشكرك مشرفنا الغالي على هذه الفكره الرائعة

الأستاذالكبير

بنادول

س 1- لو الزمت بتغيير معّرفك ماذاء ستختار لك معرّف ؟

س 2- متى تشعربالأحباط من السوق ؟

تحيتي وتقديري لكل من قراء هذه المشاركه

29-09-2005, 04:22 PM

المشاركه #16

بنادوول

مستشار شبكة ومنتديات هوامير البورصة السعودية
أبو ناصر

تاريخ التسجيل: Jun 2005

المشاركات: 17,518

مشكور مشكور جدا على هذي الإستضافه

شكلك إنت يالفارس الجديد مع بقية المشرفين ناويين علي :12:

وما شاء الله شكل فيه بعض الأعضاء ما صدقوا.....يبي يربطوني ويستجوبوني بالطيب وإلا بالمشاعيب :5:

عموما

حلالكم حلالكم

وتأكدوا.....إني أحبكم قد اللي ماله قد

عودتكم على الصراحه والوضوح بكتاباتي.....وابكون معكم صريح قدر المستطاع بإجاباتي

وأبد إسألوا إسألوا...ولا تستحون

ولا يردكم إلا كيبوردكم

اللي مايقتنع بجوابي أو يبي إيضاح أكثر......فلا مانع إنه يطلب أكثر

يبي يجي يوم وتبي تكونون على كرسي الإعتراف...ولا راح أرحمكم :10:

أحبكم قد اللي ماله قد

29-09-2005, 04:54 PM

المشاركه #17

بنادوول

مستشار شبكة ومنتديات هوامير البورصة السعودية
أبو ناصر

تاريخ التسجيل: Jun 2005

المشاركات: 17,518

الأسم

بنادوول بن ناصر من عيلة قاهر الآلآم

العمر

أبوسلطان...أقول وإلا تقول إنت :5:

خخخخخخخخ

هذي قضيه....فيه أعضاء عطوني بالأربعين...وبعضهم وصلوني للخمسين

عمري
قريبا سأدخل ال31

كنية أبوناصر...كبرتي على كلام كثير من الأخوه

الدراسه
هندسه ميكانيكيه....تخصص إنتاج (تخصص قليل نوعا ما)حيث إنه يتعمق بالإنتاج الصناعي وتطويره والمدعم بالحواسب والربوتات

الوظيفه
أعمل منذ 7 سنوات في أحد اكبر المنشأت الحكوميه في مدينة الرياض والمملكه...وتعتبر ذات تصنيف عالمي
مشرف على قسم من أقسام الشؤون الهندسيه والتكنولوجيه
لا هي بنك ولا سابك....ريحوا مخكم :5:

دوامي
أطلع من السابعه صباحا ولا أعود للمنزل قبل الساعه السابعه او الثامنه مساء .....إلا ماندر
مسه وحده

أحاول أن تكون إجتماعاتي بالعمل إما قبل التداول الصباح..أو بين فترتين التداول

أكثر تداولي عن طريق النت لأنه على الستالايت مباشره وقليلا عن طريق الهاتف
ولكن لا تخلوا من تعليقات النت الغبيه اللي تودينا وتودبكم بداهيه

رقم الجوال
خمسه صفر وثلاثه حمر وإثنين خضر....خخخخ :4:
...............

أممممممممممممممم

مدري وش تبون تدرون بعد عن البطاقه

???????????

29-09-2005, 04:57 PM

المشاركه #18

mosleh9

عضو هوامير المؤسس

تاريخ التسجيل: Aug 2005

المشاركات: 204

تحيـــــــــــــــــــــــــــــــــــــاتي لكل من بلبل المنتدى ( بنادول) ووو ( ألأوكنـــــــــده))) وووووو ( هـــــرفي )

وتراني عازمكم في مطاعم هرفي (((( ولا تبونها على البحر )))))) والله تستاهلون أكثر
من عــــــــزيمه ولكم تحياتي

29-09-2005, 05:22 PM

المشاركه #19

بنادوول

مستشار شبكة ومنتديات هوامير البورصة السعودية
أبو ناصر

تاريخ التسجيل: Jun 2005

المشاركات: 17,518

اقتباس:

المشاركة الأصلية كتبت بواسطة الجوري

فكره راااائعه
وانا ابي ابدا
ابو ناصر
ماهو اول منتدى كتبت به
وماهو اكثر منتدى كتبت به
وماهو اكثر منتدى ترتاح به
وكيف اخترت بنادول
ولماذا اخترت بنادول
ومتى اخترت بنادول
وماهو اطرف موقف مرعليك في عالم الاسهم
وماهو اسوا موقف مر عليك في عالم الاسهم
ولماذا اخترت عالم الاسهم
ومن هو اكثر كاتب او كاتبه في المنتدى ترتاح له
ومن هو اذكى كاتب او كاتبه في المنتدى

يؤيؤيؤ

بشويش.....يا عطر المنتدى

وش ذا الهجووووم المباغت

وين مدير الحوار الفارس الجديد...فيه هجوم إنتحاري بالأسئله الرائعه والكثيره المفيده...من قبل عطر المنتدى..... شكلها مخبره
محترفه :5:

اول منتدى كتبت به هو منتديات تداول الإقتصاديه

أكثر منتدى كتبت به..... هوامير البورصه

أكثر منتدى أرتاح به....منتدى إسمه خرنفشاه دخ فش تشبتشب......

طبعا الهوامير ... يا جوري

كيف ومتى وليش إخترت بنادوول هذي أبفرد لها رد منفصل

أبكمل الرد على جميع ا سئلتك يا جوري بعد قليل....لأني مضطر أستأذن شوي

29-09-2005, 05:27 PM

المشاركه #20

الجوري

عضو هوامير المؤسس

تاريخ التسجيل: Apr 2005

المشاركات: 5,018

اقتباس:

المشاركة الأصلية كتبت بواسطة بنادوول

يؤيؤيؤ

بشويش.....يا عطر المنتدى

وش ذا الهجووووم المباغت

وين مدير الحوار الفارس الجديد...فيه هجوم إنتحاري بالأسئله الرائعه والكثيره المفيده...من قبل عطر المنتدى..... شكلها مخبره
محترفه :5:

اول منتدى كتبت به هو منتديات تداول الإقتصاديه

أكثر منتدى كتبت به..... هوامير البورصه

أكثر منتدى أرتاح به....منتدى إسمه خرنفشاه دخ فش تشبتشب......

طبعا الهوامير ... يا جوري

كيف ومتى وليش إخترت بنادوول هذي أبفرد لها رد منفصل

أبكمل الرد على جميع ا سئلتك يا جوري بعد قليل....لأني مضطر أستأذن شوي

تفضل يابو ناصر
خذ راحتك اهم شي تجاوب

29-09-2005, 05:53 PM

المشاركه #21

الفقير لله

كاتب مميز

تاريخ التسجيل: May 2005

المشاركات: 4,784

ياكثر الأسئلة ... الله يعينك يابنادول ... شكل مايمديك على تداول الأسبوع الجاي إذا بتجاوب على الأسئلة كلها ...
يالله أنا سؤالي خفيف لطيف ظريف ...
السؤال : اكتب كل شئ تعرفه عن نفسك من طفولتك إلى هذا اليوم ....ملحوظة : يجب أن تخلو الإجابات من الأخطاء الإملائية ...ههههههههههههههههه
الله يوفقك يالفارس وبنادول وكل أعضاء المنتدى .

29-09-2005, 07:29 PM

المشاركه #22

بنادوول

مستشار شبكة ومنتديات هوامير البورصة السعودية
أبو ناصر

تاريخ التسجيل: Jun 2005

المشاركات: 17,518

اقتباس:

المشاركة الأصلية كتبت بواسطة الجوري

فكره راااائعه
وانا ابي ابدا
ابو ناصر

وماهو اطرف موقف مرعليك في عالم الاسهم
وماهو اسوا موقف مر عليك في عالم الاسهم

أطرف موقف

كثيره

ولكن أقربها.... كان فيه شخص عزيز على>>> مو مره بالأسهم بس عنده خلفيه لا بأس بها
المهم
كلمني في فترة تداول الصباح وقال أبي سهم مضاربه سريع
وكان وقتها القصيم الزراعي مضاربه بين ال185 الى 193 وكان هو كلام المساهمين ذيك اليومين

قلت له شل القصيم والبيع العصر بأي مربح

كلمني وقال ياخي حاولت ...لكن عجزت كل ما حطيت سعر الشرء يقولي مرفوض

قلت له طيب طيب....روق وخلك جاهز وإذا قلت لك إشتر سعر سوق...إشتر على طول
قال أوكي...دقايق وقلت له إشتر.....وزي إتفاقنا البيع بالعصر

ما دريت إلا دق علي بعدها بنص ساعه يقول بوناصر....ربحان بالسهم 70 ريال أتوقع كفايه

قلت 70 ريال للسهم...بالقصيم الزراعيه ما يصير!!!!!!!!!!

بالأخير فهمت إن الأخ شاري بإسمنت القصيم ب810 وطار ذاك اليوم فوق ال80 ريال بنص ساعه
كل الإسمنتات حمراء والقصيم مخضر

قلت له بع بع ..... حظك زين

وشكرني كثييييييييييييير.....وحنا قاعدين نطحس ونضارب بالقصيم الزراعيه :10:

ما يدري إني كنت أتكلم عن الزراعي مو الإسمنت :5:

وصار موقف مقارب لواحد من الزملاء وصى على تبوك.وأرسلها لربعه بالجوال...كلهم شروا تبوك الزراعيه ونسبت ذاك اليوم..وهو كان قصده إسمنت تبوك...اللي قفل أحمر

وحتى المواقف السيئه كثيره
واذكر منها
و(كان وقتها الإنهيار الكبير من 13900 إلى 11800)وكان الوضع سيء ومعقد بين المساهمين وجتني توصيه قويه على الصادرات فوصيت عليها بثقه وقلت الوعد15-20% خلال ايام
والغريق يتعلق بقشه

كنت طالع من أحد البنوك نهاية احد ايام التداول بعد يوم من توصيتي ....وكانت الصادرات نازله شوي بعد توصيتي بيوم....وسمعت أحد المساهمات وهي طالعه من القسم النسائي تدعي وتقول ...الله لا يوفقك يابنادوول حسبي الله عليك إنت وتوصيتك(يبدوا إنها ما قرت أو ما وصلتها التوصيه بالشكل الصحيح)لأني كنت ذاكر إن التوصيه مدتها لا تقل عن أربعة ايام
المهم إنها دعت علينا..بدل ما تدعي لنا...ومن بكرا الصادرات نسبت 3 نسب متتاليه
ونجحت التوصيه

كان موقف وصدقه سيئه جدا بالنسبه لي :13: ....ومن بعدها قررت أدقق على قرأة السوق والمؤشر ولا أوصي إلا قليل

29-09-2005, 07:47 PM

المشاركه #23

بنادوول

مستشار شبكة ومنتديات هوامير البورصة السعودية
أبو ناصر

تاريخ التسجيل: Jun 2005

المشاركات: 17,518

اقتباس:

المشاركة الأصلية كتبت بواسطة الجوري

فكره راااائعه
وانا ابي ابدا
ابو ناصر

ولماذا اخترت عالم الاسهم

إخترت عالم الأسهم

لأني من عائله لها باع طويل بالأسهم.....وخاصه الوالده (أمي هاموره قديمه) (_ ...ماخذه الصنعه من ابوها....جدي الله يرحمه...حيث إنه كان يكتتب ويساهم بأي شركه تنزل إكتتاب من بدايات الإكتتابات قبل 20-30 سنه

اما الوالد فقد ترك الأسهم بعد أن غدر به من بعض أصحابه حيث إنه كان محتاج إلى سيوله مستعجله....وطلب نهم المشوره هل يبيع الإسمنتات أو سابك(كلها كانت إكتتاب)فقالوا بع سابك...باعها ب182 ريال وبعدها بكم شهر أقلعت سابك وحلقت بال600 وبعدها بسنه ونصف وصلت ال1800
من بعدها وهو خارج السوق

أكملت مسيرته بعد فتره من توقفه ولكن بفلوسي الخاصه :10:

أما العمومه فنشاطاتهم بالسوق العالمي أكثر...ومتمرسين فيه أكثر

29-09-2005, 07:51 PM

المشاركه #24

البلبل الجريح

عضو هوامير المؤسس

تاريخ التسجيل: Aug 2005

المشاركات: 806

اول تعليقه كانت في اي سهم

واكثر سهم كسبت من وراءه

نتعارف

تعالوا

ضيف

اقرا ايضا

الحاقا لما سبق..3 سعوديين والرابع فلسطيني.القبض على الشباب الاربعه الذين تحرشوا جنسيا

للآهميه اخوان الكرام اتمنى منكم الافادة

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى