أيام زمان

حيا الله أبو خشاش صديقي وبس، لا تخاف مدرعم قبل الفطور، ثم قلت نصلي ولعينا خير جينا لأوخيتنا أم برطم الله يخليها لنا، تراها مسويتن اليوم "عسكريم في باغات" حجزت عندها خمس كيس وعطتني دسكاونت بقرشين إلا ربع للوحده عاد أحسبها،،،،
أبروح للغرابي بغير زبرقت السيكل، تشطح معي؟

وإذا ماودك الوعد ورى بيت بن سليم، فيه فت كوره اليوم.

الله المستعان، 1980م كنت أدرعم في العقار ومواد البناء ذيك الأيام، عقب ما رسبت في الثنوي علمي سنة 1979م وعدت للدراسة مرة أخرى سنة 1981م أدبي بعد مشقة ولها قصة لعلي أوردها الليلة.

الله يوسع علك الدينا وقبرك والآخرة يا أم برطم، الحي يحيك والميت يزيدك غبن، بننثر ذكريات الماضي على شواطي موضوعك الجميل " وأبو خشاش موب ناثر على الشواطيء إلا بيطب محيفرة بسروال وفنيله ،مثل منول في الهاف مون يوم راحوا على الهايلكس "،،،شكل المجاكر بدا،،،،،،هههههههههه.

لو أن موضوعك سرق بعض حقوقي ، حيث أنني أنزلت موضوع مشابه الأسبوع الماضي، ولكن مشاء الله الأخراج عندك كذا (_، وأكيد ميزانية الأنتاج برضو كذا، بينما موضوعي كان كذا:2:،،،لكن ماعليش سرقة بين الشيبان حلال.

موب مثل سرقة الشيبان للشباب اليوم، لعنبو العدو ماخلوا شيء حتى الحريم سرقوهن منهم.

ماعاد لنا إلا الله ثم أنتي يا أم برطم، ويقول المثل قديمك نديمك لو جديد أغناك، بنيت حارتنا وتبيعنا بصبر بعد، أجل سجلي طلبية بعشر كيس عسكريم ،وخليني أقشط خشخوشي وعكوسه وأسدد لك" إثرنا نلعب قمار منول ولا ندري،،ههههه،،، الله مازين ذيك الأيام .