المشاركة الأصلية كتبت بواسطة الفتى الطاير
في مره من المرات
رحت البر انا و واحد من الشباب على اساس اننا
بنتاقي برعنا هناك في المكان المحدد
و هو مكان مهجور مجهول للكثيرين من ارض الدهناء
المهم يوم وصلنا ما لقينا ربعنا
و كان معاهم معظم العده لانهم اقرب
و وقتها ما كنا عندنا جوالات
قلت لخويي روح يمهم و خلني
انا انصب الخيمه
طاوعني الرجال
و تركني و راح الى ربعنا اجيبهم و ضليت انا انصب الخيمه
المهم و بعد فتره ما شفتهم الا قبالي
بدون خويي الى راح يجيبهم
قلت ها وين الناس اخرتونا
و هم ساكتين نصبوا الخيمه معاي
و من التعب نمت و ما اوتعيت لا الفجر
يوم قمت الفجر و الا الربع حولي مبسوطين و جالسين يسوون الفطور
و خويي وياهم
قلت لهم ياالتعبانين ما جلستوني
قالوا اصلا تونا جايين و انت نايم
و كلامهم طلع صحيح
يعين انا مع مين كنت سهران البارحه
و اللا يومكم ما قلت هالسر حق احد