logo

هوامير البورصة السعودية > الاقسام العامة لموقع هوامير البورصة > الملتقى الــــــعـــــــام للهــــــوامــــــــيــــــــر

قصة حب لسعوديين....... إقرأها تموت ضحك



قديم 02-07-2008, 07:04 PM
  المشاركه #1
أساموفيتش
عضو موقوف
تاريخ التسجيل: Apr 2007
المشاركات: 1,815
 


قصة حب لسعوديين....... إقرأها تموت ضحك

أغرب قصه حب بالرياض


يقول بطل القصة

رحت لمحل بيع الكتب المستعمله المكتبة ذي تبيع الكتب الرخيصه



رحت لها وشريت لي كتاب وكان عندي اختبار له في اليوم الثاني.. (هذي طريقتي في الاختبارات)..



المهم فتحت الكتاب فتحت الصفحة البيضاء اللي بعد الغلاف لقيتها مكتوبة بقلم حبر ناشف، واضح إنه مكروف لين قال آمين، المهم ..



الكتاب طلع لبنت قبل ما تبيعه (يا عمري توها زانت المذاكرة ) والغريب إنها كاتبة الكلام هذا:



أنا أدري إنك أول ما تقرا الورقة ذي بتنهبل، بس خلّني أقول لك شي.. أنا صراحة مثلك في الكلية ومقهورة..



ما كتبت هالكلام إلاّ من القهر.. وعندي إحساس إنك بتقدّر ظروفي كونك مثلي عايش نفس الأجواء الحين!!



وقامت تسب في دكتورة اسمها .... !! وبعد ما شبعت من سبّها.. قالت: (وعموماً فرصة سعيدة جداً إني تعرفت عليك، وأشكرك على قراءة كلماتي بس والله ما كتبت إلاّ من الطفش -عموماً- أنا فضولية شوي.. ممكن بعد ما تخلّص من الكتاب.. تكتب لي على الوجه الثاني ردّك لي.. ورجعه وأنا بقرا ردّك.. وإن شاء الله إني أبي أجي أشتريه في تاريخ كذا كذا )



ناظرت في التاريخ.. لقيته بكره !!!!!؟



ياساتر وش أسوّي؟ طيب أنا ما ذاكرت.. وش ذا الحظ؟ المهم إني خقيت (يعني رحت وطي(..



وقررت إني أكتب لها الرد وبرجّعه.. بس قبل كل هذا رحت وصورت الفصول اللي داخله بالاختبار عشان اذاكر



ضبطت لها رد محترم وقلت لها: ترى أبي أشتريه عقب أسبووع .. ورحت أرجعه ..



وفعلا رجعته وشراه الزوووول مني بنص السعر



اليوم الثاني بالليل رحت للمحل لقيته الكتاب مباع سألت الـزووول : الكتاب اللي شريته منك أمس وينه؟

قال: امبارح اجت بنت وشالته !!



وانا اللي تنفتح كشرتي لين وصلت اذاني



المهم أخذت أنا ويّاها الله لا يقردنا ثلاثة أشهر وحنّا شارين الكتاب بايعين الكتاب.والمستفيد الـمحل حق الكتاب المستعمل..



لا وبعد صار ما يحطّه في الدرج.. خلاص فهم علينا وصار يخليه عنده على الطاولة ويسلمه لي أو لها أول ما نجي ..



مررررررت الأيام وجيت مرة قلت للـزوول وين الكتاب؟



قال: ما أدري امبارح جاء راجل أخذ الكتاب..



قلت: يا ابن الحلال قل غير هالكلام الكتاب قديم ومعفّن وأوراقه نصها كتابات..



قال: آآآآآي عليك الله أخدوه الزول الكتاب الأصفر ..



المهم طلعت وركبت السيارة.. ويوم وصلت الإشارة



قلت : لحظة يا رجال، الـ..... الحين يقول الكتاب الأصفر.. يا خي هو أحمر أصلا مهوب أصفر ..



المهم ديورت بسرعة ودخلت المحل بسررررعة.. تتوقعون وش شفت؟!!!



لقيت الاخ ابن الذين ماسك كتابي الأحمر وقاعد يكتب الرسالة اللي أنتظرها في صفحة من الصفحاااات

طلع اللئيم هو اللي انا خاق معه من مده


يعني كل المدة هذي وانا جالس اكتب للسوداني والقهر انه استفاد من دلاختي


(لا إله إلا الله وحده لاشريك له له الملك وله الحمد وهو على كل شيء قدير) من قالها عشراً فكأنما أعتق أربع رقاب من ولد اسماعيل.
 
  
قديم 03-07-2008, 11:41 AM
  المشاركه #2
أمواج البحر
ملكة الخواطر
تاريخ التسجيل: Dec 2007
المشاركات: 14,672
 



قرأتها من قبل 0 وقرأتها الأن ولم تفقد متعتها

شكرا لك للتذكيربالدعاء00 الله لا يحرمك الأجر





قديم 03-07-2008, 11:56 AM
  المشاركه #3
saleh5789
كاتب مميز
تاريخ التسجيل: Sep 2006
المشاركات: 26,860
 



هههههههههههههههههههههههاي
حلوه وخيرها بغيرها
تحياتي لك



قديم 03-07-2008, 01:42 PM
  المشاركه #4
ابوشذى 2006
عضو هوامير المميز
تاريخ التسجيل: Jul 2006
المشاركات: 891
 



تستااااااااااااااااااااااااااااهل



قديم 03-07-2008, 03:43 PM
  المشاركه #5
هامور خسران
قلم مميز
تاريخ التسجيل: May 2005
المشاركات: 21,471
 



لا إله إلا الله وحده لاشريك له له الملك وله الحمد وهو على كل شيء قدير



قديم 03-07-2008, 09:06 PM
  المشاركه #6
نشمى444
مشرف منتديات هوامير
تاريخ التسجيل: Feb 2007
المشاركات: 21,813
 



السلام عليكم

فعلا بعض المواضيع والقصص لا تمل قراءتها ولا تفقد بريقها وتشويقها كما ذكر امواج البحر واجمل ما في الموضوع تذكيرك لنا :

لا اله الا الله وحده لا شريك له,له الملك وله الحمد يحي ويميت وهو على كل شيء قدير.



قديم 03-07-2008, 10:16 PM
  المشاركه #7
angel eyes
كاتب مميز
تاريخ التسجيل: Feb 2006
المشاركات: 39,666
 



مع تحياتي
قصة رائعة وجميلة ،،مضحكة مبكية ،،،،،
خوفتني من محلات الكتب المستعملة " خايف لااورط مع " زولة" المره هادي.
بس ماظنيت هادي الافكار تجي من الزول ،،،اكيد واحد من الربع حكى له القصة واستمرىء الزول فيها.
هههههههههههههههههههه:5: :5:






الكلمات الدلالية (Tags)

لسعوديين

,

إقرأها

,

تموت

,

حب

,

ضحك


«

ناس فاضية 00 إبداعات يابانية 00

 |

أجب وبكل صــراحة ..

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


05:29 PM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.