للحزن في جوف المفارق مسافات
للحزن في جوف المفارق مسافات
مشيتـــــــها لين الجروح اتعبتني تبكي حرووف الشعر في بعض الابيات لاني ماني اكاتبها هي الي أكتبتني راحت وقالت بعود ولا جات مــــــــرت علي شهور ما كلمتني ماغير اوزع للوجيه ابتسامات وانا مشاهيب الفراق احرقتني كذاب من قال المحبه سهالات عطيت لايامي وهي ماعطتني في قلبها ما اضن ذاك الوفا مات كني بها في اخر لقى يوم جتني قالت بغيب وقلت وش صار بالذات قالت ظرووفي عن وصالك حدتني قلت الظرووف اقدار رب السموات ومرت دقايق صمت ما جاوبتني وقفت توادعني وقفيت بسكات نذرن على رقبتي انها روعتني ما عاد ينفعني عليها التلفات صاحت جرووحي ليه ولا سمعتني كنت اتمنى ياقف العمر لحظات لكن عقارب ساعتي سابقتني للهجر في وجهه المحبه علامات وطيوفها عقب الوداع احزنتني راحت ومر الوقت حسره وليعات امحــــق علوم اربها ما نستني يخنق شعور الشوق في بعض الاوقات اني فلا اذكرها بيوم ازعلتني جنبتها عن كل حاسد وشمات ياليتها عن جرحها جنبتني يااغايبه عن شوف عيني سلامات الدمع والذكرى على ايش اجهدتني حبك عوض صبري على كل ما فات وملامحك عن زين غيرك سلبتني وهجرك حصل لاشك ذكراك لاجات حتى لواني بين ربعي خذتني ومشت بي اشواق وعذاب ومسافات وكل الجروح المبطيه واجهتني على كفوف الحلم للوصل رغبات لكن ظروف الوقت ما ساعدتني يالايام ساهر الليل ما بات ما شال متنك مثل ما شال متني ياليت لجروح المحبه نهايات ما كان دمعات الفراق افضحتني |
رد: للحزن في جوف المفارق مسافات
صح لسانك
|
رد: للحزن في جوف المفارق مسافات
صح السانك اخوي
|
رد: للحزن في جوف المفارق مسافات
قالت بغيب وقلت وش صار بالذات قالت ظرووفي عن وصالك حدتني قلت الظرووف اقدار رب السموات ومرت دقايق صمت ما جاوبتني صح السانك اخوي |
رد: للحزن في جوف المفارق مسافات
الله ابداع صح السانك
|
رد: للحزن في جوف المفارق مسافات
الله ابداع صح السانك.
|
رد: للحزن في جوف المفارق مسافات
صح لسانك
الله يعطيك العافية ويبارك فيك |
04:45 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
Search Engine Optimisation provided by
DragonByte SEO (Pro) -
vBulletin Mods & Addons Copyright © 2024 DragonByte Technologies Ltd.
جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك