صدقني ربعنا هنا مايمك أحد
وعصابات السيارات نشطت واللي يقوم بها ناس اصلاً غير محترفين
يسرق في الشرقية يفككها في الغربية يعاود الكره بين الشمالية والجنوبية
والله مره طالعين للبر ولقيت لي سيارة مرفوعه على طابوق
جديدة ..بس لا فيها مكينه ولا كراسي ولا كفرات ( بودي فقط )
والدرج مفتوح وفيه صورة عسكري ومعها دفتر عائله
قلت اجرب الدليل واسئل شكل السيارة مزروفه من المسكين
وبالفعل لقيت اسمه مدرج ..
الو فلان الفلاني قال نعم
قلت لك سيارة اوصافها كيت وكيت
قال ايييييييييييييييييييييييييييييييييه
عطيته الوصف وجاني الحبيب معه كتيبة عسكر ماناقصهم الا دبابة وحاملة طائرات
قالو اثباتك ..ههههههههههههه ياخي بغيت انتفه بنيه اطير حجانه
الحين اثباتك يا هملط ..ولي ساعة معكم على الجوال ماقلتو بيض الله وجه أم من جابتك
المهم فكوني بعد ماخذو بياناتي وبصمتي ومقاس صروالي بعد
السؤال ..لو تدري عصابة محترفه عن الوضع الامني عندنا تهقون ما تشد الرحال وتستوطن عندنا ..!
ويمكن توظف وتجند الشباب العاطل
وشوي شوي نسمع عن المافيا السعودية تنشط في المدن الإيطالية
ترى ماحنا بهينيين يابوووو
الله يستر