على طاري اسم الام ..
بعد تخرجي من الثانوي ..
كان عندي مقابلة شخصيــه ..
وهي اول مقابلة شخصيه لي ..
فكنت اسأل الشباب ..
وش يصير في المقابلات الشخصيه .. ووش الاسئله .. ألخ ..
فالاغلبيه منهم ذكرولي انهم راح يسألونك عن اسم الام ..
فيقولون لا تستحي .. قوله .. وخلك طبيعي ..
رحت المقابلة الشخصيــه ..
بدأو بالاسئله .. طبعا بالانجليزي ..
اسمك .. عمرك .. وكم سؤال ..
ثم سألني هالسؤال ..
وت از يور مدل نيم .؟؟
عاد انا جاوبته : صالحه .. والابتسامه تشق وجهي ..!!
يطالع بأوراقي .. وشفت فيه علامات الاستغراب ..
رجع سألني ..
وت از يور مدل نيم ..؟؟
وارجع اجاوبه : صالحه .. اقولها وكلي شجاعه .. :5:
عاد هو يقولي .. وين مكتوب الاسم .. ووراني الورقه ..
كلمته بالعربي ..
قلتله .. انت ماتبي اسم الوالده ..
قالي يا ابني ..
انا ماقلت مذر ..
قلت مدل .. مدل ..
عاد انا : اهااااااا .. مدل نيم ..!! (( والاحراج مقطعني تقطيع ))
حسبي الله على اخوياي ..
من كثر ماذكرو لي السؤال .. دخلت المقابله وضامن انه بيسألونه 100% ..
يعني ادخل المقابله .. وانا ماهمني من ذكر اسم الام .. والموضوع عادي ..!!
وخرجت من عندهم .. وانا متشقق احراجات .. والسبة اسم الام ..:13: