موقف حصل لأحد أقاربي.... - هوامير البورصة السعودية

05-07-2011, 12:13 AM

المشاركه #1

قلم هوامير المميز

تاريخ التسجيل: May 2005

المشاركات: 6,143

خلوني اذكر لكم موقف محرج حصل لي قريب , مع بداية هذا الترم تقريباً

ونخلي الحديث عن الماضي على قول عمرو دياب ( ما بلاش نتكلم في الماضي .. الماضي دا كان كله جراح )

,,

مع بداية هذا الترم قررت ابحث عن وظيفة في مكتب محاماه كمتدرب بإعتبار ان تخصصي قانون ( حقوق )

وارسلني احد اقاربي لمحامي معروف على حد قوله رغم اني ما قد سمعت به قبل كذا

وسألته ان كانت الوظيفة مضمونه او لا

قال لي : لا مي مضمونه لكن انت اثبت نفسك عند الرجال اذا قابلته واحسن في التعامل وان شاء يوظفك عنده

قلت له من هذي الناحيه فإزهل العلم

رحت عند الرجال وقابلته في مكتبه وكان شوي يظهر عليه الغرور

جلست اشرح له اني ما اقدر اجيه في الصباح بسبب المحاضرات لكن بداوم عنده من بعد العصر

قال انا افتح المكتب من الصباح واقفلّه الساعه 3 العصر وما افتحه في المساء

وفجأه دخل علينا خوّيه في المكتب اللي يشتغل فيه

وقال له تعال مكتبي شوي بوريّك شيء

المهم راحوا وسحبوا علي حول نصف ساعه

وانا كان ودي اروح ألعن والديهم الاثنين بس كان لا زال عندي امل في الوظيفه

وخلال النصف ساعه جلست اتأمل في مكتب هذا المحامي

وشفت صورة معلقها له في المكتب مسوي ابو متعب هو ووجهه

( مرفوع القدر تاج روسنا بو متعب )

وبعد نص ساعه رجع هو وخويه وجلس على مكتبه ولا كنه لطعني نص ساعه

وانا بصراحه ما ادري خوّيه وش الشيء اللي جالس يوريّه طول النص ساعه

الاّ اذا كان تحمسّوا مرّه !!

المهم جلس يعطيني قصة حياته وكيف صار محامي له مكانته بين الناس

وخويه جالس جمبه يهز راسه وانا اهز راسي معهم واقول ما شاء الله عليك

وقال لي انه مستعد يخليني امسك المكتب في الفترة المسائيه بس رح يكون بدون راتب

لكن بيعطيني نسبة على كل قضية اسجلها واخلي المكتب يمسكها ويرافع فيها

قلت تم وانا موافق وان شاء اكون عند حسن الظن

قال ترى يمكن تجلس بالايام ما تجيك ولا قضية ويمكن تحس انك انظلمت

قلت له انا هدفي الاكبر الاستفاده مو المال وانت محامي كبير وان الله بستفيد منك كثير

قال ممتاز وانا جالس اقول لك الكلام هذا بس عشان تكون معي في الصوره

( هو قصده اكون فاهم الموضوع مثل ما يقصده هو )

وانا افكر ان قصده اكون معه في الصوره اللي معلقها له في مكتبه

وجلست اطالع في الصوره وابتسم وهو يطالع فيني مستغرب

وقلت في نفسي لازم ارد عليه رد ابيّن فيه احترامي وتقديري له ولثقته فيني

وحسيت اني بعد هذا الرد بتوظف عنده مباشره

قلت له : انت درست واجتهدت وصنعت لك اسمك ومركزك حتى استحقيت ان تضع صورتك هنا

لكن انا توني مبتدي وان شاء الله سأكون محامي بمجرد عملي عندك

وقلت له ممازحاً : واخاف تحطني معك في هذي الصوره واشوّه عليك منظرها

لكن يشرفني مجرد كلامك هذا وثقتك فيني اللي جعلتك تفكر بوضع صورتي مع صورتك في مكتبك

طبعاً كان عندي اضافه لكن قاطعني خوّيه بضحكه شكيّت انّه ابليس اللي قاعد يضحك

ومسك معه المحامي خط وجلسوا يضحكون الاثنين وانا مدري وش السالفه

وجلست اضحك معاهم على خفيف مثل الغبي

وانتظرهم يسكتون ويعلموني ليه كل هذا الضحك

لكن مصخوّها وطولوّها في الضحك وانا كان نفسي يكون معي بنزين واوّلع فيهم

ويوم سكتوا قال لي المحامي اسف اسف كمّل اللي كنت تقوله

قلت لا بس كنت اقول انه يشرفني ......

وقاطعوني ورجعوا يضحكون وحسيت اني جاي مستشفى المجانين مو مكتب محاماه

وقلت لهم ووجهي يملؤه قليل من الغضب وقليل من الخوف من خسارة الوظيفه : وش سالفة كل ذالضحك

قال لي : انت وش سالفتك مع صورتي !!

قلت انت تقول اني بأكون معك في صورتك هذي فقمت بينت لك وجهة نظري

قال انا اقصد تكون فاهم وتكون الصوره واضحه في راسك !!

قلت اهاااااا الحين فهمت وقلب وجهي احمرررر وما عاد عرفت وش اقول

ورجعوا يضحكون الاثنين

وقمت انا وقلت سلام عليكم نشوفكم على خير

وطلعت من المكتب ووجهي انواع الاحراج

والرجال يضحك ويقول تعال تعال

وانا نزلت بسرعه واركب السيارة وطبلوني على البيت لا ابوه مكتب ولا ابوها محاماه ,,

,

منقووووووول بدون اي اضافة او نقص ...مرروها كما جااااءت

الموضوع الأصلي : اضغط هنا || المصدر :
الملتقى الــــــعـــــــام للهــــــوامــــــــيــــــــر

05-07-2011, 02:19 AM

المشاركه #2

دنيا غير

عضو موقوف

تاريخ التسجيل: May 2011

المشاركات: 3,089

وانا افكر ان قصده اكون معه في الصوره اللي معلقها له في مكتبه

وجلست اطالع في الصوره وابتسم وهو يطالع فيني مستغرب
هههههههههههههههههههه
احرااااااااج

05-07-2011, 03:42 AM

المشاركه #3

ذهب24

عضو هوامير المميز

تاريخ التسجيل: Jun 2011

المشاركات: 2,144

هاههههههههههههههههههههههههههههههههه
احس انه انت الي حصلة الموقف

05-07-2011, 12:44 PM

المشاركه #4

المتفائل00000

قلم هوامير المميز

تاريخ التسجيل: May 2005

المشاركات: 6,143

اقتباس:

المشاركة الأصلية كتبت بواسطة ذهب24

هاههههههههههههههههههههههههههههههههه
احس انه انت الي حصلة الموقف

:5::5::5::5::5::5::5::5:

لا والله مو أنا

شكرا لك والاخ دنيا غير
أنتما دائما على الرحب والسعه..
أيام النزول والاحمراااار تعجبني مثل ها المواضيع يطرد الملل والضيقه
وترسم الابتسامة لمن بحث عنهااااا...

05-07-2011, 12:47 PM

المشاركه #5

هذ1 1نـ1 111

قلم هوامير المميز

تاريخ التسجيل: Nov 2005

المشاركات: 4,787

ابوك يالإحراج ههههههههههههههههه !! بس بصراحه مصخوها بقوه مع الرجال ..

05-07-2011, 12:55 PM

المشاركه #6

المتفائل00000

قلم هوامير المميز

تاريخ التسجيل: May 2005

المشاركات: 6,143

اقتباس:

المشاركة الأصلية كتبت بواسطة هذ1 1نـ1 111

ابوك يالإحراج ههههههههههههههههه !! بس بصراحه مصخوها بقوه مع الرجال ..

:5::5::5::5::5::5:

حلاتها كذا مثل ها المواقف..

...

حيااااك اخوي شرفت...

05-07-2011, 01:16 PM

المشاركه #7

فـــــرح

عضو هوامير المميز

تاريخ التسجيل: Oct 2006

المشاركات: 7,034

هههههههههههههههه

ابو الاحراج

يالله تنذكر ماتنعاد
ومايحس بالموقف الا الي قد طاح بمواقف مشابهة

يعطيك العافية

05-07-2011, 01:20 PM

المشاركه #8

عروب

روح الملتقى

تاريخ التسجيل: Feb 2007

المشاركات: 20,273

اسمح لي هو بعد طموحه مره عالي..

توه طالب ويفكر يرز صورته مع هالمغرور .. قويه ...!

05-07-2011, 01:24 PM

المشاركه #9

زهرة السوسن *

كاتبة قديرة

تاريخ التسجيل: Jul 2009

المشاركات: 21,950

ههههههههههههه

من جد موووقف محرج اووووي

05-07-2011, 01:25 PM

المشاركه #10

فـــــرح

عضو هوامير المميز

تاريخ التسجيل: Oct 2006

المشاركات: 7,034

اقتباس:

المشاركة الأصلية كتبت بواسطة عروب

اسمح لي هو بعد طموحه مره عالي..

توه طالب ويفكر يرز صورته مع هالمغرور .. قويه ...!

مو مسألة طموح
هو كان جل تفكيرة بالصورة
ولما جاب المدير طاريها
الفيوز تشابكت
<<< حاسة باحساسه دايم تحصل معاها:5:

05-07-2011, 01:30 PM

المشاركه #11

عروب

روح الملتقى

تاريخ التسجيل: Feb 2007

المشاركات: 20,273

اقتباس:

المشاركة الأصلية كتبت بواسطة فـــــرح

مو مسألة طموح
هو كان جل تفكيرة بالصورة
ولما جاب المدير طاريها
الفيوز تشابكت
<<< حاسة باحساسه دايم تحصل معاها:5:

شكلك تتنحين وقت المقابله:5:

ترى كبيره شوي إنه يفكر صورته مع صاحب المكتب حتى لو احترقت الفيوز

قوويه ...!!

05-07-2011, 01:42 PM

المشاركه #12

$$$سيف$$$

سيـــف الملتقى

تاريخ التسجيل: Aug 2008

المشاركات: 7,676

المتفائل

الله لا يفشل مسلم :5:

صراحة قاعد اقرأ وأضحك <<<<<<< اسعدتنا الله يسعدك :5:

وأنا معااااااااااااااااااك في الصورة :11:

صفحة 1 من 2

مسوي فيهااا!!!

ضيف جديد رحبوا فيني

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

03:26 PM