خلف المشعان في سطور

20-10-2009, 08:45 PM

المشاركه #1

One Step

مشعل

تاريخ التسجيل: Apr 2009

المشاركات: 1,650

خلف المشعان في سطور

بسم الله الرحمن الرحيم

اليوم نبحر في بحور الشاعر خلف المشعان الذي أحدث فارقاً في شعره ومشاغباته ( الكيبورديه )
فكان الكل يحسبه بأنه شاعر هجاء ومنهم من يقول شاعر مشاغب .

لكن ماذا كان يقول عن نفسه !

يعتبر خلف المشعان شاعر متنوع وشاعر موقف , ومتى ما أراد أن يكتب قصيدة كتبها دون عناء ,
الكثير من متابعي خلف المشعان كانوا يتوقعون له دور قوي في برنامج شاعر المليون وفعلا كان حضوره قوياً , الذي أنتهاء بخروجه منسحباً ومطالباً جمهوره بعدم التصويت له .

يعتبر من الشعراء الاذكياء في اختيار نصوصه وعباراته , وانا اعتبره من اقوى الشعار تلاعباً بالالفاظ
ويستطيع أن يعمل قضية في شعر واحد .

طبعاً توجد له قصائد كثيرة في الانترنت وهو كان ينشر قصائده عبر الانترنت إلى أن وصل الى الشهرة
فشارك في منتديات كثره أشهرها ( شظايا أدبيه ) الذي لقب بـ شبل الشظايا , وكان يدخل في منتديات اخرى باسماء مستعاره ( ومنها كان نسائي ) فقط لمداعبة الشعار واللعب بمشاعرهم .

من هو خلف المشعان ...؟

ولد من يعتزى فيه ويحل وينقض المفتول
.. // أنا منهو على درب المراجل يسحبه خاله

وماهي نظرة خلف المشعان للشعر ...؟

لا انظر للشعر كما ينظر اليه الاخرون .. مع احترامي لجميع من يكتب الشعر فأنا ارى هذا الشعر ليس إلا ( معجون صلصال ) اشكله كيفما شئت .

وما تقييم خلف لنفسه من الشعراء ...؟

لست شاعرا حقيقيا كما يعتقد الكثير فالشاعر الحقيقي على الأقل تراه يحتفظ بقصائده ..
ادخل بيتي واتحداك لو وجدت قصاصة شعر .

هل تطمح أن تأتيك الفرصة لتكون شاعرا غنائيا ؟

جاءت الفرصه .. وكتبت شعراً غنائيا .. ونجحت العديد من الأغاني لكنني رفضت أن تسجل باسم خلف المشعان لأنها ليست من الشعر في شيئ .

لماذا لم تنشر قصائدك بالصحف ...؟

هل تعلم اني نشرت نصين وانسحبت .. خوفا من عواقب الضوء .. !!

والتي تبدأ بالبحث عن سقطات الشاعر وتنتهي بالسب والشتم والتعرض لشخصه .. ؟؟

ماذا تعرف عن الرجال ...؟

الرجال كالسيوف تماماً ... نقول له كيف وضح لنا ... يقول .. فكما أن الرجال معادن
أيضاً السيوف معادن .. فنجد رجلاً معدنه أصلي يحمل سيفاً معدنه أصلي ..
و نجد رجلاً معدنه مقلد يحمل سيفاً مقلداً .. و نجد رجلاً من ورق يحمل سيفاً من ورق
فالأوراق لا تدوم أبداً و الرجال الورقيون لا يدومون و سيوفهم لا تدوم بل تتلاشى مع أول طعنة ورقية ..!!

كيف تكتب قصيده .....؟

يستغرق الشعراء اياما وليالي في كتابة قصيدة جديده ثم شهورا من التدقيق والتفحص لنشرها
بينما تنتهي وتنشر قصيدة خلف المشعان في الربع الأخير من الساعه التي يقضيها في مقهى انترنت
فهو غير مستعد لدفع 10 ريال أخرى ..

مارأي .. الشاعر .. خلف المشعان .. في قصائد المدح ؟؟

غرض من أجمل أغراض الشعر .. حينما يكون لغير غرض ..!!

‘‘

؛؛

( 1 )

عرفة وجيه!!

ياكثرهم .. لا قلت لك .. عرفة وجيه
وياقلـهـم .. لا قـلـت .. قــدر ومـعـزه
:
رجـلٍ .. تعـزه بعـد ماتلتـقـي .. فـيـه
ورجـلٍ .. قبـل ماتلتقـي بـه .. تـعـزه
:
ورجـلٍ .. تـرزه بالمجـالـس مبـاديـه
ورجـلٍ .. فلوسـه بالمجـالـس تــرزه
:
ورجلٍ .. يموت ولا يجيبـون طاريـه
ورجل ٍ .. يجي طاريـه فـي كـل حـزه
:
ورجلٍ يهزه .. بعض موقف ويشقيه
. ورجلٍ .. مهوب أيّات موقف يهـزه
:
ورجلٍ .. ضعيف .. ويستفزه معاديه
ورجـلٍ .. كـلام اعـداه .. مايستـفـزه
:
ورجلٍ .. تلزه يعترف لـك .. بخافيـه
ورجـلٍ .. علـى خافيـه .. محـدٍ يلـزه
:
ورجلٍ .. يوزونه .. ويزعـل بنيخيـه
ورجلٍ .. يزعّـل مـن يحـاول ، يـوزه
:
ورجلٍ .. تكـزه لا زم انـك .. توصيـه
ورجـلٍ .. بلـيّـا مــا توصـيـه .. كــزه
:
من لا فرش .. للمرجلـه .. ماتغطيـه
ومن لايخز .. النـاس .. محـدٍ يخـزه
:
ان كنت تعرفني فهي .. عرفة وجيه
مو شرط لك بالقلب قدر .. ومعـزه

---------------------------------------------

(2)

معقوووول

بنجـوور .. يـا للـي ساكـتـه .. قـولـي لــي
.... وشلـون .. قلبـك .. والغـلا .. شاخبـاره .. ؟؟
:

وشفيـك .. يالله .. صحصـحـي واحـكـي لــي
... // وش تقصـديـن .. بـصـورة ٍ محـتـاره ..!!

:
معـقـول يعـنـي .... نـاسـيـه .. إيمـيـلـي !!
... كـل ذا زعـل .. !!.. والا دلـع و جــواره ..!!

:

أيــوه .. كــذا .. تكلـمـي .. ياااااااويـلـي ..!!
.. ..لــي ساعـتـيـن .. أكـلـمـك .. يـــا.. حـ
:

يالله .. تعـالـي واقـعـدي .. غـنـي لـــي ii..!!
.. .. مبطـي .. تـرى عـن دبـكـة .. الـهـواره ..!!

:
ميـلـي علـيـه .. يابَعَـدهـم ... مـــي لـــي
. ... . دنـيـا الـبـشـر .. يادنـيـتـي .. دواااااره !!
:
ودي .. أبــدد .. مــع صـبـاحـك . . ليلي
. . . واقـطـع بحـبـك .. يـاغـلاي .. الـشــاره
:

شعـر الهجـا .. ماعـاد .. أبـد يعـنـي لــي
.... ((( إياكِ أعني .. واسمعي .. ياجاره )))

:

شوفـي رجعـت اكتـب .. غـزل .. شحليـلـي
.. ولعيونـك ارسـم===> وجـه ابــو نـظـاره

-----------------------------------------------------------

(3)

زارني شيخ بمنامي !!

هــزني شــوق المعني .. ماعلي من الملامـه
..لهـف نفسي .. للقوافي .. لهــف خيٍ جاه خـيه
: :
إن نسى ياقف بوجـهه .. قال : عز الله مقامه
... وإن وقفله .. حب راسه .. احترام ومـقدريه
: :
ماقصدت يقال .. شاعر .. ويتفنن .. في كـلامـه
...موهــبه من فضل ربي .. ساقــها الرحـمن لـيه
: :
ماتفاخر بالقصـيد .. ومـدّعي .. فيه الزعـامه
.. مير جيت من الأخير الياالصفوف الأولــيه
: :
لي هيامي .. في الخيال .. وكـل شاعر .. له هيامه
.. والشعر مابه كبير .. ولاصغير .. ولااقدميه
: :
من بكم يحضر قصيده .. ياجماعه .. في منامه
.. ماتحدى .. مير والله يانها صارت علـيه
: :
زارني شيخ .. بمنامي .. ( محرم ) ولابس عمـامه
.. دق صدري .. في ( عصاه ) وقال : جايبلك هديه
: :
قلت : وشي ؟؟ قال : هذي !! قلت : وشي ؟؟ قال : خامه
... فلها واكتب علـيها .. قلت : مافيهاأذيـه
: :
قال : أبدا لا تخاف .. وقلتله : مع السلامه
... وقبل يمـشي .. هز كـتفي ... قال : عندي لك وصيـه
: :
اكتب اللي انت شفته .. ماعليـك من الملامــه
.. راح تطلعلك .. قصيده .. تستحق الأفضليه
: :
وصـد وجهه .. راح يمشي .. وقمت افكر في كلامـه
... كيف اخـلي هالقصيده .. في منامي واقـعيه
: :
يوم فليــت القماشه .. فرفحت .. مـنها .. حـمامه
.. وقمت اصفق من منامي للحلوم الشاعـريه
: : : : :

-----------------------------------------------------------

)

المشعان يرد بزياره للشيخ

تذكرون الشايب اللي زارني بذاك المنام ..
؟
؟
؟
؟
؟
؟
؟
؟
؟
؟
؟
؟

؟
؟
؟
في
منامي
كيـف ؟
مــدري ! ….. رحت زرته في منامه
:
:
:
:
:
ليلة البارح ..
لقيته ..
فوق موج من الغمام

……………………………. جادعٍ جنبه عصاه ..
…………………………….ونازعٍ ذيك العمامه ..
:
:
:
:
:
جيت بشويش
وندهته ..
اقعد ..
اقعد .. ياإمام !

……………… صك ايديه .. وحك عينه
……………………………قال .. وشي ها لغمامه ؟؟
:
:
:
:
:
قلتله :
صحصح دخيلك ..
جيتلك .. عندي كلام ..

………… قال : منهو ؟ ماعرفتك !!
…………………….. قلت : انا راعي الحمامه
:
:
:
:
:
قال : طارت ؟
قلت : طارت !
قال : والله ماتلام
……………. قلت : ليه ؟ وقال : طبعاً ..
………….……………….….. رحت تسمع للملامه
:
:
:
:
:
:
قلت :
والله
ماسمعت ..
لغير ربعي .. والسلام

……… قال : ربعك غير طبعك
……………………….... وانت غير وبك علامـه
:
:
:
:
:
قلت :
وشي هالعلامه ؟
قال : واضح بالعتام ..

………………….. قلبك ابيض
…………………………….. لايهمك من يخمك في كلامه
:
:
:
:
:
قلت :
شفهم .. غيروني ..
شلة عيال الحــرام ..

……………… قال : أنا ادري
……………………… واعرفهم .. مابهم ذرة كرامه
:
:
:
:
:
:
قلت :
ابيلي خامه اكبر
ماتقطع .. بالزحام

…………….. قال : شمر .. لاتذمر
……………………….... وانت شاعر دون خامه
:
:
:
:
:
:
قلت :
طيب ..
ويش اسوي ..
قال : خلك بالظلام …

……………. هالزمن لو شفت نوره ؟
……………………………. راح ترضى عن ظلامه
:
:
:
:
:
لكن اسمع ياوليدي : ـ
ظل عندي
لك كلام ..

…………. الجمل ماراح يصبر ؟
……………………….. لو تخلى .. عن .. سنامه
:
:
:
:
:
اكتب اللي في مزاجك ..
وابتكر ..
واكرب احزاام ..

……………لاتخاف .. ولاتداري
………………………………ولاتدور للزعــامه
:
:
:
:
:

قالها ..
ثم دار وجهه
للغيوم ورد نام ..

…………… وقمت فازع من منامي ..
……………………………. بس اتمتم في كلامه!!

-------------------------------------------------------------------------

(5 )

المدرسه

قالت : هو انت اللي تسولفبك نجــــــود ؟؟
قلت : ايه انا قالت : انا اسمي أمــــــــــيره !!

قلت : آمري .. قالت : ترى ريم محمود
أهدت قصــــيده لك لابله منيـــــــــــــــــــــــيره

تبي تسوي زي ماسوت اخلوووووووووود
اللي خذت ( إعجاب ) أبله شهـــــــــــــــيره

ومره بعد ....

ومره بعد فريال أهدتلها اعهـــــــــــــــود
أبيات من شعرك .. وغارت سمـــــــــــــيره

عشان ( هذي ) معجبه بهند مســــــــــعود
وفريال تطلع أخت هند الصغيــــــــــــــــــــره

شربكه !!

ومره .. قرت حصه .. قصيده لعانووووووووود
وراحـــــــت وودتها لأبله مشـــــــــــــيره

وابله مشيره فتشت شنطـــــــــــــــة انجوووود
واقعدبها .. شعرك وصل للمديره

---------------------------------------------------------------------------

(6)

من هيك عم يبكي الصبي!!

أكذب عليك ان قلت لك : ياصاحبـي مافـي جديـد
لا والله الا ضـيّـقـت كـثــر القـصـايـد مـكـتـبـي

تبغى فخـر / والا حكـم / والا غـزل يابـو يزيـد
كـل القصيـد اللـي تبـي مـوجـود قـلـي وشتـبـي ؟

الأوله : قلت : ( عنـزه ) ماهـي بحاجـة للقصيـد
صبيـهـا مــن غيـرهـا يـسـوى 900 صـبـي !

قبيلة . من مجدهـا حتـى المـؤرخ يستفيـد
قــل للبلـيـد وذكــره. بـأحـداث فـلـم المـصـربـي

كل قوم قيل الاْ عنزه قومٌ أولـي بـأسٍ شديـد
صلـوا علـى ذكـر النبـي / كافـي لنـا ذكـر النـبـي

الثانيه : قلت الزمن هذا زمـن حـرب الصعيـد
أنـا واخويـه دون ابــن عـمـي / وضــد الاجنـبـي

والجاهلـيـه عــوّدت يمـكـن ولـكــن الأكـيــد
انـي ارتفعـت ولا بتـي حولـي وهـذا ملعبـي

من له رصيد من الأدب والذوق ما يبغـى رصيـد
والا الغبي مهما بلـغ يبقـى يبـن عمـي ، غبـي

الثالثـه : قلـت اتركـي عنْـك أغنيـه عبـد المجيـد
عنـدي لـك أحـلا منّهـا ياغاليـه بـس اقربـي

تقـول قربـك ياخلـف ماهـو مثـل قــرب البلـيـد
وتطلبني اقرب ياخلف ؟؟ أبك انت كلك مطلبي

معذور احبك ياغلا واعطي غـلا غيـرك جحيـد
واقول تأبرنى أنا من هيك عم يبكـي الصبـي

-----------------------------------------------------------------------

يتبع ,,

الموضوع الأصلي : اضغط هنا || المصدر :
قصائد الهوامير

20-10-2009, 09:43 PM

المشاركه #2

One Step

مشعل

تاريخ التسجيل: Apr 2009

المشاركات: 1,650

( 7 ) خارج نطاق التغطيه!!خارج نطاق التغطية .. او .. تغطيـه دون النطاق ...... فرق الخروج المنطقي حسب اختلاف المنطقه ماهيب لعبة مفردة .. بين التجـــانس والطباق ....... لا لا ولا هي فلسفة شاعر فراغ وهرطقـه المسأله !! ركز معي .. يمكن ترد ضمن السياق ...... لاتسبق احداث الشطر قبل انطقه لا تنطـقه شيٍ يطاق بهالزمن .. واشيا كثيره ماتطــاق ...... شعر الغزل غير الهزل .. والطق غير الطقطـقه المشكله مو بالطراق ،، المشكله بعد الطراق ......يامحللين المشكله .. بلاش .. كـذب وتريقــه إتي اتحاد ... وتختصر إتي .. بعــد للاتفـاق ...... لكن ولاإتي .. بقت في ظل عصـر التفـرقــه ناخذ طراق ونبتسم .. احلى عرب ..!! واحلى عراق .......واحلى فلسطين ونقط .. لا خر حدود المنطـقه----------------------------------------------------

20-10-2009, 10:13 PM

المشاركه #3

One Step

مشعل

تاريخ التسجيل: Apr 2009

المشاركات: 1,650

اقتباس:

المشاركة الأصلية كتبت بواسطة One Step

( 7 )

خارج نطاق التغطيه!!

خارج نطاق التغطية .. او .. تغطيـه دون النطاق
...... فرق الخروج المنطقي حسب اختلاف المنطقه

ماهيب لعبة مفردة .. بين التجـــانس والطباق
....... لا لا ولا هي فلسفة شاعر فراغ وهرطقـه

المسأله !! ركز معي .. يمكن ترد ضمن السياق
...... لاتسبق احداث الشطر قبل انطقه لا تنطـقه

شيٍ يطاق بهالزمن .. واشيا كثيره ماتطــاق
...... شعر الغزل غير الهزل .. والطق غير الطقطـقه

المشكله مو بالطراق ،، المشكله بعد الطراق
......يامحللين المشكله .. بلاش .. كـذب وتريقــه

إتي اتحاد ... وتختصر إتي .. بعــد للاتفـاق
...... لكن ولاإتي .. بقت في ظل عصـر التفـرقــه

ناخذ طراق ونبتسم .. احلى عرب ..!! واحلى عراق
.......واحلى فلسطين ونقط .. لا خر حدود المنطـقه

--------------------------------------------------

20-10-2009, 10:17 PM

المشاركه #4

One Step

مشعل

تاريخ التسجيل: Apr 2009

المشاركات: 1,650

(8 )

صدري بلد

خيوه ، أنا صدري بلد .. كله
... // .. بفياضهم ينبت خضار .. اعتزازي
:
:

من جيل ابن عبار لا جيل ابو روز
..... // .. لا جيلي .. اللي يشهدون ، امتيازي
:
:

قطفت جوز الهند ، مع فزة الجوز
..... // .. وفجرت ،، نبعٍ بالقصيد ، ارتوازي
:
:

ماني من اللي بالمواقيف ، مهزوز
...... // .. حامض على بوز الزمان اهتزازي
:
:

ماادور الفرصه ولا اتعب على الفوز
.... // .. كم فرصة ٍ راحت تمنى ، انتهازي
:
:

ما همني / رائع / ومبدع / ومحجوز
.. // .. ولااتعـِـب على راي ، الخلايق جهازي
:
:

هالشعر ماجيته ولا جيه ، بالــتوز
.... // .. ان ماطلع ..باحساس مالله موازي
:
:

كم ما يجوز.. لـيا شتهينا له ، يجووز
.... // .. من باب تشبيه المحال ، بمجازي
:
:

اهل الحفر تطرب على صوت ، فيروز
...... // .. اذا اطربت لبنان ريشة ، عزازي
:
:

ياعويس انا عن سكة الغيـم ، ما جوز
......... // .. رايك على جزل القصايد جوازي
:
:

شعري على خبرك ، ترى مابه رموووز
........ // .. لا تنزعج ، ماراح .. اظلل قزازي

-----------------------------------------------------------------

(9)

شكسبير

الشعر ماهو فلسفه .. ياشكسبير !!
... مالي ومال صخام .. ( شمس المعارف )

"
"

الشعر مايحتاج دوخه وتفكير ..!!
.. قبلي وقبلك .. عرفوه .. العوارف :

فكره
..
معاني
..
مفرده
..
وزن
..
تصوير !

.. طارف .. ولا هو لاكثر الناس .. طارف !

"
"

الشعر اشد من التعب .. والمشاوير !
... واهون من الوقفه .. بوسط المصارف!

"
"
جايز تقول .. انه غوايه .. وتغرير
.. وجايز تقول : انه .. وسيلة تعارف

"
"
بعض القصايد : ( صبصبة عصر بشكير ) !!
.. والبعض الاخر .. كنها سيل .. جارف !!

"
"
يصبغ على النيه .. مثل صبغة الجير
... لين البياض .. يصير .. خدشة رفارف

"
"

تدري .. بلاش من الأسا .. والاســـا طير!!
...... ماكرمت وجه .. البلاط .. الزخـــارف

"
"
اسمع كلامي .. وانتبه ياشكسبير ...!!
.... الشعر شفته .. يوم شفت المشارف !

"
"

أصدق من الدهشه .. بعين الجماهير ..!!
... واكذب من الدمعه .. على خــد عارف!

-----------------------------------------------------------------------

(10)

الملعبه

أنا فالملعبه يطري علي ان الرسول يقول :
(( دَمُ المسلم على المسلم حرام وعرضه وماله ))
:
أنا فالملعبه هرجي يمر عقول دون عقول ..
عميلٍ مايجاريني ي.. دورله من اشكـاله
:
الى منه حشم نفسه عن الزله مهو مخـــذول
والى من ضاعت علومه تركته يشرب دلاله
:
أنا ماقول من قدي ؟ ولاني من السما مرسول
ولكن من يبي يلعب .. يناظر منهو .. قبـاله
:
ولد من يعتزى فيه ويحل وينقض المفتــول
أنا منهو على درب المراجل .. يسحبه خـاله
:
أنا منهو عشق لعب القوافي داخل الزهمول
وانا من جبر كسور القصيد ... وقام يبراله
:
أنا من طوّح سيوف النشامى سيفه المصقول
الى من قال : ( خلوها ) سرى ياليل مواله
:
أنا ماحلحلو حيلي ولوهم حاولوني حول ..
أحلّ احيَلّ من حاول معايه .. يبلش بحاله
:
وش المعقول ؟ لاقالو تقول اللي مهو معقول
كثر ماقيل ذا قولي .. ولا قبلي ، أحد قاله
:
قصيده لو عرضتوها على ( صياف ) وشبيقول....؟
اذاهي طافت ( حبيّب ) ولامرت على باله
:
وانا فالملعبه تطلع علومي والحديث يطوووول
ولكن من يبي يلعب معايه يفهق عقاله !!..
:::::::::::::

--------------------------------------------------------------------

((11 ))

يا ست!!

ياست / ست سنين / قضّيتها .. Test
... (( للموهبة )) .. حتى احترفت .. الإثاره

شبلٍ .. على شعر الفـراسه .. تفرست ... !!
... (( ذكي )) .. واحلل .. ماوراء العباره

لا شفتهم بالـ east عاكستهم west ..!!
لكن .. بمنطق .. واعتبرها .. شطاره

....حاسو .. ورى هم .. الصداره .. ولا حست ..!!
. جالس بعيد .. وحست .. وضع الصداره

غيري يقيسون .. الستاره .. وانا .. قست ..
....أبعد .. مسافه .. عن .. حدود .. الستاره

هم همهم .. وصف الغواني .. على البست
....(( عفواً .. هنا .. تضمين واضح .. دعاره ))

تعني لهم .. أهلا ً.. وسهلا ً .. وآنســت
......وانا استحي .. لا زور .. (( زايد )) .. زياره

ياست .. انا راضي .. يكون اللقب .. Guest
روحي ارفعي شكواك .. عند الاداره ...!!

-------------------------------------------------------------------

(12 )

لوْلى .. ولوْ لى

لوْلى .. ولوْ لى ......!! كــم تقولين .. لوْ لى ؟
... هالحرف ذا .. دايم يعكر صفائي ..!!

:
:

أوْ لى .. بوقـْتـك .. إنـّ انا ../.. فيه .. أوْ لى
... يعني مسائك .. يابعدهن .. مسائي !!
:
:

تدرين .. لا خوْ لى .. ولا ألف .. خـوْ لى ..!!
.... تحلم على عهدك ../ .. تفوز بولائي ..!!

:
:
عندي .. سؤال .. وجاوبي .. إيـه أوْ لاْ ..!!
.... تحملي .. بالله .. لحــظة .. غباااائي ..!!
:
:

ممكن ..؟؟
....... يصير ..؟؟
............. الحب ..؟؟
.................. من غير !!
......................... لوْ لى ؟؟
..... خوذي نفس ..!! .. قبل الجواب النهائي ..!!

-------------------------------------------------------------------------

(13 ) احد ضحايا العولمه

ياخي ضحايا هالتطور .. كثيرين
........................ // والعم ( نور الدين ) آخر ضحيه
:
:

عشرين عام ونور ماشي علىالدين
........................ // مافي موظف ( بالعليان ) .. زيه
:
:

خلوق ، وحبيّب ، وطيب ومسكين
......................... // ودايم على نفسه يبدي .. خويه
:
:

يمشي حسب ممشى العمل والقوانين
......................... // ومأدّي الواجب .. بنفسٍ رضيه
:
:

ربك بلاه .. وجاب له مدري منين
............................... // بلية ٍ .. ياكبرها .. من بليه
:
:

بدل ( رهيب 2000 ) بالفارس ( 2000 )
.......................... // ويامن شراله من حلاله .. أذيه
:
:
ركب من النغمات .. ( ياليل يا عين )
................. // ( وعل الهودلك .. يابه .. وعل الهودليه )
:
:

وكل مااتصل به شخص طنش له شوين
..................... // يعني اسمعـوا .. نغمة جهازي قويه
:
:

فجأه / دخل مديرنا بخاطرٍ شين
....................... // منهو جهازه ؟؟ جاوب ( الزول ) ليّه
:
:
قال اقفله .. لا اكسره فوقك الحين
............................ // وشوي سواله .. ملف وقضيه
:
:

وقع تعهد وانخصم منه يومين
........................... // من دون أدنى .. ذنب والا خطـيه
:
:

ضحكت من قلبي وانا اقول ياشين
.............................. // ماقلت لك يانور .. خذ ( فيصليه )

-------------------------------------------------------------------

(14 ) قصيده مالها داااعي

هنا أوضاعي .. / .. هنا أوجاعي. / . وهنا أطماعي فبعض أشياء

/_\/_\/_\/_\/_\/_\/_ هنا ـ وكل ماهنا يعني ( قصـــيده ) مالها داعي.!

:
:
:

يـ سيدي كل ماحاول أصححها >>> تزيد أخطـــاء x x x !!

/_\/_\/_\/_\/_\/_\/_ ولا في بيت تستجري . حــروفه . تكـــسب اقنااعي

:
:
:

وش اكتبلك ؟؟ وانا خــايف . بعـد مكتب. من الامضـــاء ..!!

/_\/_\/_\/_\/_\/_\/_ تحت ( صدق ) اعترافااااات القصـــيد . بمحضر ابداعي

:
:
:

وش اكتبلك ؟؟ وانا عــاجز أحس .. برغـــبة القرااااااااااااااااااااء

/_\/_\/_\/_\/_\/_\/_ وش اكتبلك ؟؟ ( واشاعات الخـــليقة ) تلوي ذراااااااااااعي

:
:
:

كرهت الشعر .. واتعبني المديح ... وغـــثني الاطـــــراء !!

/_\/_\/_\/_\/_\/_\/_ وصلت .. أعلى الهـــرم يمكن ..!! ولكن وينها اتباااااعي ؟

:
:
:

فهــد ــ عايد ــ عـلي ــ زايد .. كثير أسمــاء ....!!

/_\/_\/_\/_\/_\/_\/_ هنا كانت مشاعرهـم . تضــج . وتطرب اسماااااااااااااعي

:
:
:

هنا .. شاف الولد نفسه ( وشــاعـ ) وعشمووه ( براااااااااااء )

/_\/_\/_\/_\/_\/_\/_ وهنا ( ضاع ) وبدى يكــتب قصايد مالهاااااااا داااعي

---------------------------------------------------------------------

(15)

ثرثااااار

أنا .. يوم آخـــذ وأعــطي معـك ، قلتي : علي ( ثرثار )

...\/\/\/\/\/\/.. أجـــل .. وشلووون ؟ لو بوصف شعــوري ، وشتسميني ؟؟

:
:
:

صحــيح اللي حصل ( صدفة ) ولاادري يومهــا ، وشصار ؟

...\/\/\/\/\/\/\/\/\/.. ولااذكــر ، وشطــلع مني كــــلام .................... ولاتلوميني
:
:
:

بدايات الحكــــي ( مـــزح ) ونهــــاياته .. كــــــلا م كبار ...!!

...\/\/\/\/\/\/\/\/\/.. وخــلص كـــل الحكـي .. لكن ! بقيتي ساكنه فـــيني ......!!

:
:
:

على همـــسك ، وضحكـــاتك .. بدت تلعبي الافكــــار .........!!

...\/\/\/\/\/\/\/\/.. تولعت ( بدلع صوتك ) وانا ماشافتك ....عــــيني ............!!

:
:
:

وانا رغم انها ( صدفه ) ولكن ..!! صرت بك محــــــتار ........!!

...\/\/\/\/\/\/\/\/\/.. أقول : شلووون حبيتك ..؟ ومعـــقوله ...!! تحــــبيني ........!!

---------------------------------------------------------------------

20-10-2009, 10:19 PM

المشاركه #5

One Step

مشعل

تاريخ التسجيل: Apr 2009

المشاركات: 1,650

(16)

زمان المهزله

يقولون الخوي : رجلٍ تجيـه بساعـة الشـدات
وانا اقول الخوي : رجلٍ الى من ضـاق ماجانـي

لانـه خابـرٍ عسـر القوافـي يجبـر الابيـات
لذلك يحسـب حسـاب المعانـي يـوم ينخانـي

خويٍ مادرى .. يسكت ويفهمها .. على ماجـات
وخويٍ لو درى .. يمكن بيلعـن جـد شيطانـي

وخويٍ شايف ويدري .. ولاهو مـدور الـزلات
وخويٍ مايبي يـدري .. ولاادري ليـه عادانـي

ويقولون الزمان اللي تغيـر .. ماهـي العـادات
وانا اقول : الزمن هذا .. خـذا ربعـي وخلانـي

مـع اللـذات بالدنيـا .. تطبـع حبهـم للـذات
تغير كـل مفهـوم الحيـاة ... لجيـب مليانـي

زمن يرفع ثمن حتى الكفن مـن كثـرة الامـوات
قريباً ... نسمع بموضة ( كفن للموت افغانـي i)

عشان ادم غلط يعني ؟؟ نتساهل باكثـر الغلطـات
بـدى يخطـي البنـي آدم بحجـة آدم الجـانـي

محد يذكر أحد بالخير ... غصب الآدمي .. لامات
تشوف الخلق يطرونه ... مع انه مات وحدانـي

بعض هالناس .. ماتسمع طلال .. وماتجي حفلات
وبعد مامات .. كـلٍ قـال : ياخـي كـان فنانـي

اجل لو مات ( ابو لفه) ( عويد) راعي الكسرات
تصير الناس تتسمع : ( علام الـواد جافانـي ii)

زمان المهزلـه .. قلـي : وشمخبيلنـا عاهـات
دخيلك بس لا يطلع .. بعد شارون : ( فدعاني ii)

-------------------------------------------------------------------------

17)

صدر الشمالي

يقولـون العـرب صـدر الشمالـي .. مايضيـق بـسـاع
وانــا اقــول الـصـدور الـيـوم .. مـاعــادت شمـالـيـه

بـدت فــي داخـلـي ضيـقـه عـجـزت القالـهـا مـطـلاع
تغيـب . وترجـع .. وترجـع تغيـب ... ومالـهـا نـيـه!!

عمتني كلمة ٍ جتني . وضقت .. وضاق صـدر القـاع
الا يالله لاتـــجـــزى غــشــيـــم ٍ .. قــالــهـــا فـــيّــــه

لـهـو صـفــاع .. يـاربــي .. ولاهـــو لـلـعـرب نـفــاع
بـلانـي وابتـلـى حـالــه ... وبـعــض الـنــاس مبـلـيـه

نهيتـه قبـل هالمـره .. يخـلـي سيـرتـي .. مــا اطــاع
الا يـالـعـنـبـو جـــــد الـقـصــيــد .. ولـعـنــبــو بـــيـــه

ضعيف النفس ( نسونجي ) يشـوف بعينـه االاطبـاع
يحسبـنـي مـثـل ربـعــه .... يـســوق بضـاعـتـه لـيــه

انا اشري .. لابغيت اشري .. ولاني مسـاوم االبيـاع
الـــى مـــن قـالـلـي مـيــه .. عطـيـتـه فـوقـهـا مـيــه

انا اكتب .. لجل من يقرا .. ولاارجي من يقول ابداع
وابـــــد لاتـحـســبــن مــثــلــك يـشـكــلــي اهــمــيــه

تـرى ياهيـه .. لامنـي نويتـك .. بــس اطــق اصـبـاع
يجيـنـي الـــف شـيـطـان ... ووراهـــم الـــف جـنـيـه

أجرك من طـرف حرفـك .. وارد الصـاع ميـة صـاع
جنون القاف ... ارقصها ... على راسـك .. هجائيـه

يويـلـك لـــو تولـيـتـك .. وربـــي .. مـالــك الـشـفـاع
يجيـك مـن القصيـد .. احسـب .. ثلاثمـيـه.. ثلاثمـيـه

ولكـن .. خلـك بحالـك .. مـادام ان الصـدور وســاع
تــــرى لـلـحـيـن مـاضـاقــت ولـسـعـهـا .. شـمـالـيـه

------------------------------------------------------------------------

(18)

ضعيف الحرف

رشيق الحرف / والمعنى العميق / وروعة التصوير ّّّّّّّّّّّ...
ربيع الشعر / وشهور الربيع / وريحة أزهاره
:
قصيدي / ياقصيدي / ياقصيدي / ماتبي تفكير
... شف اللي مانكتب فيه .. وتمهل وانظم افكاره
:
بلاش تدوّر .. وعندك .. حـــكاية .. عــمنا تيسير
... تراها .. تنفع .. ويمكن تفوز ... وتقطع الشاره
:
وترى فيها حِكم واجد .. .. ولا يبغالها تفسير ....!!
... .معك واحد خلاص امش وبسيطه تدبر اصفاره
:
حكاية عمنا ..ركـّـز :
( حقيقه ).. نصفها ... ( تــــزوير )..!!
... ولكن نصفها الآخر .. خطير .. !! وتلسعك ناره
:
يقولون الرجل هذا ..... فقير ويشتغل .. كاشير
... معاشه كله( 2000 ) ويقاسط دين سياره
:
وعلى هالحال ذا راضي يحب ايده يقول ابخير
...رضى في قسمته ... واللي كتبه الله .. واختاااره
:
فهمت الحين مدخلها ... ؟؟
تعال .. اعــَـلِّــمـِـك .. شيصــــــــــــــــــير ..!!
... مع اللي كان كاشير .. وتهمه لقمة صغااااره ..
:
بعد احداث سبتمبر .. تعلم .... لهجة التنظير
... ونشب في لوح تاريخ العروبه ... راس مسماره
:
كتب عن صحوة الكذب وكذب واجد وصار كبير
... وبنى من كذبته ( عشرة ابيوت ) .. وعمر عماره
:
تطاول حيل ... واتعدى الحدود .. بحجة التغيير
... وتحول أول بيوته ....أخير .. وماهي بشاره
:
ضعيف الحرف .. والمعنى السخيف .. وشاعرٍ سكير
... خريف الشعر واسقاط الشعور وطيحة أشجاره !

---------------------------------------------------

(19)

داااهيه !!

والله ياخي داهيه يبو حمد ذيك العنود
أن صح تعبيري كذا والله ياهي داهيه!!

انت تخبرني لابغيت ارقالها ارقى اسنود!!
لكن وربي ماقدرت قدام لا الناهيه!!

ملعون ابو جد اصلها في وصلها عيت تجود!
اجي من اقصى حيرتي واتزيدها متراهيه!!

ابحرت لآخر فكرها بس فكرها ماله حدود
ياخي وربي تمتلك دقة ذكا متناهيه!!

ياخوك ماهي صاحيه تلعب على أفواه الاسود
والياحكت يسمعلها القلوب الساهيه!!

يلعن سنين الدلعنه وش زينها يومٍٍ تنود!!
أروح فدوة طولها ام القوام الباهيه!!

فعلا عنود ان قلتلك ياصاحبي فعلا عنود!!
وان صح تعبيري كذا والله ياهي داهيه !!

---------------------------------------------------------------------

(20)

وجهة نظر تخصني

ماهي بشاره .. لو زعل .. عارف سرور
شوفة عزيز ٍ .. ذل .. بيدين .. كافر
:
:

معذور ابو طارق .. ولا هو .. بمعذور
حنا العرب ... مبطي نعـيش .. بتنافر
:
:

مهما بلغ صدام .. من مبلغ الجوووور
ياناس .. لاتنسون .. للذنب .. غافـر
:
:

صدام مسلم .. إيه مسلم .. ومكسـور
وجه الفضيحه .. ياهل العــرف سافِر
:
:

والله .. مايدرى على منهو .. الدوور
اللي وقع .. في حفرته .. كان حافـر
:
:

أكبر مصيبه .. للعرب طيحة الثوور
على الأقل ..ينطح .. ويقدر .. يعـافـر
:
:

وماهي بشاره .. لو زعل .. عارف سرور
شوفة عزيز ٍ .. ذل .. بيدين .. كافـر

-----------------------------------------------------------------------

21)

من جد

لا تاخذين .. السالفة جد .. من جد
ماكل مانبغى نقوله ...... نقوله

لو الحكاية رد .. كتبت لك .. رد
ماهو على معناك بالضبط ! .. حوله !

بس الحقيقه .. بيننا .. ألف ابو سد
طبعي زعول وطبعك انتي .. عجوله

ومن انتي .. أصلاً لجل أبين لك الود
انتي مجرد غصن .. واضح .. ميوله

ان كنت ابنظر لك ضروري .. ولابد
عشان بس الموق يشبع ... فضوله

ماني من اللي .. شد عظمه .. أو اشتد
مشتد عظمي .. من سنين .. الطفوله

حدتني الدنيا .. على قولهم .. حـد
ولا هزني عصف الظروف .. بسهوله

قلبي اليامن صد .. عن رغبته .. صد
مابـ التقاعس .. للنواعس ... رجوله

ماني خلف بابا.. ولاني .. خلف جد
ولايوخذ اسمي .. للقصايد .. عموله

حنا لياعدوا .. هل الطيب .. ننعـد
والا الشعر .. حتى الحريّم ,، تقوووله

------------------------------------------------------------

20-10-2009, 10:21 PM

المشاركه #6

One Step

مشعل

تاريخ التسجيل: Apr 2009

المشاركات: 1,650

(22)

(-- 9/شياطين/)

نـا د يتهـم للشعـر تسعـة شياااطـيـن
وجـونـي يشيـلـون المعـانـي ثـلاثــه

القـافـيـه جـتـنـي يجـرونـهـا أثـنـيــن
نـوب(ن) هجينـه ونــوب(ن) حـداثـه

بقي اربعه تحـت الطلـب مستعـد يـن
يـجـون لا مـنـي طلـبـت الاغـــا ثـــه

ربع(ن) نشاما كل ابوهم على الدين
ارداهــم أثـــرم يعتـبـرهـا ونـــا ثـــه ^ـــــ^

متسلـطـيـن وبالقـصـايـد سـلاطـيــن
من غربي جويـف لشرقـي شثاثـه!!

ويا راكب(ن) من عندنـا وارد الفيـن
جيب(ن) يحرث القار الااسود حراثه

مــا كـنـه الا فــرت الـهـام شـاهـيـن
مـا يكتـرث لـلـدرب صـعـب أكتـراثـه

عليه من عصـم الشـوارب نشيطيـن
لــوط الـرجــل متورثـيـنـه وراثـــه !

الذيـب اخــو جـابـر وجـابـر ونـاويـن
نـبــي نـحـارب مـــن بــــدا بالـخـبـاثـه

ان كانهـا بالشعـر بالشـعـر عذفـيـن
ياللـيـد ابـــو تـغـريـد خـــل العـبـاثـه!

سكيـن انـا لا يحسـب انـي مسيكـيـن
يبـلـش مـعـاي لـحــد يـــوم ابتـعـاثـه

تـطــول والله لـيــن تـاصــل ثمـانـيـن
احسـب لهـا مـن الفيـن عـام وثلاثـه

--------------------------------------------------------------

(23)

لكزس لوحتها : ( ري ي 100 )

.
.
.
.
.

( بين العصر والمغرب ) على طريق الميه
... طاحت عيني .. على اللي طاحت عليّه عينه

يوم التفتّ بجنبي .. بالمرتبه الخلفيه ...!!
... والاّ .. الغزال الشارد .. مدري من اية طينه

شفت اللكزس باللكزس رقم اللوحه ري ي 100
.... قلت بقلبي ياقلبي : ( وينك والحلو وينه )

ضوٍ.. سطع واجهرني .. وقمت اتّقي بيديه
.... مدري بياض اللكزس .. مدري بياض يديـنه

اشرت له واشّر لي .. يعني فهم عليـه .. !!
...بس البخت ، والزحمه حالو مـابيني وبينه

قمت ازوي السوزوكي .. وامشي عليها ميه
..... لين البساتم طقن .. وانفقعت .. الماكينه

عيني عليهم راحو .. قبل اصفط الملويه
....واتلى العهد بعيونه ( مخرج وسط المدينه )

راحت ياموسى راحت .. ليتك شفت ( العجيه )
.... ماهي مثل شوفاتك سودا ، وعرجا ، ومتينه

صيده .. ولكن طارت .. مالله .. كتبها ليّه
... لو المناوي تنفع .. قلت : اتمنى حضــينه

( يانومةٍ بحضينه ).. تسوى الساحه الشعبيه
... جعل الساحه الشعبيه .. ياخييّ فدوة عينه

----------------------------------------------------------------

(24)

حامض حلو

ريق الغالي قمردين .. حامض حلو يحلولي
.... حامض حلو يحلولي .. ( طورتها ).. يحلالي
: : : :
( يام الدشداشه النيلي ) .. قولي معايه قولي :
.. ويلي علي اللي ولّى .. / .. من ليلنا والتالي
: : : :
حيل الصبر متهدهد .. .. والاولين اهدولي
.... ( عد رجالك وارد الما ) .. وانا وردت لحالي
: : : :
يوم التفتّ ادوّر منهو بهم ... من حولي ... ؟
... مال الهشل ( يا ... )..... ماشفت ، غير ظلالي
: : : :
ياناشدٍ عن حزني .. طولي .. ولا هو .. طولي
... ليته يموت بصدري ../ .. خايف يطول عيالي
: : : :
درب الأمل متصدع .. / .. حفيت عليه رجولي
.... واللي قبل يتبعني .. طال ../ .. وغدى يبرالي
: : : :
كل مابغيت حمولي .. تنقص .. / .. تزيد حمولي
.... وكل ماتميل الدنيا .. / .. لازم يميل .. عقالي
: : : :
أضحك واشيل عدولي .. قبل تطيح .. عدولي
... لو الزمان يعاند .. / .. عندي بعد .. من حالي
: : : :
وارجع على يحليله .. والا ّ .. على يحلولي .. !
... ( مندل يكريم الغربي ) .. / .. ماعيبت ، شمالي

------------------------------------------------------------------------

(25)

ما فيه داعي

قـالـوا .. قـصـيدك زيــن .. لـكـنك ابـخـيل
..... مـاقـد كـتـبت بـوصـف خـلـك قـصـيده؟
:
قـلـت : اسـمـعوني زيــن .. يـهـل الـتحاليل
... واخـــذوا الـعـلوم .. الـمـوجزات .. الأكـيـده
:
الــوصـف : مـــن أروع فـنـون الـتـماثيل
.... ومــاكـل شــاعـر .. فـالـحـقيقه .. يـجـيده
:
وانــا لــو أكـتـب .. يـعـلم الله .. بـهالليل
.... مــانــي مـخـلـي لـلـقـصايد .. شــريـده
:
والله .. لـجـيـب مـــن الـمـعـاني تـهـاويل
..... واكــشـف خـفـايـا الـمـفـردات الـعـنـيده
:
لاشـــك .. مـانـي زي بـعـض الـمـهابيل
.... عـمـر ( الـغـني مـابـااااح .. يـوم برصيده!)
:
مـاصـدتـها .. يــاكـود عـقـب الـبـهاذيل .
..... ولـــو عـلـم الـقـناص .. مـاحـااش صـيـده!!
:
مــانـي بـعـاجـز .. عــن أدق الـتـفاصيل ..
.... لــكـن .. وربـــي ذي عـلـيـكم .. بـعـيده
:
حـبـيـبتي .. أبــعـد عـلـيكم مــن سـهـيل
..... وعـنـدي أهـم مـــن الـقـصـيد وجــديـده!
:
نـزهـتها .. عــن قــول : فـي وصـفها قـيل
..... مــافـيـه داعـــي والـفـريـده .. فــريـده!!
:
يـكـفي أقــول : الـكـدش .. مـاتـلحق الـخيل
..... هـالـشطر .. يـغـني عــن كـتـابة .. قـصيده!

-----------------------------------------------------------------------

(26)

ابنـخـى الـحـرف يتـرجـل

يقـول المرتكـي : خلـك شمالـي .. والعـن الشيـطـان
تـركـد وامـسـك اعصـابـك وهــد ونـــوّخ جـنـوونـك

ويقـول المرتهـي بعـض السـوالـف يـاولـد نقـصـاان
تــــراك تـغـالــط الـعـالــم ... ولاظـنـيــت يـتـلـونــك

ومدام الناس ماتـدري وش اللـي مضايـق المشعـان
ابنـخـى الـلـي ليـامـنـي نخـيـتـه .. قـــال : لعـيـونـك

ابنـخـى الـحـرف يتـرجـل ويـربــط جـعـبـة القـيـفـان
يـهـز الـقــاع لامـنــه ضـربـهـا وصـــااح مـاخـونـك

انــا يـاحـرف مـاخـبـرك تـــروغ بـسـاحـة الـمـيـدان
ابـيـك تـزعـزع قـلــوب الـرجــال وتـظـهـر افـنـونـك

ابـيــك الـنـاهـر/ الـقـاهــر / ابــيــك تـطـهــر الادران
ابـيــك الـبـاهـر / الـظـاهـر/ لـخـلـق الله يشـوفـونـك

ابيـك الكافـي / الـوافـي / ابـيـك الضـافـي / الملـيـان
ابــي لاعــدو اهــل الشـعـر .. بـأولـهـم يـعـدووونـك

ابيـك تضحـك ( الباكـي ) وابيـك تبكـي ( الفرحـان )
ابـــي مـــن لايهـابـونـك .. يـعـرفـون .. ويهـابـونـك

ابـيـك اتعـلـم الـغـافـل / أو الـسـافـل / أو ايـــا كـــان
وابـيـك تحـشّـم وجـيـه الـرجــال ومـــن يحـبـوونـك

تفـنـن والـعـب بكيـفـك مــادام ان عـزوتــك ويـــلان
الــى مــن صــارت ( الهـيّـه ) يـفــزون و يـعـزونـك

اهــل حـكـم وسيادتـهـم مــن اول لاخـــر الازمـــااان
يحـق الـك الفـخـر فيـهـم وهــم للـمـوت مــن دونــك

يهيـه .. افهـم تـرى مـابـي علـيـك اضـحـك العـربـان
وربــــي لــــو دخــلــت بــــآل مـنـهــو مايـفـكـونـك

عمـت عينـك عـن الـدرب ودخلـت بساحتـي حفيـاان
تحـمـل عــاد مـاجـاك / ويجـيـك / وحـسّـب ديـونــك

تــرى الــي يـشـري بمـالـه لحـالـه علـتـه خـســران
وانـــا والله وراي الــلــي يبـيـعـونـك / ويـشـرونــك

ترى بالما ( تماسيح ) و تحت هاك الشجر ( ديبان )
نصـحـتـك تـفـهـم المـعـنـى صـحـيــح ولايـغـشـونـك

هنـا .. مـن لا نتهـى ممـا نهـوه اهـل الهـوى ينـهـان
هـنــا.. مـنـهـم يحشـمـونـك تـراهــم مايحـشـمـونـك

تـرى ماعادنـي خبـرك شمـالـي .. واسـفـه الغلـطـان
نسـيـت اطـبـاع جـدانـي وربـعـي .. بـــس لعـيـونـك

قسم باللـي خلـق سبـع الاراضـي وانـزل القـرآن …
لخـلـي كــل مـــن يـجـهـل عـقــب هـــذي يعـرفـونـك

---------------------------------------------------------------

(27)

--بـؤلـك .. ؟؟

إزاي .. يعـنـي !! كـيـف ؟ مــش فـاهــم ازاي ..؟؟
عاوزنـي ..؟ أئـلـك إيــه ؟؟ .. اسـمـع بـؤلـك .. ؟؟

:

ماهو ضروري .. مثلك .. يقول بي ... راي .... !!
لـنّـك .. ولا شكلـت .. لــي .. شــيـئ .. كـلـك .. !!

:

كلك .. على بعضك .. مثل .. حبـة .. التـاي .... !!
مـاشـوفـك اصـــلاً كــيــف ابــاشــوف ظــلــك...؟؟

:

والله .. كـبـيـره !! يحسـبـونـك مــــن اعــــداي. !!
أبــك أنـــت وش عـنــدك ؟؟ عـشــان أستـغـلـك !!

:

أنـــا عــــدوي .. لازم يــكــون .. شــــرواي ....!!
حــتــى .. عــــدوي .. لا تــظــن .. يـحـصـلــك ..!!

:

اسمع .. ياعين امـك .. تبـي تلحـق اقصـاي ... ؟؟
تبطـي عظـم .. خـلـك .. عـلـى جـنـب .. خـلـك ..!!

:

يامـدور الشهـره .. علـى أكـتـاف .. معـنـاي ....!!
اركـــد .. تـــرى يـابــوك .. مـحــدٍ .. فـطـنـلـك ..!!
:

عيـبٍ .. علـي .. .. يعاتبونـي .. اخويـاااااااي ... !!
والا .. وربـــي .. لـــو... بــذلــك .. / .. أذلــــك ؟؟
:
:

يكفـي .. أثـر .. كوعـي .. الياعفـت .. مركـاي ..!!
يــســواك .. مـابـيــن الـرجـاجـيــل .. كــلـــك ...!!

--------------------------------------------------------------

20-10-2009, 10:27 PM

المشاركه #7

One Step

مشعل

تاريخ التسجيل: Apr 2009

المشاركات: 1,650

(28)

-- قطـ ـ ـ ـاة الخـ ـ ـرابة!!
.
.
.

عندي وعندك خير .. بس عيـّني خير
مالي ...... بعــشـــك ...... ياقطاة الخرابة

ماجيت أجرب مخلبي بالعصافيـــر
للحــر .... من دون المخالب ....مهابه

لا تخدعك ياهيه ...... بعض التفاكير
ماكل غيمه .. / .. تحســــــبيها .. سحابة

عمر السلف .. مايتبعون المظـــــاهير ..!
وعمر الشتيـــمه ... / .. ماتسمــــى دعـــابه

وعمر ( الجليلة ) مااشغلت .. ( سالم الزير )
الزير يدري .. / .. بشــــــــي محد ٍ درابه

والله لو تدرين وش داخـل البير ......!!
ماكان حاولتي ........ بيــوم .. اقترابه ....!!

كان الثقافة .. طبلتين .. ومزامير ...!!
تفنني بالرقص ... / ... مافي رقـــابه ..!!

( والمبزرة ) كلمة .. لها ألف .. تفســـير ..!!
طهــــرت .. نفسي .. / .. من حديث الجنابة !!

مير .. اهجدي .. بس اهجدي .. عيني خير
مالي بعــــشك .... ياقطـ ـ ـ ـاة الخـ ـ ـرابة!
!
.

vbrep_register("82362")

--------------------------------------------------------------------------

29)

-- يا حليله!!

يحليله .. دن حجيله / دن حجيله .. يحليله
يحليله .. دن حجيله / مدري وشلون التالي
:
:
:

قبل البدو تقصدها … / … وطرت علي الليــله
ماعرف وش تاليها / لكنــها ... في باااالي
:
:
:

عارف هو اللي عارف / والا مطر بعديله
( يبو قظاظه بيضا ) ../ ...ماعيبت شمـــــالي

:
:

هالحزن ماهو دايم .../ ... لو جاب لي كل حــيله
ربك يبي يفرجها /.. لكن !! .. بونّس حاااالي
:
:
:

وازعج لهم بالحنده … / .. صكــولها يجـــهيله
مال الزمن ( ياحصه ) .. / .. مامال غير عقااالي
:
:
:

كيدِ لهم .. بغني / ياناقض الجـــديله
والله لعمّـر سـلّــم ./.وارقى ع الضـــلع العالي
:
:
:

وارجع على موالي ... دِنْ دِنْ .. دَنّ حجيــله
باكر تشيب عيوني/ وأقولها .. لعـــيالي

------------------------------------------------------------------------

(30)

لكل من يؤمن بعقيدة الولاء والبراء
.
.
.

شفت الحديد .. اللي برجلين صدام
تاجٍ على راس .. اليهود وعلامه
:
:

تفخر بها امريكا على مر الاعوام
شعارها القادم .. بدال الحمامه
:
:

لا والله الا طيحوا .. حظ ، الاسلام
ياعونة الله .. ساح دم ، الكرامه
:
:

" ياكبرها ياعبرها " صار الاجرام
من مكلبة بوش اليهودي شهامه .. ؟؟
:
:

اقدام ترفسهم ، وتدعسهم .. اقـدام
أمحق سلام .. ان كان هذا سلامه
:
:

ابن العرب .. يـِربط على حلقه خطام
والعاهره تاطاه .. عقب ، الزعامه
:
:

بكره بني صهيون .. تنتج بها افلام
وحنا نتفرج .. يلعن ام .. الرخامه
:
:

أصـ/ نام .. كلمه حولتنا إلى اْصنام
حتى اقتنعنا .. بفعل بوش ونظامه :
:

وصار الحديد .. اللي برجلين صدام
تاجٍ على راس .. اليهود وعلامه

----------------------------------------------------------------------

(31)

- ----سامح الله .. من هقابي
.
.
.

سامح الله .. من هقابي .. غير مابي .. وش عليه ..
....... حسن ظني فيه .. يجعـل سوء ظنه .. حسن نيـّه ..!!
:

مافهمتو.... !! ليه طيب ..!! مقصدي والله ً نزيه
.... أحسنو الظن بقصيدي .. تحسنون الظن فيــّه .. !!.
:

أدري ان الشعر ذنب .. وذنب شعري ( ) هاه .. إيه ..
.......... لا بغيت اعمل قضيه ..!! مستعد اعمل .. قضيه
:

فيك .. والا .. فيه .. والا فأي واحد ... مشتهيه ..!!
.... مفرد الجمع لشظــ ـ ـايا .. يابعد خشمي .. شظيـه
:

يتضح وجه التشابه .. لا انفضح وجه الشبيه ..!!
... لا تقول الشمع نار ..!! وتدري ان .. النار حيــه !!
:

يسألوني .. كل ماكتب .. هاه .. بالله .. منهي فيه ...؟؟
.... من كثر مااضحك .. كرهت الضحك من شر البليه !!
:

كرهونا الشعر كله ... ( عوع ) كله .. مانبــيه .... !!
.... ماوراه الا المغثه .. وصلخ حكـْـي .. بها الفضـيه
:

ماعلي من السلنتح .. والسقيطه .. والسفيــه .....!!
.... بس اخاف من الفهيم الياتهمني .. بالرديـّـه ..!!
:

كرم الله .. من هقابي .. غيرمابي .. وش عليه ؟؟
.... كيف انا بشره .. على اللي .. شرهته ماهي عليه ؟؟

---------------------------------------------------------------------

(32)

مضيمضاح

قاف / صاد / وياء / دال / .. ( بس ) .. / ميم / وقاف / سين /
.............................. يكــتبون ( الشعـر ) مدري .. يلعبون ( مضــيمضاح )

( نصف ) .. ( شاي ) .. ونصف ( هاي ) ونصف ( طـــين )
.............................. ( شــايـ ـ ـطين ، مهــايــ طين ) وماخذينا بالصيااااااح

مبدعين ..؟ .. ( أوكيه ) .. طيب ..!! .. بس ماهم فاهميـن ..؟؟
.............................. يفرضون الشعـر ( شرع ) . ويزعمون .. الانفتااااااح

والله اني .. ووالله اني .. !! .. والمهــبّّــل .. معــجبيـــــن !!
............................ كن اخينا ( الزير ) سالم يوم عــوّّد ... للمرااااااااح ..!!

ولا اخينا اللي يتفلسف ... ( حُـبُّـُـهَـا كالإســبريــن ) ..!!
........................... وان سألته .. قال / مسمع غير ( فيروز ) الصبااااااااااح

يالله الخيره .. عساها .. ماتعــــدّّى ... ( بابا ... فين )
...................... أو عساها .. ماتعــدّى ... مضيمضاح ... مضيمضاح .....

// خلف المشعان///
ملحوظه/

( مضيمضاح او عضيمضاح : لعبه شعبيه قديمه للبدو *ـــــــ^ )

------------------------------------------------------------------------

(33)

أعجاب

يا بو يزيـد السالفـه ماهـي اعجـاب
مـا فـي قصيـده قلتهـا مـا اعجبتـهـا
:
دقت علـى قلبـي وشـرع لهـا البـاب
الـجـادل الـلـي هــه طـــول رقبـتـهـا ^ــ^
:
جتني تطشطش ديمها في شهـر أب
مـن زينـهـا حـتـى الفـصـول قلبتـهـا
:
ريميـة(ن) لـو رحبـت للصـغـر ذاب
يــا خــوك والله يــا حـلـو مرحبتـهـا
:
جتنـي بليـا سـابـق انــذار واسـبـاب
تـقـول شـرطـان القـصـيـد اذهبـتـهـا
:
وقمت اتثيقل وقالت اشجاب ل جاب
وهنـا ضحـكـت وضحكـتـي خربتـهـا ^ــ^
:
قالت انا ؟ وقلت وانا ؟ قالت احباب
قلـت ايـه وجنـون الـغـرام اركبتـهـا
:
واستدركـت قالـت اذا كنـت لـعـاااب *ـــــــ^
قلت اسحبيهـا واستحـت واسحبتهـا
:
قالت معايه كلمة(ن) مالها اعـراب
قـلــت اكتـبـهـا بـالـهـوى واكتبـتـهـا
:
كلمـه ولكـن عـن تسعمـايـه كـتـاب
ما لومها يـا خـوك لـو مـا اعربتهـا
:
السالـفـه متـعـديـه حـــد الاعـجــاب
واكبر دليـل ان صورتـي فـي كبتهـا
.
.

------------------------------------------------------------------------------

(34)

باللهجه العراقيه
.
.
.

أغني ليه ؟؟ وشبيـّه ؟؟ عجيبه ! شلون ماتدري
...................... وانا الـ وياك من زُغري عشقت اللـــــــــوه واللـــوّه

ولك تِدري بعد حتى بهذاك الـ دّاير بصــــدري

...................... وتَعُرف ان القَلُب بيّه عــــلى نيـــــران يتشـــوه

أنا الـ علّيت من قـَدرك . ولابيّن إلك قــــدري

....................... عجب ! مابان بعيونك . فعـل معــــــروف ومروّه

ندهت إهنا ! تعال اسمع . ترد تقولّي بدررري

.................... عجل إيمت ؟ نفذ صبري .. ولك ، ماظـــــل بي قوه

يَعيني لوين ماتدري وهاي النار من حــــدري

..................... شف الشمع الـ حرق حاله لجــل ينطـــيك من ضوّه

تعال ادري . وقول أدري . وخل الـ مادرى يدري

..................... يَروحي ليش أغنيــلك ؟؟ وانا مـــرتاح من جوه

-------------------------------------------------------------------------

(35)

{ مع الخيل .. ياشــقرا ..!! }
.
.
.

يعني .. كذا آخر .. ماحتوى دفـتر حـمود ؟؟

…………….....……... لا والله الا باعــتبرها .. البــدايـة

لا .. ماحكمني مارد الشعــر .. بحــدود

…………............ ( مبطي ) وانا اللي فيــه حاكم ولايــة

عندي .. من المعنى مسابيح .. وعــقـود

………….......... ما صوغهن ( ياكود ) ( يبحث .. خـفايـه )

واليوم .. شفت الناس ، طارد ومـطــرود

…………....…….. كلٍ يقول : الشعــر .. عندي هــوايـه

تقرا قصيد ( الورع ) يشكي تقل ( عــود )

……………… والعود .. يشكي .. حب .. راعي .. العبايـه

تقرا الفخـــر وأهل الفخر أصلها زيــود

…………....... وتقرا الحــداثه : أممممممممممممم ؟

تقرا .. وتقرا .. بس ماتطـلع ( بفــود )

……….....…..... [ بث ] وكلام ٍ [ غث ] من دون غــايه

خيال والتفكـير [ ساذج ] ومحــدود

…………..... صعب .. يتجاوز .. حجـم [ سطل النفاية ]

دور الصـحافة .. صار يسعابها ( الدود )

………....…….. عفوا .. إذا اني قلت : دور الـرعــايـه

كذا .. أشوف .. وماورى الهـرج مقصود

……………. ( كود ) ان بعض الشــعر سبب [غـثايه ]

وماكنت أحسبك .. تكتبه يوم ياحـمـود

………...…… لين اطلعوا .. شعــار / كل / قصــرايـة

20-10-2009, 10:27 PM

المشاركه #8

One Step

مشعل

تاريخ التسجيل: Apr 2009

المشاركات: 1,650

-----------------------------------------------------------------------------------

(36)

--عساااك ساااالم!!

عساك سالم .. بس ...! ../... هذي قديمه
...عندي لكم .. وحده جديده ......./...... بدلها
:
(( مره من المرات ))... ( جمله ) ../.. عقيمه
....تبي تخلّف .. مير ....../...... ضايع أملها
:
شافت سؤال ٍ .. معطياته.../.... عظيمه
.....واستبشرت به خير ...../..... واصبح فحلها
:
وصارت بحبه عاشقه ..../... مستهيمه
..... ومن حبها له .. صار ..../... واضح خللها
:
قامت تشوف الدائرة .../...... مستقيمه
....تاهت ... معانيها ..../.... وزادت عللهـا
:
عاشت معاه ... أحلى ..../.. الليالي الحميمه
...تنشق .. حروفه ..../.... واتّخايل .. بطلها
:
تحلم تسوي ..( للاجابة ) ...../.... تميمه
.....واتفصل .. ابيات .. القصيد ../.. لبعلها
:
لكن . خساره !! .../....رغم ذيك العزيمه !!
.... حتى .. مع التلقيح ..../.... بين فشلها
:
حرف (( ابتدتـ به )) ../.. ( علةٍ ) مستديمه!!
... وحرف (( انتهتـ به )) ../.. ( حرف شرط ) وقتلها
:
ومع ذا .. بقت .. رغم ... التخاذل .../... سليمه
.... مابينت للناس ..../.... قسوة مللها
:
قالت : ولو كل العواقب .../.... وخيمه :..
... مال البلاوي ... يازمن غير ..../.....اهلها

---------------------------------------------------------------------------------

(37)

--جحا !

تبغى الصحيح أعلمك .. ؟ والا ولد ( عم الصحيح ) .......؟
اسمع ولد عمه .. قبل تكبر براسك ... / سالفه ..!!

:
:

فلنفترض شعرك حلو ولنفترض شعري .. قبيح .. ؟؟
قلي ورى متـْصفحي .. فيه القلوب .. موالفه .. ؟؟

:
:

يعني مهبل كلهم ، اركد بس اركد واستريــح ... !!
بضعتك ياسيد ( جحا ) .. بالسوق .. بضعه تالفه !
:
:

مانختلف .. مو مشكله .. أنا على خبرك بجيــــح ........!!
وانت الخلايق كــلها .. على شلـيلك .. حـالفه ... !!

:
:

من كثر ما تمدح خلف .. صرت اعتبر سبك مديح ..........!!
متوالفاتٍٍ.. روسنا ... / ... وقلوبنا .. متخالفه .... .!!
:
:

تبغى الصحيح أعلمك .. ؟ اسمع .. وربي ( مااااتميح )
فكربها .. واسأل .. قبل .. تكـــبر براسـك ... سالفه

----------------------------------------------------------------------

--------------------------------------------------------------------------------------

(38)
-ليست رثاءً في الفقيد ... .. فالحزن أكبر من أن يعبر عنه الشعر
إنما هو اعتراض على مانشيت صحفي للأسف كان
7
7
7
مقتل طلال الرشيد و .. الفنانه ذكرى "
:
:
كل مقال .. له مقام ../ .. وكل مقامٍ .. له مقال
والمقال اللي قريته .. شيئ ماهو .. منطــقي
:
كنت باسوأ حال.. لكن ..!! صرت أكثر سوء حال
من قريت العلم الاقشر .. مات حبري .. بورقي
:
من نثر دمع الطنايا .. من حرق .. دم الخــوال
عبرة الحزن المؤكد .. لو سمحتي .. انطقــي
:

موت ذكرى .. ياآوادم .. مايقارن مع .. طلال
وش يجيب .. الدمبكيه .. جنب .. رجالٍ تقي

:
وش يجيب اردى العذارى لا طلق وجيه الرجال
بعدها مليون يطلع .. مير بعده .. وش بقي
:

موتها واستغفر الله عن بعض كلمه .. حلال
الحرام يموت فارس .. موت .. ماهو .. منطـقي

-------------------------------------------------------------------------------

(39)

(-3 /1/2002)

.

واحد ـ ثلاثه ـ أربعه ـ خمسه ـ اثنين ...... غلط ـ غلط ـ تعال رتب معايه
اثنين ـ واحد ـ اربعه ـ خمسه ـ الفين ...... بعد غلط ارجع معي من البدايه
طيب ثلاثه / واحد / 2002 ................. أيوه كذا توك عرفت الحكايه
قلت الحكايه ايش ؟؟ قال انت مسكين ...... مالك على بعض السوالف درايه
قلت : اتغلط ؟ قال: العفو ! قلت أجل مين قال : احلف انك ماتسولف ورايه
قلت : انت ناوي شين ؟ أو ناوي ( ن ) زين ؟؟ قال: الله اللي عالمٍ في خفايه
قلت : أنت عندك سر عقل المجانين ......... الله يستر منك قال : انت تايه
تذكر هذاك اللي بنى السور بالصين ؟؟ مثله تراي ابني القصايد بنايه
قلت : انت شاعر ؟ قال : من عشرة سنين ....... قلت : اثبت اللي قلت أو هات آآيه
قال : اسمع ـ اسمع : عين ياليل ياعين ....... يبو عبايه أووووووف يبو عبايه
يبو عبايه ليه ؟ ظنك بنا شين يبو عبايه ليه تكسب خطايه
وصفقتله ....
يوم أنتهى قلت بيتين ........................... تسوالها ديوان واطول روايه

---------------------------------------------------------------------------------

20-10-2009, 10:31 PM

المشاركه #9

One Step

مشعل

تاريخ التسجيل: Apr 2009

المشاركات: 1,650

بعض قصائده في اليوتيوب ( مختاره )

قصيدة نور الدين

قصيدة المشعان رد على بن فطيس

قصيدة خلف المشعان رحت زرته في منامه

خلف مشعان ( شيله )

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

04:03 PM

قصائد الهوامير

المشعان

خلف

سطور

اقرا ايضا

أنا مسروق

سولفوا لو ما بغيتوا اتسولفون ..!؟