أحرص على اللي دايم الدوم شاريك وأحذر من اللي لا قسى الوقت باعك
كبر الخطا ماكل عذر يغطية مثل التعازي ما ترد المصيبة
ماكل من يبعد به الوقت ناسيك بعض البشر قدام عينك وينساك؟؟
بشرب من الدله ولو كانها سم***مااهز فنجالي ولااقول كافي مادامه بيمناك وتقولي سم بسم الله اشرب كل سم عوافي
ماكل من يضحك مع الناس مبسوط ياكثر من يضحك ونفسه حزين
ودي قبل موتي أرد أعتباري أخاف أموت وخاطري منك مكسور
روحي وروحك .. صاغها الله في روح لا فرق الله بين روحك وروحي
من حبكم عيايجي عيني النوم ومن كثرمأسهر باعوأهلي افراشي
من يشتري قلب همومه ملايين ويبيعني قلب من الهم خالي عجزت أعدل مايلات الموازين الى اعتدل ميزان ميزان مالي
ما كل من يضحكلك تلاقيه يغليك بعض العرب يضحك وقلبه حقودي
من حبكم صرت البس الثوب مقلوب ادور شماغي وهو فوق راسي
تعال فتشني من اقصاي لاقصاي وبحق ماتلقى سواك انت فيني
الموت حق وكلنا ذايقينه مير البلا من ذاق موتَ ولا مات
خلك على خبري كما ريحة العود اذا احترق بالنار يزداد طيبه
ماأقول أحبك يكفي متولعن فيك كلمه أحبك قالها ألف غيري
اكرهك واحبك ولا ابيك وابيك لخبطت فكري ماعرفت الحقيقه
خلي جمالك ينفعك ... واستغليه روحي ورا اللي قال لك ياحلاتك
اضحك حبيبي دام وقتك مسليك بكره تموت من القهر لانسيتك
أضحك ولا كل الوجيه احترمها بعض الوجيه أهينها بإبتسامه
قريت لوحة رافقتك السلامه وأنا السلامه مفارقتني من سنينن
شابت لحانا مالحقنا هوانا عزّي لمن شابت لحاهم على ماش
حدتني الحاجه علا طاعه الناس وعزي لمن يرجي ورى الناس حاجه
عطني بقايا قلبك ابني به الشوق الطير يبني من بقاياالشجر بيت
ان مت تلقى جنب قبري رساله ميت وحبك داخل القلب مامات
أصبحت أنا والهم خوه وجيران لا ضاق صدر الهم سير وجاني
ماظن بينك وبين القمر فرق ويمكن تسلف منك نور وعطيته
دربٍ يوريك المذلة بلياه شمس الخيار ولاظلال الفريضه
من راح من كيفه وكيفه يوديه خله على كيفه وكيفه يجيبه
عطني دليلك بالجفى يوم تجفى وإن كان عذرك في محله عذرتك
قل للمرايا اللي تعد الخطايا حاولت اكون اجمل وعيا زماني
لوهو يعرف ابوك وش كثر انا اغليك كان يتنازل عن حقوق الابوه
كن الحزن عرش وأنا فيه سلطان ... وكن السعاده شعبي اللي عصاني
ياليتني وياك فى صفحة كتاب "" قصه غرام وكل عاشق قراهـا
الوطن وش يعني في ذهن الغريب * لاغدى يطرد ورى قطعة ثرى
تركت حبك , طبع الايام غدار ~~ يا منتظر وصلي ترى خاطري طاب
أبيع لجلك باقي الناس وأشريك ... وتصير وحدك بين رمشي وعيني
حبة خشم ما تنعطى كل رجال ~~ خذها وفا مني لحظرة جنابك
دير بالك على حالك.. وخل ذكر الله في بالك.. وإذا ضاقت بك الدنيا ترى رقمي بجوالك
إذا نخيت الحر يثبت و جوده يدعس ثعابين الخطر في مواطيه
ما يغبن الرجال غير الخديعه تجيه من شخص يعزه ويغليه
ياليتني عرق بوريده واغذيه وامد له روحي تمد بشبابه
لا يغرك ياعضيدي من حكالك بالوعود من شرب بيدين غيره صدر بكبده ظماه
ليت المطر ينساب في قلوب الاحباب يغسل مفاهيم الثقل والقطاعه
تكشفلك الأيام مضمون الأصحاب والمعرفه تعطيك عنهم تجارب
أهيم مع صوتك وهمسك ولقياك حتى مع الأحلام مقدر أخونك
روحي وغيبي واختفي عن حياتي مهما ابتعدتي ماتعدين الاهداب
أنا ماهمني حزني ولا للفرح مشتاق ولكن ليه يادنيا إذا بضحك تبكيني؟
من لا يودك لا توده وتغليه ارفع مقامك ياعزيز المقامي حي يوريك المذلة وتغليه انا اشهد انك ميت القلب عامي
اقعد واشب النار واتذكر وليفي وبحجة الدخان ابكي على كيفي
لا جيت انادي غيرك اغلط واناديك اسمك محى عندي جميع الاسامي
ماادري رداة الحظ ولا المقاسيم بس الاكيد طعون قلبي عظيمه
اكبر قهر شوفت وليفك مع الغير يضحك ويعطي مثل ما كان يعطيك
الدم يجري في عروقي وانت تجري أنا الصحاري وانت معشوقها السيل
سليت سيفي ذبحت الشمس لعيونك ماجاء ببالي تجي شمسك وتذبحني
غالي وكنه على نفسي مناصفني حتى على نصفي الثاني بعد غالي
لاتصير ضدي انت والوقت والحظ ترى ثلاثه ضد واحد جريمه
حق الخليل انه يراعي خليله وانت الخليل وعن خليلك تخليت
خليت قلبي معك والله يصبرني مبطي وانا اقول قلبي وين خليته
تعلم تحـترم حـب وتعلم تحـترم انسـان تعلم دامهـا الدنيا عـطتك الدرس مجـاني
تعال فتشني من اقصاي لاقصاي وبحق ماتلقى سواك انت فيني
الطيب ينبت في ضماير هل الطيب طبع لهم من ساسهم يرثونه
حبي لها شيخ على الذل مغصوب ماتوا عياله والزعامه خسرها
وين انت ياصوت جعل كل الاصوات عقبه على نفسي ثقيل صداها
ترى الوفا بقلوبنا ماله اسباب فطره خلقها الله وصارت طبيعه
صدك عن اللي ملتفتلك ردى حظ وركضك ورى اللي ماهو يمك مذله
اكبر فخر للمرجلة يوم نطريك واكبر فخر لعيال عمك وجودك
رح للذي خلاك تاجٍٍ على الراس و اعرف تراني تاج راسك و راسه
أصفق للزمن وإلا أصفقلك وكل واحد علي أشطر من الثاني
عند الكرامه ابيعك وانت خابرني اخوي لا صد عني ما ترجيته
الحب مثل الموج عجل انقلابه ساعة سرور وباقي الوقت حرمان
الحزن يلحق راعي الطير لي ضاع وأكبر قهر لاشفته على كف غيرك
زلزال حبك دمر القلب تدمير مقياس رختر انكسر مارصدها
صدك عن اللي ملتفت لك ردى حظ وركضك ورى اللي مهو يمك مذله
يا شينها لاصرت للناس محتاج تصغر بعين الناس من شان حاجه
نفسي عزيزه ماتطــــــــــيق المذله من صغر سني وعيشتي رافـــــــع الراس
من عقبك الهيل ماتفرح به الدلة وشلون في غيبة الغالي نبهرها
تنداس دنيا الحب بتراب تنداس وينداس خلن ما وفى مع حبيبه
أبكي فرح وأضحك إهموم وغرابيل قلبي تخالط فيه حزن وسعاده
لا حلم جابك لا ولا بواقعى جيت شفت البخت لا مال وشلون صاير؟؟
عزالله إنا من الدنيا تعلمنا درسٍ صعيب على التلميذ نسيانه
ياصاحبي ماعاد تكفى تهز الرياجيل دام بنت المراقص هزت اطيور شلوى
لاتحسب أن البعد مرخص مقامك واللي خلق هالكون ماني بناسيك
بعض الغلا يا مي سموه ذباح اليا سطا بالقلب صعب انسحاب
قسمت روحي بعد فرقاك روحين وحده معك والثانيه بانتظارك