فـوق كبري المعــارض جـيـت والليل بادي
ودي أجلـس معـــاكم .. بين خلفـه وخيمـه
يــوم زادت هـمـومي ومــا تحقـق مــرادي
وانشـغـلت وشكى قـلبي .. حـبيبي وضيمه
ودي أنسى واسولف وارفع الصوت شادي
عــن حـبيبي وخلي .. والحــيـاه الســقيمه
واحكي قـصــــة حــياتي بكل ديــره ووادي
عــن ســنين اشـغلتني .. بالقهـر والظليمه
يا حـبيبي صــبرت وطـــــال منك البعــادي
بعــدك الـــيوم عني .. بعــد حـبي جــريمه
ارحــم القلب واســمع صـــوت قلبي ينادي
حـبك في وسـط قلبي .. له معــزه وقيمــه
مـا نســـيت اللــيالي والســـنين الشــدادي
يــوم انــا بين نــار .. الحــب وإلا نعيمــه
تهــت في بحــر حبك واغرقـوني الأعادي
والحــياه أصبحت .. بعــد المحـبه حطيمه
عشـت الأيـام اعـاني وعافت النفس زادي
والحـزن يخـنق القـلب .. ودمـوعي يتيمه
جيت واللـيل يســري مثل عــدو الجــيادي
وليتني مــن همــوم الـوقت نفسي سـليمه