logo

هوامير البورصة السعودية > الاقسام العامة لموقع هوامير البورصة > الملتقى الــــــعـــــــام للهــــــوامــــــــيــــــــر

قصيده القهوة



أدوات الموضوع
قديم 22-08-2010, 09:58 PM
  المشاركه #1
ولع الشوق
عضو هوامير المميز
تاريخ التسجيل: Mar 2009
المشاركات: 1,582
 


قصيده القهوة

يقول الشاعــــر مشعــــان بن هذال العنزي :
قـم سـو فنجـال تـرا الــراس مـنـداش=لعيون من قرنه علـى المتـن مرجـود
ياابن المهارش كب حمسات الادقاش=تاتيـك حمسـات الينابـج بهـا ســووود
ودقــه بنـجـر يسمـعـه كـتـل طــراش=ايضا إلى حرك على الهـون بـه زود
وحـطـه بـدلـة مـولـع كنـهـا الـشــاش=وبهرها مقدار خمسـة عشـر عـووود
الهـيـل حـطـه لا تـدانـا ولــو جـــاش=ومن الزيـاد اقنـع علـى شـذرة العـود
جيـبـه رســم للنشـامـا عــن الـــلاش=الـــلاش لا فـاقــد ولا هـــو بـمـفـقـود
الطيـب سنـده والـردي ذاك مـن لاش=واللـي يريـد الطيـب مـاهـو بـمـردود
لـــذاذة الـدنـيــا مـعـامـيـل وفــــراش=وصينـيـة يقـبـل بـهـا العـبـد مـسـعـود


منقول

 
  
قديم 22-08-2010, 10:14 PM
  المشاركه #2
سماء ونجوم
قلم هوامير المميز
تاريخ التسجيل: Feb 2008
المشاركات: 9,515
 



شكراااااااااااا خيتوووووووووووو قصائد كثيرة في القهوة بس ذي لها مزاج حلو يسلمووووووووووووو






قديم 22-08-2010, 10:15 PM
  المشاركه #3
جوهرة
عضو هوامير المميز
تاريخ التسجيل: Mar 2010
المشاركات: 23,828
 



جيـبـه رســم للنشـامـا عــن الـــلاش=الـــلاش لا فـاقــد ولا هـــو بـمـفـقـود
الطيـب سنـده والـردي ذاك مـن لاش=واللـي يريـد الطيـب مـاهـو بـمـردود




شهويتيني للقهوة :5::8::11:

يسلمك ربي على الابيات الرووعه


دمت بخير



،،



قديم 22-08-2010, 11:08 PM
  المشاركه #4
refaie
عضو هوامير المؤسس
تاريخ التسجيل: May 2005
المشاركات: 11,577
 



صح لسانـــــــــــــــــــــــــــــــــــــــــــــــــــــــــــــــــــــك



قديم 23-08-2010, 02:39 AM
  المشاركه #5
ولع الشوق
عضو هوامير المميز
تاريخ التسجيل: Mar 2009
المشاركات: 1,582
 



لاهنتو يالغالين على المرور




قديم 23-08-2010, 02:46 AM
  المشاركه #6
Little Whale
عضو هوامير المميز
تاريخ التسجيل: Apr 2007
المشاركات: 1,374
 



صح لسان القائل
وسلمت انامل الناقل



قديم 23-08-2010, 02:48 AM
  المشاركه #7
yas2000
محلل فني
تاريخ التسجيل: Nov 2007
المشاركات: 12,506
 



قصيدة جميلة شكرا لنقلك وننتظر جديدك



قديم 23-08-2010, 02:48 AM
  المشاركه #8
ذواق
عضو موقوف
تاريخ التسجيل: Jul 2008
المشاركات: 2,457
 



يعطيك العافيه ....
يقال وأقول إن أجمل قصيده في وصف القهوه هي قصيدة القاضي



قديم 23-08-2010, 03:10 PM
  المشاركه #9
ولع الشوق
عضو هوامير المميز
تاريخ التسجيل: Mar 2009
المشاركات: 1,582
 



لاهنتو يالغلا على الحضور



قديم 23-08-2010, 03:12 PM
  المشاركه #10
ولع الشوق
عضو هوامير المميز
تاريخ التسجيل: Mar 2009
المشاركات: 1,582
 



اقتباس:
المشاركة الأصلية كتبت بواسطة ذواق
يعطيك العافيه ....
يقال وأقول إن أجمل قصيده في وصف القهوه هي قصيدة القاضي

ذوق ممكن تجيبها (_



قديم 23-08-2010, 10:04 PM
  المشاركه #11
ذواق
عضو موقوف
تاريخ التسجيل: Jul 2008
المشاركات: 2,457
 



اقتباس:
المشاركة الأصلية كتبت بواسطة ولع الشوق
ذوق ممكن تجيبها (_
تأمرين أمر ..... وللأستفاده للمهتمين بالثراث

والقصيد لها قصه مشهوره حسب ماسمعتها من الكثير .. وهي أن أبن عمه راهنه على فرسه ( حصانه ) على انه يجيب 40 بيت بدون مايذكر غزل ولايميل قلبه للغزل ..
لأن محمد القاضي مثل الشاعر محسن الهزاني هواوي وراعي غزل
المهم ..
وافق محمد القاضي ... وبدأ بالقصيده إللي جعل محورها القهوه

... في أثناء الرهان ... ابن عمه خاف أنه يخسر الرهن وحصانه وأتفق مع احد بناته أنه إذا انتصف القاضي بالقصيده ولم يذكر أي غزل .. إنها تلبس احسن لبس وتمر من قدام المجلس ..... لعل القاضي يهزه الهوى والغزل


يامل قلب كل ما التـــم الأشفـــــاق ... من عام الأول به دواكيك وخفـــوق
يجاهد جنود في سواهيج الأطراق ... ويكشف له أسرار كتمها بصنــــدوق
إلا عن له تذكار الأحباب واشتــاق ... باله وطاف بخاطره طاري الشــــوق
قربت له من صافي البــن مـالاق ... بالكف ناقيهــا من العــذف منســــوق
أحمس ثلاث يانديمــي على ســاق ... ريحه على جمر الغضا يفضح السوق
حـذراك والنيــه وبـالك والأحــراق ... واصحا تصير بحمسة البــن مطفــوق
لا أصفـر لونــه ثم بشت بالأعـراق ... صفرا كما الياقوت يطرب له المـــوق
وعطت بريـح فاخـر فاضح فــــاق ... ريحه كما العنبر بالأنفــاس منشـــوق
دقه بنجـر يسمعــه كــل مشتـــــاق ... راع الهوى يطــرب إلا دق بخفـــــوق
ولقم بـدلة مـــولع كنـــــها ســـــاق ... مصبــوبة مربوبـــة تقـــل غرنــــــوق
خله تفـوح وراعي الكيــف يشتــاق ... إلا طفــح لــه جوهـــر صح لــــه ذوق
أصغر قموره كالزمـرد بالأشعــاق ... وكبـــار هالطافـح كما صافي المـــــوق
وزله على وضحا بها خمسة ارناق ... هيل ومسمــار بالأسبـــاب مسحــــــوق
مع زعفران والشمطري إلا انسـاق ... والعنبــر الغالي على الطــاق مطبــــوق
فالا اجــتمـع هــذا وهــذا بتـــيفـــاق ... صبه كفيت العـوق عن كـــل مخلـــــوق
بفنجال صين زاهـي عند الأرمـــاق ... يغضي بكر سيه كما إغضــاي غرنـــوق
إلا انطلق من ثعبتـة تقـل شبـــــراق ... رنق تصـور بالحمامـــه على الطـــــوق
شكل على الفـنجــال لونـــه إلا راق ... دم الغـــزال إلا انـمــزع منـــه معلــــوق
ذوقه إلا منـه تســلســل بالأريــاق ... عليـــه من مـــاء صـــافي الورد مذلـــوق
راعيه كنه شــارب ريــق ريـــــاق ... كاس الطرب وســــرور من ذاق له ذوق

وإلى هنا مرت البنت من قدام القاضي ... وطبعا القاضي ماتحمل المشهد المغري وأنحرف بالقصيده :5:

يحتاج من بيض العذرى إلا فــــاق ... غرو يمــــز شفــاه والعنـــق مفهـــــــوق
عبث يعيل بحبتــــه ما بعد مـــــاق ... وهو يضاهي زاهـــي البــــدر بشعـــــوق
في وجنتيه إلا غنج ضوح بــــراق ... عجــــل رفيفـــه بالطهــــا مزنه طبـــــوق
سحر كتب من حبر عينيه بـأوراق ... خديـــــــه صادين ونــــونــين من فــــــوق
كن العرق بخدودها حص الأرناق ... نثـــر على صفحـــــات بلــورة الشـــــــوق
إلا تبسم شع وإشــــرق بالآفــــاق ... نوره يفـــوق البـــــدر سحـــــر منطـــــــوق
بالعنق كن المسك والورس بـــراق ... ما مشخـــص في صــدري الشـــــاخ مدفوق
أبو دليق كن باطـــــرافه حـــــلاق ... حدر البريم وهــــافي الـــــوسط مســــــروق
يمشي برفق خايف مدمج الســــاق ... يشكى حجول ضامهـــــا الثقــــل من فـــوق
الحجل يشكى الضوق من جلة الساق... والساق يشكى الضيم من حجله الضوق
أظن لو تمشي شعاق بالاســــــواق ... ماضنتى يمطــــخ من الخمــــس مخلـــــوق
إلا حصل لك صاحبك وأنت مشتــاق ... فاقطف زهر مالاق والعمــــــــر ملحـــــــوق
فايلا حضر ماقلت عندي فالارزاق ... في يـــد كريــــــم كافــــل كـــــل مخلــــــوق
هذا وصلـــوا عدد مانض بــــــراق ... على النبـــــي الهاشمـــــي خيـــر مخلــــــوق

وطبعا القاضي خسر الرهان .. ولاكن وفاء له وإعجابا بالقصيده إللي صنفت من اجمل قصائد وصف القهوه أعطاه أبن عمه الفرس لأنه بالحقيقه غدره بأتفاقه مع بنته
... هذا ماسمعناه من الشيبان في المجالس . وقد تختلف روايات القصه عند البعض

وسلامتكم ... :11:






الكلمات الدلالية (Tags)

القهوة

,

قصيده


«

ثالث هزة أرضية تضرب هجرة حرض التابعة لمحافظة الأحساء

 |

على مائدة الإفطار الإثنين 13 / 9 / 1431هـ

 »

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


09:04 AM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.