logo

هوامير البورصة السعودية > الاقسام العامة لموقع هوامير البورصة > الـركـــن الأدبـــــي

انا والجربوع وابو شوشه((ماذا حصل بعد استسلام الجربوع))



صفحة 1 من 2
1
2
قديم 21-10-2010, 01:22 PM
  المشاركه #1
وزير بلا وزاره
ابو عبدالله
كاتب مميز
تاريخ التسجيل: Sep 2007
المشاركات: 18,196
 


انا والجربوع وابو شوشه((ماذا حصل بعد استسلام الجربوع))

القصه المفروض تنتهى البارح ولكن بناء علي اقتراح الاخت عذبة الاطباع باكمال الحوار
واوعدناها بعد اسبوع بس البارح حصلت لي
خبر في المنتدى قلت اجل جاك يامهنا ماتمنى
واضرب الحديده حاره وبالذات بيكون اكبر مفاجئه

سلامتكم بعد استسلام الجربوع لنا بدون قيد ولا شروط قال
ابو شوشه
هات الحبل بنربطه في الصندوق
الجربوع
افاااااا ماصدقتها منكم هذا جزاى
انا
بس انت تفهم والا لا هل تعرف مصيرك بعد الاستسلام
الجربوع
ايه اعرف مصيرى ومصيركم كمان
ابو شوشه
(جاب الحبل) وقال مصيرك الان الحبل واذا وصلنا تعشينا عليك
الجربوع
زعم الفرزدق أن سيقتل مربعاً000ابشر بطول سلامة يامربع
احسن لكم شيلوني معكم قدام وخلونا نسولف ونستانس ويحلها حلالها
انا
يابو شوشه خير خير هالجربوع علومه زينه خلنا نشيله معنا قدام يونسنا
ونشوف علومه واذا وصلنا لكل حدث حديث
ابو شوشه
في عقلك شى معاد بقي الا نتونس مع جربوع
الجربوع
خساره عليك زيت الفرمل ليتنا خليناك في القشعه
انا
خلاص تفضل اركب قدام

حطينا الجربوع بينا في الغماره ومشينا بعد الحويسه اللتى جتنا معاد نعرف
الدرب ولاندرى وينا فيه
انا
الدرب منين
ابو شوشه
اصبر بطلع الصندوق واشوف النجوم
الجربوع
اجلس يابو شوشه وانت علي طول لين ناصل راس الشعيب واذا وصلناه وجهتك
انا
انت تعرف الدرب والا لاتضيعنا
الجربوع
اعرف كل شى
ابوشوشه
انت صاحي والا مجنون
الجربوع
المجنون جابته امك يالدلخ
ابو شوشه
اقولك انثبر وسد فمك لكسر رقبتك الان
الجربوع
انت مسكين وباخذك على قد عقلك
انا
خير اقصرو الهرجه وخلونا نشوف دربنا
الجربوع
خفف السرعه ولف يمين وامسك سيده
ابو شوشه
انت جنى مانك بصاحي
الجربوع
نعم جنى
انا
قل قسم000

ابو شوشه
قل والله

الجربوع
والله اني جنى بس خفت اروعكم


وانا اضرب الفرمل لين ضربة روسنا في القزاز وصك راس الجربوع في التنده
الجربوع
لاتخافون لاتخافون
ابو شوشه
هذى فرحه مهيب خوف انت الان أمنية كل سعودى
انا
انت مثل الزيبق الاحمر
الجنى
سبحان الله لودريت انكم بتفرحون علمتكم من بدرى
ابو شوشه
وقف وقف بنشب النار ونسوى قهوتنا وعشانا
مع اللحيه الغانمه وناخذ علومه
الجربوع
يامنافق قبل شوى بتذبحى وتعشاء عليه والان بتقهوينى وتعشينى
ابو شوشه
اللي مايعرفك مايقدرك
انا
خلاص ماجاك من ابو شوشه امسحه في وجهى ومافات مات وخيرك سابق وانت عندنا الان اهم
من نفوسنا
الجربوع
هههههههههههههههه
والله اني اعرف السبب كله
انا
وشهو السبب
الجربوع
جنى قاضى المدينه
ابو شوشه
صحيح انك تعرف العلوم ياحبى لك

واشتال ابو شوشه الجربوع وقام يحب راسه
ووقفت السياره ونزلنا العزبه والفراش وقام
الجربوع بيشتغل معنا وحلف عليه ابو شوشه
انك ماتقوم انت ضيفنا وحقك علينا وفرش له
فراشه وحط له المتكى وخلع فروته وحطها
علي الجربوع قال عليك برد وجاب له التمر والسمن
وقال اقدع لين نجهز القهوه والعشاء
وقمت اردد
((طابت لنا الدنيا عقب عج الزمان000بالدين والسيف الصقيل نصونها))

ماودى اطولها عليكم الحقه الاخيره الليله ان شاء الله وهى قمة الاثاره
الموضوع الأصلي : اضغط هنا    ||   المصدر :

الـركـــن الأدبـــــي
 
  
قديم 21-10-2010, 01:29 PM
  المشاركه #2
$$$سيف$$$
سيـــف الملتقى
تاريخ التسجيل: Aug 2008
المشاركات: 7,676
 



اقتباس:
المشاركة الأصلية كتبت بواسطة وزير بلا وزاره
((طابت لنا الدنيا عقب عج الزمان000بالدين والسيف الصقيل نصونها))

سعااااااااادة الوزير

انا كنت معااااااااااااااااكم <<<<<<<<<< طيب ليه جبت طاررررييييي بالقصيدة:8:






قديم 21-10-2010, 01:34 PM
  المشاركه #3
وزير بلا وزاره
ابو عبدالله
كاتب مميز
تاريخ التسجيل: Sep 2007
المشاركات: 18,196
 



اقتباس:
المشاركة الأصلية كتبت بواسطة $$$سيف$$$
سعااااااااادة الوزير


انا كنت معااااااااااااااااكم <<<<<<<<<< طيب ليه جبت طاررررييييي بالقصيدة:8:
ههههههههههههه
يمكن نستعين بضيوف شرف في الجزء الثالث والاخير:8:



قديم 21-10-2010, 01:51 PM
  المشاركه #4
عذبة الاطباع
قلم هوامير المميز
تاريخ التسجيل: Feb 2010
المشاركات: 3,568
 




مشكووور اخوي
اسلوب رائع وجميل في سرد القصة والاروع انهاااا
صيغت من خيااالك
استمر ننتظر البقية:5:
بس اذا فيها جن خلها بالنهار:13:
دمت ودااام قلمك بالعطاء و الرقى و التميز



قديم 21-10-2010, 07:14 PM
  المشاركه #5
أم عصام
كاتبة قديرة
تاريخ التسجيل: Mar 2007
المشاركات: 12,390
 



وزيرنا ومؤلف القصة الرائعة ايش رايك تعزمنا كلنا معاكم على الجربوع

يضحك عليكم تراه لاهو جني ولا شيئ بس علشان ما تذبحونه

هههههههههههههههههههههههههه
بفارق من الصبر نستنا البقية
بس لاتقطعها لبكرة
طيب
تسلم وسلمت اناملك



قديم 21-10-2010, 11:56 PM
  المشاركه #6
وزير بلا وزاره
ابو عبدالله
كاتب مميز
تاريخ التسجيل: Sep 2007
المشاركات: 18,196
 



الحلقه الثالثه والاخيره

شبينا النار ابو شوشه قام يسوى القهوه والشاهي وانا قمت اعجن العجين
للعشاء والجربوع متكي علي المركي ومتلحف الفروه ويقدع من التمر
وقال الجربوع ياشباب انا بنعس شوى لاني تعبان وانتم اضبطو
الدله ولااوصيكم في الهيل
والدله اللي ماتبهر من الهيل0000مثل العجوز اللي خبيث نسمها
وتكرفس في الفروه ورقد
ابو شوشه
(يهمس لي) تبيه بيقول لنا شبيك لبيك كل ماتطلبه احطه بين يديك
انا
ياقدمك هذا منول الان تغيرت الامور بيقول قدمو طلباتكم ونشوف
ابو شوشه
هي كلمة بنشوف ورانا ورانا حتى مع الجن:5:
انا
مهوب وقت كلام لقم القهوه وافرز الجمر العجينه جاهزه وخلنا نحلم بالعز ولو دقايق
المهم ماودنا نطول عليكم الحكايه تقهوينا وتعشينا وقمنا نشرب الشاهي
انا
عطنا علومك
الجربوع
انا من اخوانكم الجن
واحبكم يالسعوديين والله انكم اغرب شعب في العالم
كل المتناقضات فيكم وانتم مثل ماقال خالد الفيصل
قالت من انت وقلت مجموعة انسان000من كل ضد وضد موجود فينى
طفت الكثيرمن بقاع العالم ولم اجد اغرب من الشعب السعودى
انا
وش الغريب في الشعب السعودى عن بقية الشعوب
الجربوع
سؤال وجيه اصبر اقولك كل الحكايه
ابو شوشه
هات ماعندك طال عمرك
الجربوع
عندكم المتناقضات في كل اموركم حكومه وافراد وعندكم الفساد ضارب اطنابه حتى اني قريت في احد المنتديات بان ابليس ذبحه الجوع وبيغادر السعوديه خروج بدون عوده يقول معاد له مكان لان فسادكم ضرب له ارقام قياسيه
ابك بليس الذى اظهر ابوكم من الجنه بوسواسه غطيتو عليه بالمكروالفساد

اجل قاضى فاسد جمع الملايين بالحرام ويوم قبضو عليه قال متلبسه جنى والمشكله تصدقونه وتجيبون مطوع يستجوب الجنى :5::5:وبامر من قاضى
المحكمه

000اجل بلد من اكبار بلدان العالم مساحه ومعظمها اراض صحراويه
وسعرمتر الارض البيضاء في بعض المناطق ياصل 2000ريال و80%
من الشعب مايملك مسكن وانتم اكبر مصدر للنفط
في العالم ولو تبغى كرسى لمريضك تجلس انتظار 6شهور وانتم تبحثون عن السياميين في العالم تفصلونهم
اجل بلد فيه ملعب رياضى ب10مليار وتوسعة مطار
25مليار وقطار 20كيلو ب7مليار
اجل بلد نصف سكانه يشتكون من البطاله والفقر
ويعمل فيه 9ملايين اجنبى ووو000
انا
خلاص خلاص ياطويل العمر نحن نعرف ذلك الان
خلنا في امورنا الخاصه
الجربوع
اجل هاتوطلباتكم ونشوف
ابو شوشه
مافيه شبيك لبيك
الجربوع
ابك بليس براسه واذانيه ماقدر علي العيشه تبغاني اقول شبيك لبيك الا هاتو طلباتكم ولاتطمعون ونشوف
انا وابو شوشه
مادام الامر كما ذكر بطلنا من الملايين والاحلام
نريد وظيفه وبيت وسياره وبس
الجربوع
وظيفه وبيت وسياره هذى احلام مع انها حقوق لكم
انا
حتى هذى صعبه عليك الله يرحم عفاريت زمان
الجربوع
الله يرحم ايام زمان المهم بنشوف لكم وظيفتين
تعاقد في التعليم وبعد سنه او سنتين تثبتون
وترى الوظايف في مناطق نائيه
ابو شوشه
ياخيبت الرجاء
الجربوع
ياابن الحلال احمد ربك علي النعمه واخذ وطالب
قلوتم احجز لكم الارقام الان
ابو شوشه
هذا وانت جنى ماتقدر الا علي وظيفه تعاقد
الجربوع
الامور تغيرت علي الجن والانس انت خابر سهم المصافي 7500 الان 33
انا
تم تم تم احجزها ولاقصرت لنا 5سنين ماحصلنا شى
وهذى اسمانا كامله
الجربوع
ياطيبكم طيباه القناعه زينه
بعد يومين تراجعون الوزاره وتحصلون القرار
وهذا اميلي اذا اتجحتو ارسلو عليه
Jana Alsmanhotmail.com
وفي امان الله وسامحونا علي القصور
بؤؤؤؤؤؤ ونقز نقزتين ولعاد شفناه
ابو شوشه
وش رايك ندور جربوع ثاني
انا
عاقت عليك يالله نشيل معاملينا ونروح لهلنا

والي اللقاء في قصه جديده ان شاء الله
ودام عزكم


اخوكم
ابو عبدالله



قديم 22-10-2010, 12:04 AM
  المشاركه #7
وزير بلا وزاره
ابو عبدالله
كاتب مميز
تاريخ التسجيل: Sep 2007
المشاركات: 18,196
 



اقتباس:
المشاركة الأصلية كتبت بواسطة shareef22
وزيرنا ومؤلف القصة الرائعة ايش رايك تعزمنا كلنا معاكم على الجربوع

يضحك عليكم تراه لاهو جني ولا شيئ بس علشان ما تذبحونه

هههههههههههههههههههههههههه
بفارق من الصبر نستنا البقية
بس لاتقطعها لبكرة
طيب
تسلم وسلمت اناملك
ياهلا وياغلا بالغالي
شرفنى مرورك ياابن العم دوبي انتبه لمعرفك الليله
ودام عزك



قديم 22-10-2010, 12:09 AM
  المشاركه #8
عذبة الاطباع
قلم هوامير المميز
تاريخ التسجيل: Feb 2010
المشاركات: 3,568
 



جربوعكم طلع مو بسيط وحكيم زومااانه:5:
ياااحليله وبعد عنده اميل :13:



قديم 22-10-2010, 12:12 AM
  المشاركه #9
تن@هيد الغلآ
قلم هوامير المميز
تاريخ التسجيل: Mar 2010
المشاركات: 1,038
 



هههههههههههههههههههههههههههههههه
يآآعزتى للسعودين وآآسطتهم جربووع جنى ةهوت ميل هههههههههههههه

حلوووه القصه

مشكووور وزير بلآآ وزآآره ... الحق ضيف الجربووع رد: انا والجربوع وابو شوشه((ماذا حصل بعد استسلام الجربوع))



قديم 22-10-2010, 12:24 AM
  المشاركه #10
وزير بلا وزاره
ابو عبدالله
كاتب مميز
تاريخ التسجيل: Sep 2007
المشاركات: 18,196
 



اقتباس:
المشاركة الأصلية كتبت بواسطة عذبة الاطباع
جربوعكم طلع مو بسيط وحكيم زومااانه:5:
ياااحليله وبعد عنده اميل :13:
شرفنى مرورك ومشاركتك

ودام عزك



قديم 22-10-2010, 12:26 AM
  المشاركه #11
وزير بلا وزاره
ابو عبدالله
كاتب مميز
تاريخ التسجيل: Sep 2007
المشاركات: 18,196
 



اقتباس:
المشاركة الأصلية كتبت بواسطة تنهيد الغلآ
هههههههههههههههههههههههههههههههه
يآآعزتى للسعودين وآآسطتهم جربووع جنى ةهوت ميل هههههههههههههه

حلوووه القصه

مشكووور وزير بلآآ وزآآره ... الحق ضيف الجربووع رد: انا والجربوع وابو شوشه((ماذا حصل بعد استسلام الجربوع))
شرفتى مرورك ومشاركتك
والسعوديين في بلدهم يتوسط لهم الاجبنى واعرف حالات كثيره حصلت
ودام عزك



قديم 22-10-2010, 09:30 AM
  المشاركه #12
أم عصام
كاتبة قديرة
تاريخ التسجيل: Mar 2007
المشاركات: 12,390
 



اقتباس:
المشاركة الأصلية كتبت بواسطة وزير بلا وزاره
ياهلا وياغلا بالغالي
شرفنى مرورك ياابن العم دوبي انتبه لمعرفك الليله
ودام عزك
الحين انت تقول انك شايب والى الآن تدور وظيفة
لا بعد الجني الي يتوسط لك
لا بعد ياريت حصل لك وظيفة سنعة
انتظر بعد سنتين ثبوت العقد
ويا قلب لاتحزن
ههههههههههههههههههه
والله قصتك حلوة
وتصلح مؤلف قصص لإنتقاد الوضع الراهن
الله يسلمك ويحفظك
بس با قولك شيئ
لا تعلم احد تراني ام عصام
جايتك من الشرقية



صفحة 1 من 2
1
2



الكلمات الدلالية (Tags)

والجربوع

,

وابو

,

الجربوع

,

انا

,

استسلام

,

بعد

,

حصل

,

شوشهماذا


«

:: حـكـمـة الــقــدر ::

 |

انا وابو شوشه والجربوع((من قصص الخيال المقناصى))

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


12:47 PM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.