ياصاحبي مبطي(ن) ماجآتني رنه
حتى المسج ما أشوفه وارد إرساله
وأنـا الذي خابر الأشـواق مستـنه
وأنت الوحيد الذي معجبني أوصاله
قلي علامك مخالف مذهـب السـنه
ياقاطع الوصـل هـذي ماهي بحاله
ياماعشانك سحكت الضيق وآكنه
والعالم الله بقلبي وشهـي أحواله
والصـدر من سبتك يحن لـه حـنه
حنة كبير(ن) فقد عونه من عياله
ومن سبتك ياجعل مثواك للجنه
دايم أضـيع وقلبي دايمن داله
وآحزني اللي بثقل طويق والظنه
الى متى والحزن سـايل بمسياله
أون هـجرك وونه تردف الـونه
من سمْعها قال هذا ويـش يجراله؟
والحال كنّه وكنه ويش يا كنه؟
عـزّي لحالي تـزايد مـنك غرباله
ويا صاحبي ليه تخلف مذهب السنه
قطعت وصلـك وهـذي ماهي بحاله