اعجبتني هذة القصيدة للشاعر فلاح السعيدي شاعر كويتي فالقصيدة جميلة جدا فيها بلاغة وحبكة
هاض القصيد اللي توّقد من الراس
اللي حروف القافيه مـا عكسهـا
فانوس فكري يشتعل وقت الأدماس
نوره يجديني وأنا أضْوِي قبسهـا
الحكمه اللي تنكتب فوق قرطـاس
بين الضلوع الحانيـات نحرسهـا
لا باس ياللي تشكي الباس لا باس
لا تشتكي ضيم الليـالْ وعبسهـا
ما كل أجناس إتجانس مع أجناس
بعض المجالس خاب منهو جلسها
الله خلق للناس ناسٍ من النـاس
ناسٍ معاها الناس تلقـى ونسهـا
قلوبها تلقى بها طيب وإحسـاس
والكلمه الحلـوه اتخالـط نِفسهـا
ولا دخل لقلوبهـم كـل وسـواس
وشر الحسد لنفوسهم ما خنسهـا
ويحدهم للطيب ساسٍ ورا سـاس
ساسٍ مسيس والردا مـا دنسهـا
إتعب على خوة بعيدين الأرمـاس
اللي ليا شـاف الجمالـه فرسهـا
إزهم عليهم كل ما جاك هوجـاس
وإترك حواسيسك معاهـم ودسهـا