هوامير البورصة السعودية

هوامير البورصة السعودية (https://hawamer.com/vb/index.php)
-   منتدى قصائد الهوامير (https://hawamer.com/vb/f18/)
-   -   بيت شعر اعجبني .. (https://hawamer.com/vb/hawamer2059276)

ابو محمد مشعل 06-01-2017 11:58 PM

بيت شعر اعجبني ..
 
لا صار ساس البيت مبني على طيب ... كثرة عواصيف الزمن ما تضره.
يبقى بعين اهل الوفاء والمواجيب ... قدره كبير ولا نقص ربع ذره .

ابو محمد مشعل 09-01-2017 12:16 AM

رد: بيت شعر اعجبني ..
 
بعض المواقف من وراها محاصيل
تكشف لك إسدود الرجال وخبرها

يا تكسب قروم الرجال المشاكيل
والا تجي من دونــها وتخسرها

ابو محمد مشعل 09-01-2017 09:21 AM

رد: بيت شعر اعجبني ..
 
منقول :

يقول من غنى بزين المثايل........يبدع بيوتٍ وافياتٍ منقاه

دام الشعر بالراس والهم زايل...والعمر مقفي والليالي تقفاه

حيت يارسٍ على الكيف قايل..مثل سحاب الخير لاجا انتثر ماه

ماجيت في مدح ولاكذب شايل ..ولاجيت في مدح الهنوف المسماه

أمي لها بالقلب خير وفضايل...تفرح بها الاشعار لاقلت يماه

يزهاك يابنت الوفا والاصايل....يزهاك مدح الشعر اقصاه وادناه

بنت الرجال وبنت نعم الحمايل.. بنت الوفا والعز والطيب والجاه

بنت الرجال امكملين الجمايل...اللي تعرف الخير والطيب ترقاه

ياما صبرتي بين ليل وقوايل...ياما سهرتي ابليل ياشين مسراه

فيك الصبر ميزه ونعم الخصايل...فيك الوفا والطيب حنّا ورثناه

نعم الايادي نعم بيض الفعايل...واللي يسوي خير لابد يلقاه

يفداك شرق الشام واهل القبايل...واللي ورا لبنان والكون وياه

ابو محمد مشعل 12-01-2017 10:03 AM

رد: بيت شعر اعجبني ..
 
أحرص على اللي دايم الدوم شاريك .....وأحذر من اللي لا قسى الوقت باعك .

ابو محمد مشعل 12-02-2017 01:01 PM

رد: بيت شعر اعجبني ..
 
منقول:

في ضحكته لحن الغرام الطَّروبِ
في مسمعي لحنه على البعد ما غاب

يشهد على ما اقول قلبٍ تعوبِ
قلبٍ غدى به سيد أهل نجد نهَّاب

سلطان 2014 12-02-2017 01:12 PM

رد: بيت شعر اعجبني ..
 
لا تكثر الدوس يا خلي ولا تراهم يملونك
لا أنته ولدهم و لا طفل يربونك.
الدوس الزياره

ابو محمد مشعل 12-02-2017 03:05 PM

رد: بيت شعر اعجبني ..
 
اقتباس:

المشاركة الأصلية كتبت بواسطة سلطان 2014 (المشاركة 35577824)
لا تكثر الدوس يا خلي ولا تراهم يملونك
لا أنته ولدهم و لا طفل يربونك.
الدوس الزياره

صح لسانك .. شعر في الصميم.. احسنت.

ابو محمد مشعل 20-02-2017 10:35 PM

رد: بيت شعر اعجبني ..
 
قال الوداع و مقصده يجـرح القلـب
محال قلبي ينجـرح مـن وداعـه
أن حبني يا مرحبا براعي الحـب
و ان راح ربي يحفظه كـل ساعـه

ابو محمد مشعل 27-02-2017 09:08 AM

رد: بيت شعر اعجبني ..
 
تعال واشرب من خفوقي فناجيل....قهوة غرامك طعمها شي ثاني.
الهيل حبك والوفاء له معاميل .... والنار شوقي وسط ذيك المعاني.

ابو محمد مشعل 28-02-2017 11:11 AM

رد: بيت شعر اعجبني ..
 
كل خل يحب خله في حدود .... بس انا جاوزت حدي في غلاك .

والسبب مالك شبيه بالوجود ... خالقك ربك على صورة ملاك .


09:15 PM

Powered by vBulletin® Version 3.8.11
Copyright ©2000 - 2020, vBulletin Solutions, Inc.

جميع المواضيع و الردود المطروحة لا تعبر عن رأي المنتدى بل تعبر عن رأي كاتبها وقرار البيع والشراء مسؤليتك وحدك