سهرة الجمعه على ضفاف الاستراحه بضيافة صقار

على هونك على هونك غرقت بمركبي في اليم
خذانـي المـوج فـي موجـه كبيـره مـا قوينـاهـا

خذانـي البحـر بـمـدوده ومــوج ماعرفـنـا كــم
وعـشـت بـحـالـة صـعـبـه ولـيـلـه مانسيـنـاهـا

وهلـت دمعـتـي مـنـي بكـيـت بحـرقـة المـعـدم
ودعيـت الـواحـد الـقـادر يسـلـم مــن خفايـاهـا

بقيـنـا نجـاهـد المـوجـه ونـدعـي ربـنــا نـسـلـم
وربطنا حبال هالمركب عسى بيطيـب ممشاهـا

ورمانـا المـوج فـي ديـره بعيـده مابـهـا مسـلـم
وغـزانـا الـيـأس والحـيـره بـديــره مابغيـنـاهـا

تخـيـل كـيـف حالتـنـا وجـيـه متعـبـة مــن هــم
نناظـر فـي البحـر مــره رمـانـا فــي عنايـاهـا

جزيـرة خاليـه مقفـر وصـاب الكـل فيـهـا غــم
رضينـا بقسـمـة المـولـى ودرب قــد وطينـاهـا

أكيد المولى له حكمه وعنده كـل شـيء محكـم
كتبـهـا مـنـزل الرحـمـه أمــور قــد رضينـاهـا