... الـولـيـعي .

01-05-2009, 11:03 PM

المشاركه #1

قلم هوامير المميز

تاريخ التسجيل: Mar 2007

المشاركات: 11,054

قصة الوليعي (( مسلم )) .. شهيد الحب العذري

هذه القصة والقصيدة لأحد أفراد قبيلة جهينة العريقة ......

تدور أحداث هذه القصة في الزمن الماضي أي ما يقارب الـ200 سنة .....أترككم مع القصة :
هذا واحد من ابناء الباديه من قبيلة جهينة _وأغلب الظن حسب ما سمعت من كبار السن إنه من ( ذبيان ) من جهينة_
حول جبل رضوى شمال ينبع كان عمره 10 سنوات واسمه مسلم ولقب بعد القصه اللي صارت عليه بلقب
(( الوليعي مسلم)) لتولعه بمحبوبته .
وقصته انه كان يتيم وصغير بعمره وكانو ربعه باديه يربعون لين يوصلون الشفا بين تيما وحايل بوقت الربيع ثم
يرجعون لدياره وشاءت الاقدار بما انه يتيم انه يشتغل راعي
عند قبيلة " عنزه " المجاوره لقبيلته وكانت تسرح معه بالبل بنت اسمها ظبيه وكانت اصغر منه بسنتين
وكانوا اطفال اذا حسبناها بوقتنا الحالي .
وكان يحب ظبيه وكل ما كبر يكبر حبها له لين اصبحوا في عز شبابهم لكن مايدري هل ظبيه تحبه ولا لا فقرر انه
يسأل عجوز عنها قالت له انا مالك عندي علاج بس لك عندي خطه
والخطه هي انك تسوي نفسك مقروووص واللي يخاف عليك هو اللي راح يمص الدم عنك
وفعلا جا وسط البيوت وقام يصارخ ويسوي نفسه مقرووص وصاحو العرب يامن يمص له الدم ومع الصراخ تسللت
ظبيه مسرعه يوم شافت انه مسلم نقزت على ابهام رجله
وقامت تمص الدم فعرف انها تحبه
وراح للبل ولحقته ظبيه وكلمها بأمر الزواج وحبه لها سمعت اخت ظبيه الكلام وفزعت لابوها وقالت له ووصل الخبر
لعيال عمها فتوعدوه رجعت ظبيه وحست انهم دروا عنهم
رجعت لمسلم وقالت له اركب الذلول الفلاني وارجع لاهلك وحطت بخف الذلول ابره عشان يسرع
جو عيال عم ظبيه راكبين على الجيش ويحدون ويقولون مسلم لو مسكناه قطعنا كف يمناه
فركب على الذلول وراح لديرته برضوى ويوم وصل هناك كان له اخ من امه اسمه سويلم وكان هو اللي يداريه
ويعطف عليه .
لكن مسلم تغيرت حالته ولا يتكلم ولا ياكل حاولو بشتى الوسائل انه يتكلم بس ما تكلم وجلس مريض فتره طويله
ونحيل وأخوه احتار بحالته وقرر انه يوديه لكاهنه عندهم قالت له
طلعه جبل رضوى فووووق اذا كان عنده علم يبي يقوله لك واذا كان شاعر يبي يقول قصيده
وفعلا طلع اخو الوليعي رضوى واخذ معه مسلم وكان الوقت ربيع والجبل فوق سهل وله هويه كبيره اللي يطلع له
يمد نظره على مسافه بعيده ويوم طلعو فوق قام سويلم وشب النار
وسوا القهوه وللآن مسلم ما يتكلم وقال سويلم لمسلم انا ابروح اتقنص وانت خلك هنيا يبي عشان يبعد عنه ويسمعه يمكن يقول شي وراح عنه
قام مسلم من مكانه وجا على راااس الهويه وجلس يخايل بعيونه فوق وتحت ومد نظره جهة ديار ظبيه وكأنه
يشوف الطلحه اللي كانو ينامون عندها ويتخيل ظبيه وايامها معه
وتكلم بس تكلم بقصيده والقصيده على طرق الهلاليين وطرق الهلالليين معروف و تقول القصيده :

يقول الوليعي والوليعـي مسلّـم ====== من دامت ايـام الصبـا لـه دام

لو إن عجـات الصبـا يجبرنـه ====== كما يجبر الجابـر كسيـر عظـام

ليالي الهوى مثل الربيع ليا زهى ====== وش حيلتـي مـا للربيـع مقـام

قاري قراني يوم قرصت إبهامـي ====== غروٍصغيـر مـا عليـه لـثـام

قراني وهو يسفح من الدمع ناظره ====== ليتـه قرانـي والعيـون نـيـام

رقيت في رضوى ورضوى منيفة ====== وأخيل في عيني جنـوب وشـام

أخيل في عينـي طلحـة ناعميـة ====== سـلام يـادار الحبيـب ســلام

يامرتـع للنـوق تـوي لقيـتـه====== في خشم و(علة) من يميـن ردام

ياليتنـي يـوم دنتنـي منيـتـي====== بديار (ظبية) عـن ديـار تهـام

أنا جيتكم من راس رضوى عشيّة====== كما شن غـربٍ بـاد منـه وذام

أبيات مؤثرة .. :13:

وهذا البيت الاخير قاله يوم نوى يرمي روحه من الجبل
أحس اخوه انه يبي يرمي روحه من الجبل وركض عليه فعلا بس مالحق الا على عباته واخذها ونزل تحت لقى
مسلم ميت وراسه ما بقى منه الا جدايله وحزن عليه حزن شديد واخذ جدايله وحطها على
بدره او شنه وركب الجمل اللي جا فيه مسلم من الديره اللي هو كان فيها وقال لازم اروح للبنت اللي تسببت عليه وأشوفها
وفعلا راح يم ديرتهم وهو يعرفهم وسوا نفسه يدور له جمل وينشدالناس جت ظبيه من بين الناس له مسرعه قالت له
اسألك بالله راع القرون هذي حي والا ميت .. ؟
قالها : راعي الجدايل هذي جا مريض وما يتكلم وطلعناه راس رضوى وقال لها القصيده فما كان منها الا انها
شهقت وماتت

رجع سويلم اخو مسلم لديرته وكان متأثر بقصة الهوى هذي فتهيض ببيتين يقول فيها :

والله ما الوم الوليعـي ولـو طـااح====== من راس رضوى والعوض به عباته

مير اذهنوني عند هبـات الاريـااح====== لا ذب عمري ثـم اسـوي سواتـه

انتهى .

هذه هي قصة الوليعي نقلتها من أحد المنتديات كماهي .. وإلا فإن الرواية الشعبية والمتداولة عندنا أطول بكثير .. وفيها الكثير من التفاصيل ..
وليس بوسعي كتابتها ===> كسول :13:

اعذروني على التقصير :8:

الموضوع الأصلي : اضغط هنا || المصدر :
الملتقى الــــــعـــــــام للهــــــوامــــــــيــــــــر

01-05-2009, 11:31 PM

المشاركه #2

سمسوووووم

قلم هوامير المميز

تاريخ التسجيل: Dec 2006

المشاركات: 7,184

حب لا يأتينا الا عن الحب..

جميلة هذه القصة..وما أجمل قصص الحب العفيف الصادق..

الحقوني انا مقروص:8:

01-05-2009, 11:40 PM

المشاركه #3

أ / ليلى

قلم هوامير المميز

تاريخ التسجيل: Feb 2006

المشاركات: 4,393

السلام عليكم ورحمة الله وبركاته
قصه رائعه
تسلم اخوي من جد حلوه القصه واول مره اقرأها

01-05-2009, 11:45 PM

المشاركه #4

"العامر"

كاتب قدير

تاريخ التسجيل: Jul 2006

المشاركات: 10,555

ومن الحب ماقتل .. قصة رائعة من الأدب الشعبي .. تصور الحب العفيف.. ومآساة صاحبه ..
سمعت الراوية الشرهان .. يكررها في أكثر من مناسبة ..
شكرآ لك.

01-05-2009, 11:45 PM

المشاركه #5

البروفيسور

كاتب قدير
عميد الملتقى

تاريخ التسجيل: Apr 2005

المشاركات: 24,336

شكراً حب على هذه القصة الرائعة بروعتك

01-05-2009, 11:48 PM

المشاركه #6

البروفيسور

كاتب قدير
عميد الملتقى

تاريخ التسجيل: Apr 2005

المشاركات: 24,336

اقتباس:

المشاركة الأصلية كتبت بواسطة سمسوووووم

حب لا يأتينا الا عن الحب..

جميلة هذه القصة..وما أجمل قصص الحب العفيف الصادق..

الحقوني انا مقروص:8:

سلامات حبيبي سمسووووم

ايش اللي قرصك وفين بالضبط ؟ :4:

01-05-2009, 11:49 PM

المشاركه #7

angel eyes

كاتب مميز

تاريخ التسجيل: Feb 2006

المشاركات: 39,666

اخي الغالي حب
تحية طيبة
قصة جميلة بدات باحاسيس ولواعج مشوقه وحب ليس بعده حب ،،،،،وانتهت باحزان ومآسي ،،،
،،صور من الوفاء وصور من العشق البرىء الذي كبر وكبرت معه ظبية ،،لكن الدنيا تعطي احيانا ،، وتأخذ اكثر مماتعطي حينا آخر،،،و" في الوقت بدل الضائع كما يقولون" ،،،
،،،,وآآآآآآآآآآآآآآه م الحب وعمايله ،،،،،،
كل الود ،،،

01-05-2009, 11:53 PM

المشاركه #8

حميدان

كاتب قدير

تاريخ التسجيل: Dec 2005

المشاركات: 27,436

قصه حزينه ، وقصص الحب العذري كلها حزينه واليمه .
شكرا ياحب ، والله يعطيك العافيه . مع اطيب تحيه .

02-05-2009, 12:06 AM

المشاركه #9

تهزمني النظره

ابو معتــــز
قلم الملتقى المميز

تاريخ التسجيل: Dec 2007

المشاركات: 14,140

نُحب نقرأ ما تُحب في الحُب ياحب ...

بصراحه قصه محزنه
وهذا الحب وسواته .... وما اجمله من عذاب .. ياكم اعشقه :8:
الله يلوم اللي يلومهم

وبصراحه اضحكني تعليق وذهول أخاه وهو يصف ما رأه في عجب الحب عندما قال :

اقتباس:

المشاركة الأصلية كتبت بواسطة حب تحت المطر

مير اذهنوني عند هبـات الاريـااح====== لا ذب عمري ثـم اسـوي سواتـه

شكراً ياحب

02-05-2009, 12:27 AM

المشاركه #10

..حلم..

كاتبة مميزة

تاريخ التسجيل: Mar 2007

المشاركات: 11,985

جميلة قراتها هنا وهناك....قصص توحي أن الدنيا بخير ؟؟!
أو كانت الدنيا بخير....

02-05-2009, 12:41 AM

المشاركه #11

هذ1 1نـ1 111

قلم هوامير المميز

تاريخ التسجيل: Nov 2005

المشاركات: 4,787

لا تخلو قصص الحب .... من نهايات مؤلمة .... هل أصبحنا نعشق الألم ...؟ ونعيش على ذكراه ..؟
القصه حزينة .... والمؤلم فيها من يتأثر بها ... ويعتقد أن قتل نفسه ... من أجل من أحب ..... ستكون نهاية سعيده له ....
تسلم ياحب ..

02-05-2009, 01:18 AM

المشاركه #12

lulu2005

شمس الملتقى

تاريخ التسجيل: Jul 2006

المشاركات: 7,061

هنا

أمطر الحب والهيام والشجون ,, بذكريات الغرام
حين اعتلى المحب الجبال ,, وهوى بين الصخور
ولعً وغرامً وأوجاع ,, ولع الحب خنجر في الصدور ,,
لكن ما احلاه من ولع ,, وما أوجعه في حضرة الحب والعشق ,,

شكراً حب لهذا الهطول العذب ,, رغم مابه من اوجاع .

صفحة 1 من 3

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

08:00 AM

الملتقى الــــــعـــــــام للهــــــوامــــــــيــــــــر

الـولـيـعي

اقرا ايضا

آآة وبس جمعه مباركه إله ولمن حبوه.. واهدي للقلوب النظيفه الورد

ادخل وشوف العصبيين (( انت منهم ام لا )) !!؟؟