ماينحني راسي .. إلى صار مرفوع
والى انحنى راسي .. برجلي وطيته
قصر الكلام أنهيت أنا كل موضوع
ومن لابغاني صاحب ما بغيتـــه
أخطيت أنا مير الخطأ .. قيل مرجوع
واللي على الجـفوى صمول نسيته
صياحي .. أحسن لي من أعيش موجوع
وحب يبي ينهي حياته نهيــــته
ما عندي إمهال .. ولا وقت لدموع
قلب يساوم عالكرامة عصيتــــه
لا وألف لا .. عاصي ولا أطيع له طوع
وكأني كتبت الحب..توي محيتـه
قولوا لي إنسان غدا شاذ بالنوع
قلبي ولو انه كرهني .. رميــــته
واليوم جاء للخاتمة .. شمس وطلوع
يمحي ظلام سنين جاني وجيتـــه
والحر مايحتاج له يحني ظلوع
والجمر .. لين أحرق يديني كليته