انا شاب متزوج منذو عام كامل
وفي هذا العام كنت كثيراً ما اجلس مع ام زوجتي عند زيارتهم وندردش من باب اني اتقرب اكثر منها ( ودرئن للمفاسد) وهي ام زوجتي طيبة القلب وهي شبابيه.
لدرجة انه زوجتي والله مرات تغار من امها
بس المشكله :
كثير من اصدقائي الشباب قالو احسن لك ما تقعد معها ما ينفع لانه الام دايم مع بنتها مهما سويت .
واللي يقولي احسن لك نزل زوجتك عند اهلها وروح ولم تخلص ارجع خذها وبس .
وش الافضل يا اخوان واخوات ؟؟
وش تنصحوني فيه ؟
اتمنى تتفاعلون
أم الزوجة والدتك أيضا وجدة عيالك وتصرف على طبيعتك واحسن النية ولا يهمك كلام فلان وعلان ..
الأهم زوجتك تكون واعية بدورها كزوجة وأم وما توصل مشاكلكم لأي كان ..
زوجت إبنتي وأول شرط شرطته عليها وعلى زوجها ..( ما أبي أسمع أو أعرف عن أي مشكلة تدور أو تحصل بينكم .. أنا آخر وحدة تعلموني بها .. حلوا مشاكلكم بأنفسكم )..
همسة (( لا تكن لينا فتعصر ولا قاسيا فتكسر )):5: :5:
احترامك وتقديرك لإم زوجتك هو في النهاية تقدير واحترام لزوجتك .
ومثل ما قالت الاخت روح البداوة عامل ام زوجتك مثل ماتحب ان تعامل زوجتك امك .
وخذها نصيحه اترك كلام المجالس والاستراحات تراه كلام للاستهلاك فقط كلام سعه على مايقولون . ومضاره اكثر من فوائده هذا اذا كان في الاصل له فائدة .
اقول اذا انت جاد وهذا الامر فعلا
ففيه رجال حسبه ورجال راي تقدر تستشيرهم بعيدا عن النت
والتعليقات التي قد ترشدك الى امور اخرى ...
وتبقى ام الزوجه هي الام يجب احترامها مهما كانت الامور
والاول والاخير النيه الحسنه. يمكن نواياها حسنه
اي فروق؟؟ اذا بنحسب حساب الفروق وبعيد عن كلام المسلسلات..:5:
راح تطلع الفروق بصالح ام الزوجه؟؟:11:
شوف اخوي انتم حاطين بروسكم شي واحد وهذا من اثر المسلسلات..:12:
ام الزوجه اهم ماعندها التنكيد على زوج بنتها وتتحكم وووو؟؟
لكن الواقع غير جذيه بكثيررررررررررر:13:
ورب البيت اعرف امهات هي تصرف على بنتها من شان مايخرب بيت بنتها؟؟
ورب البيت اعرف ام ازواج تحاول كل يوم تطلع الف مشكله من شان تنكد على زوجة ولدها؟؟وتخرب بيت ولدها
ياروحى :5: اختصار الموضوع ان مايكون طرف ثالث بين زوجين سواء صرفت او ماصرفت سواء وجودهم خير او شر لذا التعامل الامثل فى كلا الحالتين الصمت وتوزيع ابتسامات مجانيه (_
لانى لو اضرب مثال كان قلت انا اول واحد عانى من تتدخل ام وسبب انفصال سواء تتدخل سلبي او بترف والبنت تتدين امها بتدمير حياتها والاهم هو الانطباع التى استمرت عليه البنت او اي فتاه اخرى واللذى لايعين على المستقبل ويسبب انفصال ثانى وثالث وراع ,,
بس بالنسبه لى سوف اكون على توخى وصمت لا اكثر ولا اقل فى التعامل :11:
أخي انا من الناس الذي يرفض فكرة طرح مشكله خاصه في النت
هذا رأئي وأحترم رأيك وغيرك وأعتقد انك ربما تنوعة الحلول لديك
فضع لنفسك طريق تحدده.........
ربي يوفقك ويسعدك لك كل الود
هذاء بلا ابوك ياعقاب(_ ...وزبدة الهرج..الطرف الثالث.. لكن شنو تقول في المجتمع..الطرف الثالث شي اساسي..وزين مايجيب وياه رابع وخامس.:12: .
انت تقول كلامك عن تجربه وانا اقول كلامي عن تجربه والدنيا تجاااااااااارب:13: وشكلنا خربنا ام الموضوع بتاع الرجال..وبيرد يبوس راس حماته ويقول لاعاده الله من موضوع:5:
اقرأو عن الصمت والله حكمه وحل لهذا اقترحته عليه لانا مانعرف وضعهم الخاص ,,,
الدنيا تجاااارب ولا حنا التجارب ؟ وسعى خاطرك اللهم لك الحمد يارب :5: