أصحاب مكاتب العقار ....شوفوا وش صار عليهم مساكين...

26-12-2009, 09:59 PM

المشاركه #1

عضو هوامير المؤسس

تاريخ التسجيل: May 2005

المشاركات: 893

أصحاب مكاتب العقار ....شوفوا وش صار عليهم مساكين...

هذا حال أصحاب مكاتب العقار هالأيام مساكين ؟؟

أمس مريت في أحد الشوارع وفيه عدة مكاتب كلهم مكتفين إيدينهم كنهم أول إبتدائي

واحد منهم حفظ الجريدة لو تقول له سمعها سمعها لك بدأ يقرأها بالريوس...

والثاني مسح كل الرسائل الورادة والصادرة والمحفوظات والمسودات والمحمرات....تسحلت أزارير الجوال من كثر ما يضغط فيها ؟؟

والثالث يعد السيارات إللي تمر يتخيلها ( سعيات ) جمع سعي

والرابع دخل عليه واحد وفز له صااااااااااااار ( طرار ) رجل فقير يبي مساعدة مالية ..

والخامس فاتح مخطط وجايب وردة ويقطع أوراقها : يرتفع ينحفض يرتفع ينخفض...يرتفع ينخفض

والسادس الله يجيبه والسادس الله يجيبه ...

والسابع ينتف في الشنب من العصر لين العشاء....ماجت الساعة عشر إلا هو صار ليبرالي المظهر

والثامن يلعب في السبحة ياما جابها يمين ياما جابها يسار.. ومرة يدور فيها .. ومرة يرميها فوووووق ويمسك ومرة يوقفها ...كنها ( ثعبان ) يدق هندي بالبوق.....آخر شيء انقطعت من العصبية ...هذي آخرت سبحات الهزازي...

والتاسع جالس قايم جالس قايم...كنه مدرس يلعب طلاب ( قيام وقوف قيام وقوف )

والعاشر قاعد يرسل رسايل عشان الشهر المجاني...لاصدقائه لكن المشكلة كل أصدقاءه محولين موبايلي ولا علموه....مسكين....على باله بيخسر شركة الاتصالات..

والحادي عشر واقف عند الباب مايدري وش يسوي ياما راح للحلاق إللي جنبه....ياما راح للبقالة إللى على يساره....ويسولف مع الهندي....كم أنت يعطي كفيل ..والحلاق كم تعطون الكفيل ..في الشهر......

والثاني عشر عنده.....اثنين واحد ولد اخته.....والثاني ملقوف...مايعرفه...

والثالث عشر ....ماسك التلفون الثابت يعني إني أكلم....جالس يتصل على الساعة :

عند الإشارة تكون الساعة.....قفل محلك...أصرف لك ...ورح مر البقالة وجب لك خبر صومالي بريالين ...وزبادي ولبن....وبيض حق الصبح للعيال ...

عاد الرابع عشر....مسوي فيها :لويس الرابع عشر...كنبات فخمة ومكتب فخم....وجهاز كمبيوتر...وتعتيق وستاير.....وآخرتها ما سدد الإيجار ..

مساكين أصحاب العقار أكثر الناس ودهم ينزل العقار عشان يتشتغلون...ما عاد يدخل عليهم أحد....

مسكين الواحد حتى الذبان الأزرق ماعاد يدخل عليهم...

عشان يهشونه على الأقل يحصلون شيء يسوونه....

الله يرزقهم ويرزقنا....

منفول

الموضوع الأصلي : اضغط هنا || المصدر :
الاسهم السعودية

26-12-2009, 10:06 PM

المشاركه #2

عـمـاد الحربي

عضو هوامير المميز

تاريخ التسجيل: Sep 2009

المشاركات: 784

اقتباس:

المشاركة الأصلية كتبت بواسطة ابو جوري

عني انا استاذنا كان يلعبنا قيام جلوس قيام جلوس
اما قيام وقوف مامرت علي ابدا
فيبد ولي انه ذنبك على مكاتب العقار الله يرزقك انت واياهم

26-12-2009, 10:16 PM

المشاركه #3

ياورد من يشتريك

عضو هوامير المميز

تاريخ التسجيل: Sep 2006

المشاركات: 5,147

مساكين انا ونت
اغلب اصحاب العقار موظفين والراتب مستلمه اخرالشهر وجلوسه بمكتب العقار زود عافيه
واهم شي عنده السعي والباقي بجهنم ويسويلك من البحر طحين اذا حس انك تبي نستاجر ولا تشتري عقار ولا تبيع نصابين طماعين
الا من رحم ربي

26-12-2009, 10:19 PM

المشاركه #4

المعتز 20

عضو هوامير المؤسس

تاريخ التسجيل: Dec 2005

المشاركات: 2,448

صدقني إنهم شغالين أحسن من كل اللي بسوق الفقر
ما عليك من كل اللي يقال
الناس لهم كم سنه يتوقعون نزول العقار وكل يوم بزياده

26-12-2009, 10:25 PM

المشاركه #5

ابو ساراا

عضو هوامير المميز

تاريخ التسجيل: Jan 2006

المشاركات: 5,451

اقتباس:

المشاركة الأصلية كتبت بواسطة ياورد من يشتريك

هذه تكفيييييييييي

26-12-2009, 10:26 PM

المشاركه #6

saadjabbar

عضو ذهبي

تاريخ التسجيل: Jul 2005

المشاركات: 12,998

الله يرزقهم ويهديهم وجميع المسلمين ولا يجوز ان نتشمت فيهم مع العلم انني اعلم يقينا انهم بخير واحسن مننا بكثير لانه لا يرمي امواله في اقوااااه المقامرين

26-12-2009, 10:27 PM

المشاركه #7

ابوصمعا

عضو هوامير المؤسس

تاريخ التسجيل: Nov 2005

المشاركات: 276

اقتباس:

المشاركة الأصلية كتبت بواسطة المعتز 20

لاتسمعون هذا الكلام تراه ماضيعنا الا الاستماع له الاراضي ام30.000تركناها واليوم والله 250.000

كلام كله فاضي لن ينزل العقار لكن ممكن فعلا يخف عليه الاقبال ولكن صدقوني لايبيعون بخساره اهل العقار ابداا لانه ولد بار ويمرض ولايموت

26-12-2009, 10:28 PM

المشاركه #8

ابولندا

عضو هوامير المؤسس

تاريخ التسجيل: Aug 2005

المشاركات: 7,235

العقار في نزووووووووووول

بالفعل خاصة في مدينة جدة

بعد كوارث السيول وبحيرة المسك المعفنة

26-12-2009, 10:31 PM

المشاركه #9

السهم الراقي

عضو هوامير المؤسس

تاريخ التسجيل: Sep 2005

المشاركات: 6,140

اصلا بالعقل

العقار اغلبه تدوير فقط

.............................................

لان اغلب الشعب ((شباب)) مو لاقي وظايف واللي يلقى بخمسه ولا سته الاف بالله وش بيشتري فيها

؟؟؟

المشكله معروفه العقار((خصوصا الاراضي )) ماسكينه ناس وتدوره بينها

وسلامتكم

26-12-2009, 10:34 PM

المشاركه #10

Dr_Faisal

عضو هوامير المؤسس

تاريخ التسجيل: Jun 2005

المشاركات: 490

لاتخاف عليهم
بيعه وحده في السنه تعوضه السنه كلها

26-12-2009, 10:37 PM

المشاركه #11

abuazizy

عضو هوامير المميز

تاريخ التسجيل: Dec 2007

المشاركات: 2,813

المشكلة ان شركة الكهرب اقرضت جميع موظفيها اقلهم 600 الف والي مليون وخمسمية الف انا لي صديق مدير قسم اعطوه مليون وميه الف ريال لكي يشتري بيت بس هل سبب تماسك العقار شركة الكهرب الله اعلم

26-12-2009, 10:39 PM

المشاركه #12

مضارب حقيقي

عضو هوامير المميز

تاريخ التسجيل: Feb 2009

المشاركات: 797

والله انك صادق ههههههههههههه حلوه مادفع الاجار

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

11:24 PM

أصحاب مكاتب العقار ....شوفوا وش صار عليهم مساكين...

الاسهم السعودية

مساكين

أصحاب

مكاتب

العقار

شوفوا

صار

عليهم

اقرا ايضا

عطوني رايكم ابيع هذا السهم او اصبر عليه

هذا السهم للمتابعه ابتداء من السبت لمده عشرة ايام