زفة الموت

04-03-2008, 09:16 PM

المشاركه #1

عضو هوامير المميز

تاريخ التسجيل: Aug 2007

المشاركات: 740

زفة الموت
عطونا وقت.. نتشهّد..
تعبنا نتعب ونبكي..
ونتألم.. ونتنهد!!
عطونا وقت نرفع فيه
يدينا لو.. بدون سيوف
تعبنا نسكت ونصبر..
على اللّي "قاعدين" نشوف..!!
عطونا وقت.. ما نحكي..
ولا نشجب ولا نشكي..
ولا نفكر ف... "مجلس خوف"
ولا نطلب ونتودّد..
عطونا وقت يا سادة
نجاهد فيه..
وخلونا نروح نعيش..
او خلّونا نتشهّد!!

متى ب.. نصحى..
ونمسح هالغبار إللي..
تكدّس فوق هامتنا..
متى بنصحى عشان نحسّ..
ونسترجع كرامتنا..
متى نكسر جناح الذل..
متى ناخذ قرار وحلّ
متى نشعر.. متى نشعر
ولو مرّة بقيمتنا!؟

عطينا إرقابنا.. للغير..
وقلنا للكرامه "طُزّ"..
وسلمّنا ثياب العزّ..
لناس تذلّنا واحنا..
ابد ما همنا أي شي..
لاجل تمشي.. مصالحنا!!

زمن أسود..
زمن صرنا نطالع فيه
لأشرف واطهر وازكى..
بقاع الارض..
وهو باقدامهم ينداس..
وحنّا حانيين الراس..
كأن الامر مخجلنا..
وهُو ما هو.. بمخجلنا..
وليه نخجل و "عمرو دياب"..
يغنّي في "مسجّلنا"
وليه نخجل..
و"فيفي بنت عبده بيه"..
تهزّ اكتافها وترقص..
وتجمعنا ف.. محانيها!!
وليه نخجل ونجوى تقول
.. "عم يرجف قلبي.. يا إميّ
ومنّي برادنه.."!!
وكل من يسمع يردد..
يقول الله..
"ياليت أقدر ادفّيها"!!
وليه نخجل وام كلثوم..
اذا هوّد علينا الليل..
تهدهدنا.. باغانيها!!
وليه نخجل..
وراشد دوم ينشدنا
"الله يازين الليّ حضرت"
في "بنت" شاف فحسنها..
طعم الهلاك..
ويسألنا وحنّا نقول:
"إحترنا يا راشد معاك"

آه.. زمن أسود..
زمن خلّى تراب القدس...
يصير أرخص..
من أرخص شي في الدنيا..
زمن خلّى ثياب العرس..
تصيح بحزنها.. وتصير
اهم شرط لمراثينا..
وروحوا واسألوا.. آيات
اذا باقي ف.. شرفكم صوت
وشوفوا كيف لما جات..
وهي تمشي.. ف زفّة موت!!

زمن أسود..
زمن مكبوت..
قدر يقتل مراجلنا..
ويترك "بنت" مثل آيات
تشري بمهرها.. تابوت!!

وطن مذبوح..
وش اللي بس يتغطّى
وسط ه.. العالم المفضوح..
وطن مذبوح..
وناسه رايحه تذبح
شرف مهدور..
وعذرا ف.. دمّها تسبح..
كهل مكسور..
يغمض جفنه ويندب..
عروبة.. نسلها.. يفضح
وأم تصيح لين الصوت
فيها يذبل.. وينبحّ
زمن أسود..
زمن خلّى الكلاب تسير..
وصوت القافلة "ينبحْ"!!

الشاعر : عبدالله الاسمري

الموضوع الأصلي : اضغط هنا || المصدر :
الملتقى الــــــعـــــــام للهــــــوامــــــــيــــــــر

04-03-2008, 09:27 PM

المشاركه #2

احمد النويصر

كاتب قدير

تاريخ التسجيل: Dec 2006

المشاركات: 5,916

رائع جدا ..ولكن..

في هذا المقطع لي ملاحظه

أقتباسعطونا وقت يا سادة
نجاهد فيه..
وخلونا نروح نعيش..
او خلّونا نتشهّد!!

بدل كلمة نتشهد ..ارى ان تكون ..نستشهد..ليه ؟؟

لأنهم اذا اعطوه وقت يجاهد ..فقتل فهو شهيد ..واذا استشهد فهو عايش وليس ميت
(ولا تحسبن الذين قتلوا في سبيل اموات ..بل احياء عند ربهم يرزقون)

شكرا لك يا عزيزي ..ولحرصك على مصلحة الجميع

04-03-2008, 09:45 PM

المشاركه #3

المشعل

قلم الهوامير المميز

تاريخ التسجيل: Jul 2005

المشاركات: 7,888

جزاك الله خير ونفع بك الاسلام والمسلمين

والحمد لله على كل حال

05-03-2008, 02:16 PM

المشاركه #4

للمصلحة العامة

عضو هوامير المميز

تاريخ التسجيل: Aug 2007

المشاركات: 740

احمد والمشعل
شكرا لمروركم الكريم

05-03-2008, 08:31 PM

المشاركه #5

للمصلحة العامة

عضو هوامير المميز

تاريخ التسجيل: Aug 2007

المشاركات: 740

صورة حديثة للشاعر

ويقصد في ابياتة الاستشهادية آيات الاخرس

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

01:10 AM

الملتقى الــــــعـــــــام للهــــــوامــــــــيــــــــر

الموت

زفة

اقرا ايضا

ياسلااااااااام على شبابنا ... كذا التفكير وإلا بلاش !!!!!

من قلبي الى قلبك