logo

هوامير البورصة السعودية > الاقسام الرئيسية لموقع هوامير البورصة > الاسهم السعودية

قلت للمقاول انتظر أدرس العقد في بناء ناطحة السحاب



صفحة 1 من 4
1
2
3
4
قديم 29-05-2010, 06:08 PM
  المشاركه #1
الأسمري911
عضو موقوف
تاريخ التسجيل: Feb 2010
المشاركات: 2,192
 


قلت للمقاول انتظر أدرس العقد في بناء ناطحة السحاب

السلااام عليكم ورحمة الله وبركاته .

والله يجزاه كل خير اللي بينورنا بمعلومه منا ولا منا ولا مناك ..

قررت البناء وقاعد أفحط في قرض ولين الحين ناشب مع الراجحي انتظر اتصاله لي عشر أيام عشان يستفسر ابو اشباب (المركز الرئيسي ) سبب طلب الغاء تحويل راتبي عليهم >>>> لأني بطلع قرض أقل نسبه من بنك البلاد .

المهم نرجع لمحور حديثنا (( تذكرت الصيرفي اللي في صادوه كان دايم يقولها مع ضيوفه :5: ))نرجع لمحـــــــور حديثنا (_


قررت أبني لعيالي بيت وعيالي طايرين من الفرحه وأعتقد والله العالم أن الحي اللي أنا فيه والجيران كلهم عرفوا حتى مدرسة اولادي بشروهم عيالي ...
وأحس الناس في الشارع قامت تشر علي :5: ( أمزح ) ..

وبنتي من الحين تقول متى نسكن :12: والله البلشه .. ..


المهم رحت الدور في مشاريع البيوت اللي توها تبناء مقاول وحصلتلي سوري من جماعة ابو شكيب حقين باب الحاره

ومبدئين فيه توافق ...

لكن جابلي عقد بين 'طرف اول وطرف الثاني ...

وكل شي طبيعي ...

الأتفاق المتر بدون مواد 90 .
لكن أسؤال هنا
في أحد بنود العقد يقول الأعتاب عليك والأعمده على الطرف الثاني .. ؟؟؟

كيف يعني وليه ما يكون العكس ...:3:


وأنا مسوي نفسي معه فاهم .. وأحس اني من جنبها :12: وخايف أني اسئله وعطيه فرصة ويعرف اني غشمشم :5: ..

ولو أكلف عليكم ..

هل البياره اكرمكم الله والخزان الأرضي ..

المتر ونص بمتر >>> ولا العكس ....
الموضوع الأصلي : اضغط هنا    ||   المصدر :

الاسهم السعودية
 
  
قديم 29-05-2010, 06:34 PM
  المشاركه #2
أبن المملكة
عضو هوامير المميز
تاريخ التسجيل: Mar 2010
المشاركات: 644
 



بالنسبه للخزان أو أي مبنى هرم الشكل مثل المشب
يعتبر المتر بمترين لأن الخزان يحتاج صبتين صبه أرضيه
وغماء والهرم فيه زيادة أمتار






قديم 29-05-2010, 06:37 PM
  المشاركه #3
تاجرقطع خيار
عضو موقوف
تاريخ التسجيل: Jan 2010
المشاركات: 913
 



:12::12::12:لاتبني الحين اللُة يصلحك:12::12::12:



قديم 29-05-2010, 06:39 PM
  المشاركه #4
صليات
عضو هوامير المميز
تاريخ التسجيل: Jul 2007
المشاركات: 233
 



بسم الله عليك أما انته

دامك غشيم أشتر لك جاهز أو سلمها مفتاح

وأترك عنك السورى لو يقول لك المتر بعشره لا توافق

للمعلومية يوجد أسعار تحت التسعين 80 و85 وأهم شي شف وش عليك وش عليه

وخلك ذيب لا يقفطك السوري وخذها نصيحه بين له أنك طفران وعلى الراتب ترى ربعنا يموتون في الفخفخه الكذابه (راتبي فوق العشرين وعندي 6 أدوار في مكه)



قديم 29-05-2010, 06:39 PM
  المشاركه #5
الأسمري911
عضو موقوف
تاريخ التسجيل: Feb 2010
المشاركات: 2,192
 



اقتباس:
المشاركة الأصلية كتبت بواسطة أبن المملكة
بالنسبه للخزان أو أي مبنى هرم الشكل مثل المشب

يعتبر المتر بمترين لأن الخزان يحتاج صبتين صبه أرضيه

وغماء والهرم فيه زيادة أمتار
الله يرضى عنك يا بعد راسي

لكن ما دام لك خبره لا تبخل علي

ليه الأعتاب عليه والأعمده علي ... هل مر عليك مثل هذا الشرط ...

أنا ما فهمته ..؟؟؟ هل يقصد في اتمتير ....



قديم 29-05-2010, 06:41 PM
  المشاركه #6
الأسمري911
عضو موقوف
تاريخ التسجيل: Feb 2010
المشاركات: 2,192
 



اقتباس:
المشاركة الأصلية كتبت بواسطة تاجرقطع خيار
:12::12::12:لاتبني الحين اللُة يصلحك:12::12::12:
عطني اسبب يا بعد راسي ؟؟؟



قديم 29-05-2010, 06:43 PM
  المشاركه #7
الأسمري911
عضو موقوف
تاريخ التسجيل: Feb 2010
المشاركات: 2,192
 



اقتباس:
المشاركة الأصلية كتبت بواسطة صليات
بسم الله عليك أما انته

دامك غشيم أشتر لك جاهز أو سلمها مفتاح

وأترك عنك السورى لو يقول لك المتر بعشره لا توافق

للمعلومية يوجد أسعار تحت التسعين 80 و85 وأهم شي شف وش عليك وش عليه

وخلك ذيب لا يقفطك السوري وخذها نصيحه بين له أنك طفران وعلى الراتب ترى ربعنا يموتون في الفخفخه الكذابه (راتبي فوق العشرين وعندي 6 أدوار في مكه)
لا معليك هو من يوم شاف سيارتي أدردعه اللي معي غسل ايده ..

وحس انه بيتورط :5:



قديم 29-05-2010, 06:47 PM
  المشاركه #8
كهرباء الرياض.
عضو هوامير المميز
تاريخ التسجيل: Sep 2008
المشاركات: 1,399
 



انت في اي حي رد عاجل .....اذا انت في الغدير وحواليها ممكن اخلي اخوي اذا هو فاضي يجلس معك ويفهمك كل شي مهندس فاهم ومعماري متمرس بالمجان علشان ماتخاف خخخخخخ



قديم 29-05-2010, 06:50 PM
  المشاركه #9
كهرباء الرياض.
عضو هوامير المميز
تاريخ التسجيل: Sep 2008
المشاركات: 1,399
 



انتبه من السوري اعرف شايب صحيح شرط عليه تكاليف كاملة وخربطة وسلمه الشايب 350الف شغل كامل المهم
بعدها بيومين ماعاد لقاه والله يشهد علي
راح سوريا وارسل له رسالة اني رحت ومابرجع يعني طز فيك سو اللي تبيه والشايب الان جالس فيها مرافعات وحوسه وفي الاخير عارف مابيطول شي بس يستاهل يسلم للسوري مبلغ



كلام صليات ذهب اشتر جاهز مدامك من جنب القدة خخخخخخخخخخخخخخ انت وسيارتك الدردعة لاتكون ونيت



قديم 29-05-2010, 06:54 PM
  المشاركه #10
أبن المملكة
عضو هوامير المميز
تاريخ التسجيل: Mar 2010
المشاركات: 644
 



الاعتاب عليك والاعمه عليك يعني

تجيب عمال من برأ يصبونها له أو تصبها بالبمب

وهذا راجع للعقد بينك وبينه وسعر صب العامود الواحد
25ريال أما الأعتاب فحسب الأتفاق




قديم 29-05-2010, 07:08 PM
  المشاركه #11
بن عودة
عضو هوامير المميز
تاريخ التسجيل: Feb 2009
المشاركات: 293
 



السعر مناسب جدا لكن خذ بعض هذه النقاط على عجل تشترطها عليه وممكن الاخوه يزيدون :
1) السلك والمسمار
2)الخزان المتر بمتر ونصف
3) الحفر والدك عليه (( سواء دمار او ردميات ))
4) القواعد بخشب بليوويد
5) عمل حزام داير مايدور حول القواعد بارتفاع 60 سم وبعدها الميده 60 سم ليكون الارتفاع 120 هذا اذا لم ترغب في البدروم
6) ارتفاع الدور لايقل عن 3.40 متر ليكون لك الخيار في عمل جبس نازل اذا رغبت
7) ارتفاع سقف منتصف الدرج الاول لايقل عن 2.5 متر
8) الحارس عليه
9) ضرب الماده العازله للقواعد والرقاب
10) خشب الاعمده لابد ان تكون جديده
11) البياره عليه
12) احسب حسابك في الدفعات لو تخلى عنك لايكون لك شيء عنده يهددك بتوقيف العمل
13) المهندس عن طريقك لا يكون عن طريقه او معرفه له فيتفقوا عليك
14) الدفن والك يكون بالبوب كات بعض المقاولين يسترخص ويجيب شيول وتتكسر الاعمده
15) شف بعض الاعمال له ولو تسألأ كيف كان معهم ولاتتعاقد معه اذا لديه اكثر من عملين
16) العقد يكون مع كفيله عشان تجيبه لو اختلفتوا
هذه على عجل وامل انني قد افدتك فلا تحرمني من الدعاء ومن استفاد معك



قديم 29-05-2010, 08:07 PM
  المشاركه #12
الأسمري911
عضو موقوف
تاريخ التسجيل: Feb 2010
المشاركات: 2,192
 



أخوي اول شي (( بعطيك اللي وعدتك فيه )) ودعوة المسلم لا ترد وعسى الله يستجيب

( أسأل الله جلة قدرته أن يوفقك ويحفظك وعائلتك من كل سوء
ويشرح صدرك ويفرج همك وييسر أمرك ويصلح أحوالك الله ويعطيكى كل ما تتمنيه )


ــــــــــــــــــــــــــــــــــــــــــ


ثاني شي هذي ما فهمتها

اقتباس:
المشاركة الأصلية كتبت بواسطة بن عودة

3) الحفر والدك عليه (( سواء دمار او ردميات ))

وتوني سألت واحد من زملاي قال ان الحارس علي ويقول ما عمرها صارت :8: يحرس عمارتك وعلى غيرك


9) ضرب الماده العازله للقواعد والرقاب
هناء قصدك القار ...

11) البياره عليه >>> هل أكيد العقود كذا انا باقي ما وقعت ..

14) الدفن >> هذي علي ولا عليه



صفحة 1 من 4
1
2
3
4



الكلمات الدلالية (Tags)

للمقاول

,

مدرس

,

ناطحة

,

السحاب

,

العقد

,

انتظر

,

بناء


«

كيان000000000000000000

 |

قوى شرائية تتفاعل و خاصة بـ :

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


10:03 AM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.