ماكان ولاصار ولا حصل بيننا شي
العــــــــــــــام أنا وياه واليوم وينه
زالت علاقتنا كما زايل الفـــــــــــي
وزال الفرح والهم زادت سنــــــينه
أن كانت الدنيا ذا فــــعـــــــــــلها في
بصبر عى دنيا العنــــــــاء والغبينه
دنيا طوتني في سرابيــــــــــلها طي
وانا بخير مير عيني حــــــــــــزينها
راحت عسى يفدي ثراها مية حـي
وفدالها سكــــــــــــــان كل المدينه
غرنوقة" تامر عليـــــــــه وتنهي
غرنوقة" مثل الجـــــــواهر ثمينه
غرنوقة"لوهي على الناس تبدي
خفت لها كل العـــــــقول الرزينه
مامثلها من شي مازيــــــــها زي
ولافيه زي تلبــــــــــسه ماــتزينه
ياعين من له عين فيها بحر غي
وياجسم من له جسم نحله ولينه
ياكيف أبنسى نظرتك لا ضـــحكتي
وحجاك اللي بالزعل تنفضــــــينه
وياكيف أبنسى ضمتك وسط حظني
لبا نسمك اللي علي تنــــــــسمينه
بعد الذي قلته تروحـــــــــــين عني
مدري قدر ولا بعد تقصــــــــــدينه
أن كان قصــــــدك ليه باالله قولي
ماجاك من يمي سبب تكـــــرهينه
في ذمتي ذمه وذمت خـــــــــوالي
والربع والجيران ذمـــــــــــه متينه
يشهد عليها الله وحـــــــــلفي وديني
حلف" صحيح"وصدق والله ضمينه
أني هويتك يوم جيــــــــــتي ورحتي
وكل الغلا لك بالحـــــشى حافظينه
ناسخ لما قبلك وللـــــــــــجاي باقي
غلاء شربه القـــــــلب ثم راح طينه
تسوين نور العيـــــــن يومك حظرتي
وتسوين روح معك راحت رهـــينه
درب الهوى من بعدك أقول له دي
الدرب باسمك عـــــــــندنا خاتمينه
بنهي على يدك السنين المواضي
وغير الصفحه ودرب الســـــفينه
وبحاول أنسى كل ماقد حدث لــي
وبسألك عن حاجه بنفسي دفينه
لو نلتقي في يوم باالله يـــــــــامي
تحيين حب" فات أو تقــــــــتلينه