11-11-2011, 09:37 PM
يروح العمر والدَين مـن ذمتـي مـا راح
مـع كـل دربٍ تتبـع الـجـره الـجـره
لياجيت بارَفـه عـن النفـس والا ارتـاح
ذكرتـه وبـدل حلـوة التمشـيـه مــره
دخلنا بسوق التهلكه فـي رجـاء الا ربـاح
وجنينا الخسـاره والنـدم وابشـع الحـره
نحسبه يعيش بخير وثـره كمـا التمسـاح
بلع كـل ماحصـل مـن النـاس وجتـره
يقولون خسر السوق ماكـان فيـه ايضـاح
اشاعات كـذبٍ راجـح العقـل مـا قـره
لو اْنـه خسـر ماهـل وبلـه وبرقـه لاح
ونهب كـل محتـالٍ مـن الكنزلـه صـره
غزونا بدون سيوف وبـدون زرق الرمـاح
يقولـون فرصـه كفـة الـعـدل مفـتـره
لو ن فيه قانونٍ يوقـف جشـع الا شبـاح
ماكـان اكثـر العربـان ياحمـود منظـره
على الله مولانا العـوض فالـق الا صبـاح
ما يخفاه في ذا الكـون مـا يثقـل الـذره
يجبر كسر شعـبٍ طامـعٍ فالمقـام وطـاح
حطمه الزمان الشيـن فـي بـرده وحـره
تلقا الخلاء فـي ليلـةٍ مـا لهـا مصبـاح
هلك وانطرد من خير بحـره ومـن بـره
غدا المال والماوى تحـت قبضـة السفـاح
ذاك المجرم اللي ما حـدٍ سلـم مـن شـره
يابو متعب اسمع صوت شعبك يصيح اصياح
وشف وجيه شعبك من جفا الوقـت مغبـره
الا سعار طارت واشتغل ساهـرٍ و اجتـاح
بقايـا معـاشٍ ناظـر العيـن مـا سـره
بطاله وحرمـان العمـل يزهـق الا رواح
و فسـادٍ اداري واضـحٍ مـا حـدٍ غـره
تحطيم الطموح يقتل النـاس قتـل سـلاح
والا جربـه يكـود منهـو طـعـم مــره
متى تصلح النيه مـع الراعـي المصـلاح
يدين الكرم تبسـط لهـا الارض مخضـره
ويدينك كريمه يا بو متعب ماهـي بشحـاح
لكن منهو اللـي يخفـي العلـم لـى مـره
احيان العضـو يحتـاج لجراحـة الجـراح
واحيـان يتطلـب بتـر لا ترجـع الكـره
الا وضاع خربت لا زمٍ هيكلـه واصـلاح
عيـون الشعـوب اليـوم بالشـر محمـره
رساله ونـا مـن حقـي اقولهـا بافصـاح
انكـان الصحيـح يقـال وافكارنـا حـره
| |
|
|
|
22-11-2011, 09:42 PM
| أدوات الموضوع | |
| تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
