قـــــــــبــــــــل ماتتقــــــــرر تـتــــزوج,,, انصحك بما يلي,,

سؤال لكل عزوبي يتسدح في بيته....

هل تنام على بطنك؟ او تخم الوسادة في الليل؟؟ او تعفس الكنب وتعضه وتسعبل عليه وانت نايم؟؟ او تنام في الشوارع وكأنك قطو؟؟ او تنام على المنب وانت تقرأ المجلة؟؟ اوتنام ويطلع سرك..... الله يستر سرك


اذا كانت الاجابة بنعم!! فأعلم بأن كل هذه اعراض لرغبة جامحة في الزواج وكامنة وان ما تلاحقت عمرك صدقني!! راح يجي اليوم اللي يقول فيه ابوك:
الله لايبارك في الساعة اللي جبنا فيها شغالة:10:

لا تتخذ قرار الزواج الا وأنت في حالة هدوووووء تااااااااااام ومروق ... بعيدا عن العواطف الجياشة..
يعني موتشوف فيديو كليب " بص عليه بص" وتطمر بعده لأمك وانت مشبك اصابعك ومميل رقبتك وتقولها( دوروا لي ابي اعرس)

اولا :: ((مرحلة ما قبل الزواج))

كيف تعرف انك استويت عزيزي الشاب وحان قطافك من بنت الحلال؟؟؟
1- اذا بديت تحب الاغاني وتسمعها بمخمخة.. وتتخيل انك تقول الكلام لوحده!! فأعرف انك قاااضي فتلاحق عمرك وشف لك بنت الحلال بس بشرط توافر الشروط الاخرى فيك وهي
(( وظيفة مناسبة..ومبالغ ماية لماجهة مصاريف العرس)) التقسيط متاح بدون كفيل لدى شركة مباري للعرس على النوت

2-كذلك اذا صرت تتابع الفيديو كليب وتهج اثمك ولو يناديك ابوك ما ترد عليه

3- اذا بديت تقول يازين بيروت وقناة الخليجية ونجوووم .. فأعلم اخي الاعزب انك لو انتظرت سنتين ستصدي صواميل ظهرك وتصير بال مستقبل ولا حتى الجزيرة

4- اذا بديت تمشي بالسوق وتتمنى ان البنت اللي قدامك يطيح اللي هي شايلته علشان تصدم فيها وتقول ( ليمون نعناعة) فأعرف انك على مشارف ان تكون "سبهة"وشهار ما يفبلك ولا منتسب..

5- اذا بديت تتعطر بعطور نسائية.. فأعرف انك بديت " تخق" فأحسنلك اعرس.

ثانياً:(( اثناء الخطبة))
انضبط وابدأ صل بالمسجد لأن شيبان البنت يبون يسألون شيبان المسجد ويقولون تعرفون فلان؟؟ لذلك صل وابد (طلطل) بوجيه المصلين وكأنك تدور واحد من اخوانك
ما احب هالحركة
لا تتهيبل وتروح تتسلف سيارة خويك الكشخة وترزها عند باب اللي بتخطب منهم.لأن الخطيبة مصيرها تعرف انها موسيارتك وتطيح من عينها
اثناء الشوفة لا تستحي..بل قزقز من راسها لرجلينها ولا يهمك ابوها ولا اخوها هذا حقك.. بس لا تطولها .. يعني نظرات خطافية :3:
وفي الخطبة ان صار فيه مكالمات بعد ما يولفقون عليك.. فلا تصير لصقه وعلة وريد كل شوي وانت داق عالبنت.. (وينكم فيه)؟ وش سويتوا اليوم؟؟ ما وحشتك؟انتي علاسريروال في المقلط؟؟.......يخرب بيت السؤال!!

ولو كتبت كتابك على البنت قبل فترة من العرس بديت تأثث بيتك.. لا تاخذها الاعشان تتختار غرفة النوم بسسسسسسسسسسس والا باقي الاثاث اختاره انت والا خلها هي تختاره كله
لانكم اذا بديتو تطلعون مع بعض تختارون الاثاث فراح يطلع الاثاث مشكل تشكيله عجيبه وألوانه كنها الوان شراب " تكرونيه" بالمربعانيه عند الحرم
كذلك اضبط ميزانيتك على مستوى معين من الاثاث بمعنى موتشتري لوحة ب3000 والمجلس ب5000 يعني ما فيه توازن او تشتري لوحة من حلة بن دايل ب 20 ريال ولوحة من ايكيا ب 150 ريال
فيصير بيتك وكانه حراج بن قاسم من كل بحر قطره وتصير مثل اللي بيتهم طين وعندهمرولز رايلز..
واياني وإياك تظهر بمظهر مثالي في الخطبة .:11: . خك على طبيعتك بحيث تقول للبنت هذا انا ..
مو تصير حبيب:5: بالخطبة وشارون بعد الملكة:10:

ثالثا: (( ليلة الزواج))
(18 سنة فما فوق بس)

ليلة العمر والليلة الوحيدة اللي تحس فيها انك اهم واحد في الاحتفال .. فلا تصدق عمرك ويكبر راسك!! خلك طبيعي يا مال البطاطس...
ولا تكثر من شرب الشاي والقهوة ليلة العرس بعدين تنتفخ المثانة فتتورط لأنه صعب اذا رحت وجلست جنب العروس على الكوشة تقول:بعد اذنك بأروح الحمام
صدقني راح تقول البنت اللى هذا اوله ينعاف تاليه!!
فلنفرض انك قمت من الكوشة ! بعد ما تخلصت هل راح ترجع وتجلس مرة ثانية جنب العروس؟
والا بتطلع من هناك؟؟ يعني بالعربي راح تبلش بلشه ما بعدها بلشة!!
لأنك اذا رجعت بيولون الحريم: جاه اسهال من الخوف من المدام اجل اذا راحو البيت بلحالهم وش بيسوي هالخواف؟
فتصبح علكة في فم الرايح والجاي
وليلة العرس ارفق على سيارة الرجال اللي انت متسلفها منه!!لأنك ممكن تصدم لأنك ما تعودت تسوق وجنبك وحده..
خلك ذوق وحط يد البنت فوق القير حق السيارة وحط يدك فوقها بس لا تكثر تفغيص لأنك ممكن تتهور ويصير لك شي وبعدين والا شد عضلي وبعدين تصدم في اشارة..
لاحقين خير انشالله ..يامل البطاطس
واذا جيتو تدخلون البيت .. افتح الباب وخلها تدخل قبلك وامزح معها شوي ( خشي برجلك اليمين يا حياتي) وبعد ما تدخلون (ارقع )ذيك الزغروته اللي تهز اركان البيت.. ثبت الله اركانك.:5:

رابعاً: ((سوالف ليلة العرس))
رأيي انه بالامكان التحدث في مواضيع تتعلق بذكريات الخطوبة .. والابتعاد عن المواضيع الرسمية بمعنى تجب الاتي:-
1-انتبه تتميلح او تنكت اكثر من اللزوم لأن الموضوع سينقلب ضدك وبدال ما تصير وش زينك تصير كخه##
2-انتبه تجيب طاري امك ليلة العرس وتقعد تقول لبنت الناس من ليلة ( أنا بصراحة امي اغلى امرأة عندي بالعام) طيب ياكاظم الساهر..
والا تقول انا امي بصراحة ابيك تشيلينها فوق راسك انا امي بصراحة مابي احد يزعلها انا امي بصراحة مالها غيري..
((الله ياخذ ابليسك انت وامك))لا هالحين ادخل بالعقال والسك
مافيه شط ان الام قدرها عاليومكانتها عظيمة بس لكل مقام مقال ومافيه مناسبة انك تجيب طاري امكوممكن تأجل الموضوع لليلة اخرى
3- امدح مكياجها وفستان فرحها لأنها تعبت شهور حتى تظهر لك بهذا المظهر اللي تتمتع فيه انت وعيونك هذي المغمصة
وتى لو كنت كمخة في مواضيع الذوق واللبس ولاتفهم شي امدح وخل عباراتك فيها صدق بحيث تكون الكذاب الصادق فهذا من شأنه انه يحسسها انها جميلة بعينك ويرفع وحها المعنوية ويخليها تهضمك يابو كوع
(بني) مفروك لين قال بس فتغير من الاسود الى البني..
4-انتبه ثم انتبه ثم انتبه انك تصير عاطفي او تخق من اول ليلة وتقول للبنت بصراحة انا احبك واموت فيك لأنها مؤكد مو راح تصدقك (ما امدى بسم الله تحبها)
واول ما تلمس يد تختلف عن يدك صديقك الضب تخق وبسرعة تسعبل وتقول : آآآآآآآآه الله لا يحرمني منك , احبك احبك احبك .. ياااااااااااي
خلك ثقل وخل سلوكك هو اللي يقول للبنت انك تحبها مو اساليب قردنه .. احبك وبعدين تقول لها : وش رايك نلعب عريس وعروسة.؟
ترى هالحركات اذا مشت على جدتي وجدتك ماعاد تمي على بناتالحين!!!
< معاني الكلمات>: (قردنة)محاولة اقناع جاده يتخللها وضع اليد على الكتف مع تنزيل الرأس وكأنك بتقول سر للطرف الاخر مع الاتجاه (لقرن) الغرفة

خامساً: ((ملابس ليلة العرس))
بعد ما تفسخ ثوبك وشماغك وعقالك تروش الله يصلحك لأنه ممكن ريحتك تكون طالعة انت ما تدري من كثر السلام والقلق اللي عشته في قصر الافراح ولا يهمك انك راشلك كم بخةعلى الشعرات اللي بصدرك وبازن بها
تنظفواااا ابتل اعلم فيكم ..هماااه!!
بعد الانتهاء انتبه تلبس ملابس تظهر (مفاتنك) مثلا تجي بلبس داخلي وفانيلة علاقي وتصير وكأنك ((ماوكلي)):12:
انتبه تصير قروي وتلبس سروال ابو حبل ذاك اللي يخليك كأنك بقرة او بيجامة نوم مخططة وتصير كأنك حمار وحش تكلم عربي..
اختر اللبس المناسب لجسمك
مثلا شورتات رياضية اذا كان جسمك رياضي .. واذا كنت دب فخلك بثوبك وشماغك استر لك وغير ملابسك اذا نامت المدام وفاجئها في الصباحية
##للإحــــــــــــــــــاطة##
إن قمصان النوم النسائية (مشققة) وشفافة وكلها حرجات.. انتبه يسول لك ابليس وتقول : اففففففففففف البنت خربانه .. من هالحين لبست كذأ!!
ترا الموضة كذا وتطوروووووااااااااا ابك عجزت اعلم فيييكم!!
ملاحظة اذا لبست المدام قميص نوم رايق ترا مو معناها طب فيني..خلك ثقيييل والا ترا باجيب ثقالات اربطها برجلينك

(سمعت بقصة واحد طلق زوجته ليلة الزواج بعد ما شافها لبست له لبس (مشخلع).. قال العم: اكيد انها دلشره! ولبسها مني مطمن له!؟ (طيب ياكلومبو):3:
احتمت كبدي يوم معت هالقصه من القهرّّّ

سادسا:((الخطة المحبوكة للقاء الحميمي))
حذاي حذاري ثم حذاري وهذا انا اقولك انك تتحرش بالبنت (جنسيا) حتى ولو كانت زوجتك.. فكما يقال (احذر ان تبدأ حياتك الزوجية بحادث اغتصاب)..
لأن البنت مو معناها انها صارت زوجتك ومتبت هالوريقة انها فصخت الحياء وتصير لعبة بين ايديك..
اجعل بداية حياتك الزوجيةقصة رومانسية متعددة الفصول.. ليلة الزواج تكون بمابة لقاء اثنين للتعارف مافيه الا الحديث واذا كثرت امسك يدها ولا تتعدى لأشياء اخرى..
عسى يدك الكسر .. ممدين ..هماااااه

اليوم الثاني انتبه تستقبل زيارات من الاهل ..وأعزمها في مطعم راق ولا تجلس تجرجر (بالبارتشن) وتقعد تناظر فيه فتحة صغيره مع هالجهةاو ذيك.. وتسدد فيها
وتصيركأنك مهندس عشش حمام..
في ليلة اليوم التالي غالبا يكون فيهعشاء عند اهل الولد ..تعشوا وبعدها اطلعوا ورح انت وياها (كوفي شوب) وانتبه تقرا جريدة او مجلة!! واعطها وقتك كله..:5:

اليوم الثالث حاول تسافر انت وياها للعمره بعدين لمدينة جده لسكان المملكة العربية السعودية او مدينة اخرى لسكان الخليج (او لقريح وابو زنة لباقي الدول)

((اللقاء الحميمي لا يمكن تحديد الوقت المناسب له ))بل يعتمد على الظروف والمتغيرات والتي لا يمكنان اعرفها فأنت الذي في ارض المعركة ..فحدد انت!
لأنه لا يمكن يجي احد يحارب عنك.. واللي ما يجي اليوم ..يجي بكرة,,,:11: ,,,,,,



((منقول مع بعض التغيير))