العودة   هوامير البورصة السعودية > >


إضافة رد
 
أدوات الموضوع انواع عرض الموضوع
قديم 02-07-2009, 06:14 PM  
#1
جبل طارق
عضو هوامير المميز
 
تاريخ التسجيل: Apr 2005
المشاركات: 13,160

فقير خطب بنت عمه المليونير






قصيدة لشاب فقير خطب بنت عمه المليونير‏



سبحان من يرزق بتوع الملاييـن*** الرازق اللي ما يخيب الرجـا بـه

لي عم عنده معـرضٍ للصواليـن ***أموت واعرف بس من وين جابـه


وإذا سألته قـال بعـت الدكاكيـن***ما يدري إني ما هضمت الإجابـة

الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه

قلت البقا عـدّ النفـل والرياحيـن ***يا شيخ شمل أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة

قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه

لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه

هذي الشروط اللي على بالي الحين***وذكرني اللي ما حسبنـا حسابـه

قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو أرقى فـوق متـن السحابـه

ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن **وين اختفى نهج النبي والصحابـة

يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه

قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيـب الذيابـه

تراك شايب رأس مالـك رياليـن ***والبنت ما تسوى جنـاح الذبابـة<<< خربت الأخلاق

قال انقلع مالت على وجهك الشين****لا عاد أشوفـك عندنـا يالزلابـه

قلت ابشر أبشر لكن الباب من وين**وأقفيت من عنده على صوت بابـه

الموضوع الأصلي : اضغط هنا    ||   المصدر : منتدى هوامير البورصة السعودية
جبل طارق متواجد حالياً   رد مع اقتباس
 
 

قديم 02-07-2009, 06:19 PM   #2
شقرديه
عضو هوامير المميز
 
تاريخ التسجيل: Sep 2006
المشاركات: 3,071

مشاركة: فقير خطب بنت عمه المليونير

ههههههههههههههههههههههههههههههه

لعنبوه ماصارت بنت ذي كنز

لو كل البنات يعرسون كذا ماشفت ابو وحدتن منهن طفران

الله يخلف علينا خمسين وكنها مليون :5:

ياملحه ذا الشويب




شقرديه غير متواجد حالياً   رد مع اقتباس
قديم 02-07-2009, 06:25 PM   #3
Abu.Saud
عضو هوامير المميز
 
تاريخ التسجيل: Jul 2006
المشاركات: 4,726

مشاركة: فقير خطب بنت عمه المليونير

صح لسانك ولسان قايلها .... وعز الله إنه جابها على الجرح .



Abu.Saud غير متواجد حالياً   رد مع اقتباس
قديم 02-07-2009, 06:26 PM   #4
توأم روحي
عضو موقوف
 
تاريخ التسجيل: Jul 2006
المشاركات: 18,025

مشاركة: فقير خطب بنت عمه المليونير

طفران وعينه على السيارات والصوالين ... يستاهل ما جاه

مثل هذا اخذ مدرسه ويبي راتبها كله بجيبه

واحد صديقٍ لي تجوّز وحـدةٍمتغطرسـه

حاول يعَدّلهـاولكـن فشْلـت المحاولـه


قال اعطنا ياصاحب الافكار حـلٍ ندْرسـه

يوم انك مسوّي على كل الحلـول مقاولـه


قلت الهوى ياصاحبي ماهوب شيٍ تفْرسـه

ان جاز والا اترك بلنتيّه وطنّـش فاولـه


قد قلت لك منذوالبدايه لاتجيـب مدرّسـه

ولا استمعت لكلمتي كنـك مـن النخـاو ..


واليوم عان الكنزعندك حاول انك تحْرسه

والاترى بيجيك من يقْلب عليـك الطاولـه


انته تبي جني الثمر والغرس مانت بتغْرسه

ويوم استوا البستان ودّك تاكـل الفراولـه


ماجيت طابورالصباح ولا اتعبك دق جْرسه

لكن تبي تالي الشهر شيكٍ يجيـك مناولـه


لاياطويل العمرخصمك شايبٍ ما اشرسـه

والله انه ابعد لك من المندق ومن لاطاوله


الشايب اللي تو بنته قبـل عـامٍ معْرسـه

ماغمضت له عين من يوم الهنوف مشاوله


واليوم ودك تاخذالصفري لحالك تمْرسـه

هذاالكلام اللي على طول الطويل مطاولـه




توأم روحي غير متواجد حالياً   رد مع اقتباس
قديم 02-07-2009, 06:43 PM   #5
جبل طارق
عضو هوامير المميز
 
تاريخ التسجيل: Apr 2005
المشاركات: 13,160

مشاركة: فقير خطب بنت عمه المليونير

اقتباس:
المشاركة الأصلية كتبت بواسطة شقرديه
ههههههههههههههههههههههههههههههه

لعنبوه ماصارت بنت ذي كنز

لو كل البنات يعرسون كذا ماشفت ابو وحدتن منهن طفران

الله يخلف علينا خمسين وكنها مليون :5:

ياملحه ذا الشويب
هلا بالخوية

يا شقرديه من اسباب العنوسه ان بناتنا اخذن دور الشباب

أجل ما دريتي أن ابليس شد رحالة من عندنا من غير رجعة أسمع قصة ابليس تحت, وتعرفين
v
v
v
v
v


ابليــــس يصـــف الوضـــع والحالـــة في البلاد



كان إبليس في غرفته , يلملم ملابسه في حقيبة
إلى جانب باقي متعلّقاته ...
على المنضدة القريبة كانت استقالته موقّعة ومختومة حسب الأصول , وبجوارها تقبع تذكرة سفر إلى جزر القمر
كانت ملامح وجهه في تلك اللحظات
تنطق بالحزن, والكآبة , والإحباط , واليأس , وقلّة الحيلة ...
مع دهشة مزمنة ارتسمت عليه منذ فترة ليست بالقريبة,
واعترافٍ بالعجز والفشل إبليس راحلٌ عن بلادنا إلى غير رجعة...

فليفرح المؤمنون.... وين يامسهّل؟ ليش تجمع بأغراضك!!

يارجال مالي قعدة عندكم, صارلي سنين عاطل عن العمل
وقرّبت أموت من الجوع .. أقول معك سيجارة بس ؟

ما رح أترك فيكم لاوسواس ولا خنّاس!
كنت من زمان أوسوس للوحدة تترك ولدها يبكي وهي تسولف مع جاراتها,
الحين صاروا لحالهم.. يرمونعيالهم أوّل ما يجون

كنت أوسوس للواحد ينسى يسمّي بالله قبل ما ياكل,
الحين الواحد مايلقى شئ يأكله ! يا رجال..
إذا أنا إبليس... تسمّمت بالشاورما

كنت أوسوس للشاب انه يرميله كلمة ع البنت وهي ماشية بالشارع,
صاروا البنات يرمون ع الشبابكلام أنا استحي اقوله!!
واحد يسرق 100 مليون عيني عينك يسجنونه 3 سنين بفيلاّ عالبحر ,
وإثنين يدورون رزق بالزبالة يمسكونهم الشرطة!! ,
إنتو تبون إبليس إنتوا ؟؟؟؟
صار عندكم فائض بالفساد يكفّي 30 سنة قدّام,
صرت أخاف على نفسي منكم يا رجال!!

صرت اتجبر مرّات أوسوس بالمقلوب وأقول للمسؤولإرحم
وللحرامي يكفّي.. خلّي شويّ للحراميّة اللي جايين بعدك..

يعني إذا إنتو لحالكم ما شاء الله تسوون كل هالبلاوي,
أنا إبليس وش أسوي ؟
أشتغل سواق تكسي يعني

ولاّ أفتح محل حلاقة ؟




جبل طارق متواجد حالياً   رد مع اقتباس
قديم 02-07-2009, 07:25 PM   #6
بريق الامل
عضو هوامير المميز
 
تاريخ التسجيل: Jun 2005
المشاركات: 13,544

مشاركة: فقير خطب بنت عمه المليونير

روووووووووووعه

صح لسااانه

بس لاتكون حقيقه تطلع مصيبه




بريق الامل غير متواجد حالياً   رد مع اقتباس
قديم 02-07-2009, 08:00 PM   #7
جبل طارق
عضو هوامير المميز
 
تاريخ التسجيل: Apr 2005
المشاركات: 13,160

مشاركة: فقير خطب بنت عمه المليونير

اقتباس:
المشاركة الأصلية كتبت بواسطة faris1
صح لسانك ولسان قايلها .... وعز الله إنه جابها على الجرح .
صح بدنك وفعلا يافارس جابها على الجرح, وتعبر عن

حال بعض الاباء اللي يقفون عائقا امام زواج بناتهم.




جبل طارق متواجد حالياً   رد مع اقتباس
قديم 02-07-2009, 08:06 PM   #8
جبل طارق
عضو هوامير المميز
 
تاريخ التسجيل: Apr 2005
المشاركات: 13,160

مشاركة: فقير خطب بنت عمه المليونير

اقتباس:
المشاركة الأصلية كتبت بواسطة توأم روحي
طفران وعينه على السيارات والصوالين ... يستاهل ما جاه


مثل هذا اخذ مدرسه ويبي راتبها كله بجيبه

واحد صديقٍ لي تجوّز وحـدةٍمتغطرسـه



حاول يعَدّلهـاولكـن فشْلـت المحاولـه



قال اعطنا ياصاحب الافكار حـلٍ ندْرسـه



يوم انك مسوّي على كل الحلـول مقاولـه



قلت الهوى ياصاحبي ماهوب شيٍ تفْرسـه



ان جاز والا اترك بلنتيّه وطنّـش فاولـه



قد قلت لك منذوالبدايه لاتجيـب مدرّسـه



ولا استمعت لكلمتي كنـك مـن النخـاو ..



واليوم عان الكنزعندك حاول انك تحْرسه



والاترى بيجيك من يقْلب عليـك الطاولـه



انته تبي جني الثمر والغرس مانت بتغْرسه



ويوم استوا البستان ودّك تاكـل الفراولـه



ماجيت طابورالصباح ولا اتعبك دق جْرسه



لكن تبي تالي الشهر شيكٍ يجيـك مناولـه



لاياطويل العمرخصمك شايبٍ ما اشرسـه



والله انه ابعد لك من المندق ومن لاطاوله



الشايب اللي تو بنته قبـل عـامٍ معْرسـه


ماغمضت له عين من يوم الهنوف مشاوله



واليوم ودك تاخذالصفري لحالك تمْرسـه



هذاالكلام اللي على طول الطويل مطاولـه
لكن ياتوأم روحي ألا تعتقدين ان بعض الاباء والامهات وأحيانا البنت بذاتها يكونوا بشروطهم التعجيزية أحد اطراف تفشي العنوسه




جبل طارق متواجد حالياً   رد مع اقتباس
قديم 02-07-2009, 08:25 PM   #9
ريم العنزي
عضو هوامير المميز
 
تاريخ التسجيل: Jul 2006
المشاركات: 182

مشاركة: فقير خطب بنت عمه المليونير

ليش انتم مهاجمين دائم يمكن البنت تستاهل بس مو كذا وبعدين من القصيده ما يبون يزوجونه يعني يطفشونه



ريم العنزي غير متواجد حالياً   رد مع اقتباس
قديم 02-07-2009, 09:21 PM   #10
العربي2008
عضو هوامير المميز
 
تاريخ التسجيل: Nov 2008
المشاركات: 4,103

مشاركة: فقير خطب بنت عمه المليونير

مليانة البيوت بنات ومزايين ما وقفت على بنت عمه ويمكن بعد شينه



العربي2008 غير متواجد حالياً   رد مع اقتباس
إضافة رد







مواقع النشر (المفضلة)

الكلمات الدلالية (Tags)
المليونير, بنت, خطب, عمه, فقير

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع




09:25 AM



تشغيل وتطوير افاق الإقتصاد
Powered by vBulletin® Version 3.8.11
Copyright ©2000 - 2018, vBulletin Solutions, Inc.

جميع المواضيع و الردود المطروحة لا تعبر عن رأي المنتدى بل تعبر عن رأي كاتبها وقرار البيع والشراء مسؤليتك وحدك

بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.