تعوذ من اللي حاشرك

07-06-2009, 04:19 AM

المشاركه #1

تاريخ التسجيل: Apr 2007

المشاركات: 1,319

كبار السن يقصدون بها أبليس 00إذا أحد عصب والا زعل قالوا تعوذ
من اللي حاشرك 00حبيبين الله يرضى عليهم 00ما يعرفون إلا أبليس من
الحشارين 00

في وقتنا ذا كثر الحشر والحشارين

= الموظف يقول المدير حاشرنا ولا يخلينا نتنفس 00 تقول ضايف الإدارة في دفتر
العائلة 0

= المتزوج يقول زوجتي حاشرتني 0وين رايح 00ليش تأخرت 00 من تكلم 00حتى
القنوات الريموت في يدها 00 تقول متزوجة نصر بن حجاج ماهو مناحي 00

= اللي ظروفه على قده يقول الديانة وصاحب البقالة حاشريني 00ما يخلونك تطلع
وإذا قدرت تطلع في الرجعة يبيلك تلف حول البيت ساعة لين يروحون 00

= الشوارع صارت أكبر الحشارين 00حشر وفوق ذلك يجيك واحد يطلعك على
الرصيف حاسدك على الحشرة اللي أنت فيها 00

= تطلع تتمشى تغير جو يجيك واحد يحشرك بنظراته 0 يناظرك تقول يتذكر صورة أمه

= تبي تسولف وتتفلفس في مجلس والا في جمعه وتغلط 00يجيك واحد يحشرك في
زاوية 00 ولا يفكك إلا إذا كان فيه أحد ذهين وغير الموضوع 00

= حتى في الملتقى هنا لو تقشع صبة 00 حشروك ولا عاد تدري من أنت في يده
قصدي قلمه 00

اليوم انحشرت شوي في موقف بغيت اتعوذ من اللي حشرني 00قلت يمكن مايجوز

00 ما فيه أحد يفتينا هنا ونحطه بيننا وبين النار 00

هل يجوز أن نتعوذ من اللي حاشرنا من الفئات أعلاه ؟

وهل فيه فئات أخرى من الحشارين غير ماذكر أعلاه ؟

الموضوع الأصلي : اضغط هنا || المصدر :
الملتقى الــــــعـــــــام للهــــــوامــــــــيــــــــر

07-06-2009, 04:41 AM

المشاركه #2

fahaaaaaaaad

قلم هوامير المميز

تاريخ التسجيل: Feb 2008

المشاركات: 6,943

اقتباس:

المشاركة الأصلية كتبت بواسطة احسن طالب

= تبي تسولف وتتفلفس في مجلس والا في جمعه وتغلط 00يجيك واحد يحشرك في
زاوية 00 ولا يفكك إلا إذا كان فيه أحد ذهين وغير الموضوع 00

كلش ولاحشر المجالس ..
تجلس تفلسف وتلف من الفناجيل:10:
ثم يلتويبك غشيم:11:
والله يحشرك حشرت قطو:13: ..والعلم اذا مافيه واحد اذهين
والله البلشه :5:
ولكن خير مانقول ربنا لاتصلط علينا مقرد الخلق

07-06-2009, 05:25 AM

المشاركه #3

أبو أحمد *

كاتب قدير

تاريخ التسجيل: Jul 2006

المشاركات: 29,109

يا أخوي كلها هي حشر في حشر .

بس مافي اليد حيله .

انا خرجت . وانا جلست وان تكلمت . وان سكت .

ذكرتني مره في احد المجالس جاء واحد وكان ساكت وماتكلم مع انه في العاده عكس ذلك . شويه وقاله واحد في المجلس وش فيك يابو فلان جاء تهوجس في المجلس .

ويوم تكلم ....أول من شب وطار فيه اللي طلب منه الكلام .

بس على فكره تعوذ دائمآ من شوشو .

عس بس ما احد يحشرني على كلمة شوشو تراني امزح .

شكرآ لك .

07-06-2009, 10:32 AM

المشاركه #4

عروب

روح الملتقى

تاريخ التسجيل: Feb 2007

المشاركات: 20,273

الله ينجينا يوم الحشر والا أمور الدنيا مقدور عليها..

تسلم أحسن طالب ..

07-06-2009, 12:36 PM

المشاركه #5

هذ1 1نـ1 111

قلم هوامير المميز

تاريخ التسجيل: Nov 2005

المشاركات: 4,787

اقتباس:

المشاركة الأصلية كتبت بواسطة عروب

الله ينجينا يوم الحشر والا أمور الدنيا مقدور عليها..

تسلم أحسن طالب ..

صدقتي ياعروب .. اللهم آمين ..
انحشرت مالقيت ولا رد مناسب غير رد عروب .. شكرا لك يا أحسن طالب في الدونيا ..

08-06-2009, 12:26 AM

المشاركه #6

العضوية محذوفة

تاريخ التسجيل: Apr 2007

المشاركات: 1,319

فهد : مشاركتك غطت على الموضوع أجل يلف من الفناجيل ورجل على رجل 00لين عرف إن الله حق أسعدني تواجدك
ابو أحمد : الله يعين بس زي ماقالت عروب كله يهون 00 شكراً على المشاركة الجميلة
عروب : اللهم آمين 00شاكر مرورك
هذا أنا : لا تنحشر ولا شي يكفيني أشوف أسمك في موضوعي لو ما تكتب شي

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

12:15 AM

الملتقى الــــــعـــــــام للهــــــوامــــــــيــــــــر

اللي

تعوذ

حاشرك

اقرا ايضا

تعذبني ....ولا تدري..... بعذابي...

ياحظ يرحم أمك ركز