قديم 03-04-2010, 04:07 AM
  المشاركه #1

عطر الملتقى

تاريخ التسجيل: Dec 2009
المشاركات: 4,009
اميرة السوق غير متواجد حالياً  

قصيدة شاب فقير خطب بنت عمه !!!!

شاب فقير خطب بنت عمه المليونير



وزود عمه طلباته عليه فقال القصيده:





سبحان من يرزق بتوع الملاييـن---------------



------------------الرازق اللي ما يخيب الرجـابـه



لي عم عنده معـرضٍ للصواليـن---------------



-------------------أموت واعرف بس من وين جابـه



وإذا سألته قـال بعـت الدكاكيـن---------------



------------------ما يدري إني ما هضمت الإجابـه



الشاهد إني رحت له قبـل يوميـن---------------



---------------------في قصره العامـر ودقيـت بابـه



قال ارحب ارحب عدّ ورد البساتين---------------



---------------------يا مرحبا باللـي لفـا يـاهلابـه



قلت البقا عـدّ النفـل والرياحيـن---------------



-----------------يا شيخ شمل اهل الكرم والذرابـه



قال اسلم الله يحفظك لي من العين---------------



-----------------وآمر أوامر حضرتـك مستجابـه



قلت الصراحة طالبٍ قرب غاليـن---------------



-------------------ودي تزوجنـي كريمتـك يـابـه



ثنّى وقال اهليـن والله وسهليـن---------------



----------------والكون ترخص لجل عينك رقابـه



لكن ترى عندي شـروط وقوانيـن---------------



----------------قلت اشرط اشرط يا حبيب الغلابـه



قال أولاً مهر العروسـة ثمانيـن---------------



---------------غير الرسوم وغير حق العصابه



والثانية عمك يبي منـك سبعيـن---------------



-----------------رسم الأبـوّة والنسـب والقرابـه



وام العروسة حقها منـك ستيـن---------------



-----------------عشانها ست الحسـن والمهابـه



واخوانها كلن يبي منـك خمسيـن---------------



------------------عداً ونقـداً تنـدرج فـي حسابـه



وخواتها الخمس اعطهن من ثلاثين---------------



-----------------عشان تتوثـق عـروق النسابـه



وتجيب طقم عيار واحد وعشريـن---------------



---------------وخاتم من الماس المصفى ترابـه



واكياس متروسة كعوب وفساتيـن---------------



-----------------ألوانهـا واشكالهـا مـاتشابـه



وموتر بسواقـه وفيـلا بدوريـن---------------



------------------أثاثهـا مـن بطرتـه ينحكـابـه



واحجز لنا قاعة بقصر السلاطيـن---------------



------------------وعزم أميـر المنطقـة بالنيابـه



هذي الشروط اللي على بالي الحين-------------



---------------وذكرني اللي ما حسبنـاحسابـه



قلت اذكر الله يا عـدو المساكيـن---------------



------------------واستغفـره لا يبتلـيـك بعـذابـه



الظاهر إنك منت عارف أنا ميـن---------------



----------------أنا لو ارقا فـوق متـن السحابـه



ماجبت حتى نص درزن مواعيـن---------------



--------------واضحك بكيفك واعتبرهـادعابـه



شروطكم هذي شـروط المجانيـن---------------



---------------شروطكم شغـل ابتـزازونهابـه



شروطكم تقصم ظهـور البعاريـن---------------



-----------------شروطكـم همّـن وغـم وكآبـه



شروطكم والله سيوف وسكاكيـن---------------



--------------تذبح بنات المجتمع مـع شبابـه



وين الرضا والعطف واليسر واللين---------------



----------------اللي ذكرهـا الله بمحكـم كتابـه



وين الصفات اللي أمرنا بها الديـن---------------



------------وين اختفى نهج النبي والصحابـه



ياعم جعل اللي خلقنا من الطيـن---------------



----------------يرد عقلك مـن خطـاه لصوابـه



ويجعل نصيبي عند غيرك قل آمين---------------



------------ويحسن عزا الصابر ويجزل ثوابه



قال انت لو فكرت تفكير صاحيـن---------------



-------------ما شفت في مجمل شروطي غرابه



حنا بعصـر العولمـة والمزاييـن---------------



------------ماهوب عصر الفلسفةوالخطابـه



الناس تسعى للرتـب والنياشيـن---------------



---------------وانت اهتمامك بالشعـروالكتابـه



والشعر ما ينفعك لو هو دواويـن---------------



----------------ما دام جيبك مثـل بيـت الخرابـه



يابوك لا تسمع كلام المصاخيـن---------------



------------واسأل مجرب عاش في وسط غابه



قلت الله اكبر يا محـرر فلسطيـن---------------



--------------من يسمعك يحسبك ذيـب الذيابـه



تراك شايب راس مالـك رياليـن---------------



-------------والبنت ما تسوى جنـاح الذبابـه



قال انقلع مالت على وجهك الشين---------------



----------------لا عاد اشوفـك عندنـايالزلابـه



قلت ابشر ابشر لكن الباب من وين---------------



-------------واقفيت من عنده على صوت بابـه



نسخ ولصق وعجبني ونقلته لكم

الموضوع الأصلي : اضغط هنا    ||   المصدر : منتدى هوامير البورصة السعودية


 
 

قديم 03-04-2010, 04:08 AM
  المشاركه #2

عضو موقوف

تاريخ التسجيل: Feb 2010
المشاركات: 10,656
saroo غير متواجد حالياً  

مشاركة: قصيدة شاب فقير خطب بنت عمه !!!!

الله يعطيك العاااافية يا غاااالي,,,,




قديم 03-04-2010, 04:13 AM
  المشاركه #3

كاتب قدير

تاريخ التسجيل: May 2005
المشاركات: 23,668
الغالي غير متواجد حالياً  

مشاركة: قصيدة شاب فقير خطب بنت عمه !!!!

يمنع طرح المواضيع العامة خلال أيام التداول

أرجو الإلتزام بذلك




موضوع مغلق



مواقع النشر (المفضلة)

الكلمات الدلالية (Tags)
بنت, خطب, شاب, عمه, فقير, قصيدة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



03:29 AM