أستغفر الله
توبة ما عاد أعيدها
بغيت أمزح معاك أشوف وش ترد وقلت شوي وأرجع
ويضيع مني الموضوع وما دليت بيتك الا بصعوبة
هههههههههه
المهم السموحة ما نبغي الا دعوة صادقة في ظهر الغيب
عندي وصفة جميلة ورائعة وسهلة
أول شي روح العطار
شمر
لبان دكر أو ذكر
لوز غير مقشور عادي
هذي اشياء عادية ويمكن تلاقيها في مطبخ بيتكم تستعمل دائما ماهي أعشاب غريبة
المهم مقادير متساوية مثلا ملعقة من كل نوع وفي مطحنة القهوة
أنا مخصص مطحنة صغيرة لأن اللبان تمسك ريحته في الماكينة
لا تطحنه ناعم مرة أقرب للنعومة
كل كاستين ماء مغلي عليهم 2 ملعقة من الخليط وفورها كأنها قهوة
وبعد 10 دقايق أو أقل طفي النار
اشرب منها في فنجال القهوة بالعافية واذا ضايقتك المرارة يعني الطعم شوي مر لحقه بالتمر
أنا مجرب الوصفة رهيبة عندي ربو وبحمد الله من سنين ما عاد احتجت للأكسجين
وخف استخدامي للبخاخ بنسبة 90 %
والآن مع المداومة ما تجيني الكتمة الا في فصل الخريف وموب مثل اول
هذي الوصفة بعد مفيدة للي عندهم كحة مزمنة بعد الكحة الحلق ينجرح تكون مجهز الوصفة بالثلاجة ما تضر حتي 3 أيام وتشرب فنجان قهوة صغير
الين تروح الكحة أو الكتمة
لا تطحن مقادير كبيرة بس اللي تحتاجه لأن تتغير رائحته وفائدته وكل ما تحتاج اطحن شوي
وأكياس الوصفة حطها كل ابوها سوا في علبة يلاستيك لا تضيع عليك وتتوهق في البحث عنها كل ما احتجتها ..كلن في كيسه بس في علبة واحدة
لا تنسي العلاج السحري زيت السمسم دهان علي الصدر وشرب قبل النوم ملعقة أواثنين
وللي معهم الكحة مع الكتمة
خففوا الأجبان والحليب والبيض أثناء فترة العلاج
ولا تنسوا عصير الأناناس ولو يحصل طازج يا سلام
واللي ما يلقي عندك أناناس سيزر وأناناس كي دي دي
ولا تنسونا من صالح الدعاء
تري مجرب الوصفات هذي بنفسي
واحدة بواحدة علي ما يقولون
الله يجزي خير اللي وصفها لي من أهل المدينة الطيبين
03-05-2010, 05:00 AM
