يمه تجي ولا انا ازحـــــــــــــف واجيك!!
يوم أنشدوني عن دموعي وأنا أمك ...جاوبتهم وأبعدتهم عن طواريــــك
ما بغى أجرحك بكلمه تزيد همك ... وما بغى أقول أن السبب من تجافيك
يومٍ لمست الصدر في يوم ضمك ... نســـيت أنا اللي حولي وقمــت أبكيك
مدري أنت عايش وارتجي لمس جسمك... أو ميــت وقول يرحمك واليك
يا ما سهرت وزاد غمي لغمــــك ... مارتاح ليمن تهتني في لياليـك
ويا ما إذا طولت نومك أشمــــــك ... واتأكد انك عايش لي ورجيك
ويا ما ازعلوا مني خوالك وعمك ... ويا ما هجرت اقرب قريب ضحك فيـك
ويا ما ذرف دمعي الى سال دمك ... بــراءة الأطفال ماهي بتنهيك
ويا ما انتظرتك عند بابي وأنا أمك ... وأقول في يوم تجيني وأحييـــك
أخـــــاف يوم يجيني يغمـــك ... ويجيك علمــي مع عزيز يعزيـك
أنا على الله داخله ثم لمــــك ... ارحـم قليب تالي الليل يشكيك
فكر بمنهي صابها الضيم وظلمك ... واذكر حشاً ضـمك وعسر المساليــك
ودي أشوفك قبل يومي ويومــك ... لــو مرة بالعام الله يخـليك
مابيك تقطعني اذا امري يهـــمك ... بقعد معك اضحك واسولــف وحاكيك
يا وليدي اذكر كلمة قال فمـــك ... لا قلـت كلمة يــوه قلبي يلبيــــك
واذكر زمان به فراشي بجنبك ... ولا شكيت تقول يمـــــه واسليك
ولا شتد مابك فوق كتفي ازمك ... ما رتاح ليــــــــن ربي يعافيك
والختم لا جتك الرسالة وانا امك ... يمه تجي ولا انا ازحـــــــف واجيك
05-06-2009, 09:52 PM
