فكرة رايقة يا أحمد ...
وياليت زي ماقلت إن كل مشاركة تحمل فائدة لو بسيطه ..
سواء من الماضي أو الحاضر .. أو للمستقبل ..
أنا بقول حكمة بسيطة سمعتها من شايب كبير وطاعن بالسن ..
مرة من المرات رحت أنا والوالدة نزور ناس أول مرة أروح لهم
وبعد ما قمنا بواجب الزيارة .. قمنا نبي نستأذن قامت الوالدة
وبدأت تتعذر من الشايب على تقصيرها بزيارتهم ( رغم إنها
دايماً تزورهم .. لكن من باب الإحترام قالت هذا ) ..
تدرون وش قال لها الشايب ..؟؟..
قال حكمة ما سمعتها من أحد ..
قال : يابنيتي .. الحرمه ما تنلام إلا إذا قصرت في بيتها ..
أما إذا قصرت بزيارة أقاربها فهي ما تنلام .. لأن قبل زواجها
البنت مربوطة بأمر أبوها .. وبعد الزواج مربوطه بأمر زوجها
وبكل الحالتين أمرها مو بيدها ..
فهمتوها ..؟؟..