إفرضي إني طلعت وگنت متنرفز گثير - هوامير البورصة السعودية

01-03-2012, 09:09 PM

المشاركه #1

السكب 12

عضو هوامير المميز

تاريخ التسجيل: Apr 2011

المشاركات: 6,413

إفرضي إني طلعت وگنت متنرفز گثير

إفرضي إني طلعت وگنت متنرفز گثير
ورحت من عندگ مضيع في الأماگن والجهات
بعد ما اشتد الخلاف بوضعنا واصبح مثير
قلت: آهدي__وألعن الشيطان واطلع في سگات
إتجهت وسايق'ن' سيارتي عگس المسير
وصار لي حادث ومت وخبروگ: فلان مات
علميني عندها بالله وش ممگن يصير؟
لو عرفتي من عقب زعلتك فآرقت الحياة

تلطمين خدودگ _ تشقين ثوبگ __ مآيصير
دآمگ تلومين نفسگ بعد مآ فات الفوات
ليه مآقلتي لي : إقعد والزعل ملعون صير
والله و الله ماتطلع گذآ بأعصاب مافيها ثبات
ليه خليتيني آمشي حالتي حالة ضرير
ولآ يعني گآن حبك _ حب آنانيه وذات
وليه آنا من بعد گنت الشخص الأول والأخير
في حياتگ وبسهوله صرت مثل الذگريات
والله آن تبطين وانتي ماعلى شفتگ غير
إسمي المگتوب ضمن آوراق تقرير الوفاة
تندمين العمر گله __ أو يأنبگ الضمير
مآ افرقت _ مادمت مآضي في ملفاتگ وفآت
بس يبقى ذنبي برقبتگ وآنا الصب الأسير
اللي گبلني غرامگ والوفا والتضحيات
جربي الدنيا بدوني كيف واقعها مرير
وگيف لآ عزوگ فيني وصرت قدآمگ رفآت

تدرگين بوقتها معنى العبوس القمطرير
وتشعرين آنگ يتيمة آهل وآخوان وخوآت

وتذكريني وتذكرين الشعر وآنسام العبير
والعطر
والورد_ وألبوم الصور
والأغنــــــــــــــــــــيات
والسوآلف
والغنا_ واهداءنا عبر الأثير
والإضاءه الخافته
والليل وآحلى الأمنيات
والرسايل
والشموع اللي في مأوانا تنير
والمجلآت القديمه_ والكتب_ والملزمات
والهدايا من قطع ألماس وعطور وحرير
والأثاث اللي خذا حمرته من لون الشفاة
والبحر والصيف والشاليه و<اللبس القصير>
والشتا وآحضانگ اللي غير گل المدفئات
والإجازه والسفر والعيد والمطر الغزير
والمقاهي والمطاعم والطرق والتمشيات
وآسمي اللي مخزن بجوآلك الصغير
<آجمل الإحساس> لگن مآت يآ<ست البنآت>

ذگريآت تحاصرگ من گل صوب وتستثير
دمعتگ في گل غمضه وانتباه وإلتفات
عن حگآية حب في هالوقت منقطع النظير
حب يكرم عن ردى الشهوه_ وألسنة الوشاة
حب مدري ويش يكتب عنه؟ لگنه گبير
آكبر من أحساس آصدق شاب مع أوفى فتاة

بس !!!
بس!!!
بس !!!

............لاتبگين يبقى گل ماقلته نذير
وافترآض لگل مآيمگن حدوثه لي وآآت
لجل ذلگ فگري وش هي النهاية والمصير؟
گلها حفره وجمع من الملآ عقب الصلآة
والله ماتسوى الحياة نزعل الغالين مير
سآعة الضيق يتعگر صفو الأنفس والذوات
ليش آجل مانستغل الوقت دآم آحنا بخير
وليش مانرضى حبايبنا ويلتم الشتات
يعني لآزم ننتظر؟ والوآقع آيامه تطير
وآحنا ماندري نبات الليل وإلآ مانبات

العشير آصلا يحز بنفسه يزعل عشير
الله آگبر گيف مآحزت بنفسگ هالسوآت
يوم شفتيني طلعت ووضعي النفسي خطيير
وقتها اشدراك يمگن موتتي حانت وجات
فأحرصي دآيم علي ولآتغيظيني گثير
وآذگري دآيم شعورگ لآدريتي وقيل::
مــــــــــــآآت"

الموضوع الأصلي : اضغط هنا || المصدر :
قصائد الهوامير

05-03-2012, 09:19 AM

المشاركه #2

الحاسه العاشره

عضو هوامير المميز

تاريخ التسجيل: Aug 2006

المشاركات: 3,589

العشير آصلا يحز بنفسه يزعل عشير
الله آگبر گيف مآحزت بنفسگ هالسوآت

كلام جميل تقبل مروري .......................... :11::11::11:

30-07-2012, 05:21 PM

المشاركه #3

ablaze

ابو امجاد
كاتب مميز

تاريخ التسجيل: Jan 2009

المشاركات: 13,835

صح لسانك ولسان الشاعر
(خيال واسع)ونفس طويل وابيات روعه
شبيه باسلوب حامد زيد

انا ماني مثل غيري تعذبني واصفق لك

اهداء قصيده الهوى والنور لملك الفن خالد عبدالرحمن

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

09:52 PM