هوامير البورصة السعودية

هوامير البورصة السعودية (https://hawamer.com/vb/index.php)
-   ساحات الهوامير المفتوحة (https://hawamer.com/vb/f23/)
-   -   بعت سيارتي على شريطي وهذا ما حصل (https://hawamer.com/vb/hawamer2516279)

ابن روزه 25-02-2021 06:47 AM

بعت سيارتي على شريطي وهذا ما حصل
 
السلام عليكم ورحمة الله وبركاته
أسعد الله أوقاتكم بكل خير

قبل ما يقارب الشهر بعت سيارتي في معارض الدمام وطبعا اغلب من يشتري ويبيع شريطية سعوديين وأجانب تجدهم قبل دخولك للمعارض ب 3 كم المهم اني بعتها لشاب سعودي الظاهر أنه صاحب معرض أو شريك له وفعلا تمت المبايعة وحول لي المبلغ واعطاني ايصال ووقعت على الاوراق وبعد مرور أسبوعين عند دخولي على ابشر اكتشفت أن السيارة لازالت باسمي واتصلت استفسر لماذا لم يتم نقلها فرد بأن السيارة في المعرض وفي الحفظ والصون وسينقلها للمشتري الجديد في اقرب وقت لانه يترزق الله حسب كلامة وبعد مرور شهر تفاجات برسالة تفيد بوجود مخالفة مرورية على السيارة في مدينة شمال المملكة (عدم ربط الحزام بقيمة 150 ريال ) وبعدها بدقائق جت المخالفة الثانية (حمل جوال بقيمة 500 ريال) فراسلته وطلبت منه نقل السيارة وتسديد المخالفات وفعلا سدد جميع المخالفات ونقل السيارة ولم ينتهي المسلسل حيث تفاجات صباح اليوم بمخالفة تجاوز سرعة على نفس السيارة واخبرته وسددها فوراً والله يستر من القادم

لذلك يا اخوان احذروا من التساهل في هذا الأمر ولاتبيع لأي شخص حتى تشترط عليه نقل السيارة باسمة لأن أغلبهم شريطة لايريد دفع رسوم النقل والتامين

@ابويزن@ 25-02-2021 06:51 AM

رد: بعت سيارتي على شريطي وهذا ما حصل
 
جزاك الله خير على النصيحة.. المشكلة لو سوى حادث قوي أو دهس بتكون مشكلة كبيرة لذلك لا للتهاون في مثل هذه الأمور..

الواثق بنصرالله 25-02-2021 06:57 AM

رد: بعت سيارتي على شريطي وهذا ما حصل
 
اذا السيارةبسمك الان انتبه تبلغ انها مسروقة لانه بيطلب برد اعتبار بلغ علي صاحب المعرض الذي تم كتابة عقد المبايعة فيه راح يتغرم صاحب المعرض

adwani33 25-02-2021 07:00 AM

رد: بعت سيارتي على شريطي وهذا ما حصل
 
ارفع بالموضوع واشتك عليهم قسم ان يرثعون بهم اما انك تكتب هذا ماصار وحصل بدون فايده

سلطان 2014 25-02-2021 07:04 AM

رد: بعت سيارتي على شريطي وهذا ما حصل
 
...........

hurt73 25-02-2021 07:11 AM

رد: بعت سيارتي على شريطي وهذا ما حصل
 
أعذرني فالخطأ منك أنت !!

المبايعة الان الكترونية ويتم الإشارة لمبلغ البيع وممشى المركبة بالإضافة الي أي بيانات أخرى ولا تتم الا بموافقة من قبل البائع عبر رقم يرسل لجواله المسجل في أبشر ، وأي معرض لا يتقيد بذلك تتم مخالفته وتغريمه !!

هاوير 25-02-2021 07:15 AM

رد: بعت سيارتي على شريطي وهذا ما حصل
 
اقتباس:

المشاركة الأصلية كتبت بواسطة ابن روزه (المشاركة 43300742)
السلام عليكم ورحمة الله وبركاته
أسعد الله أوقاتكم بكل خير

قبل ما يقارب الشهر بعت سيارتي في معارض الدمام وطبعا اغلب من يشتري ويبيع شريطية سعوديين وأجانب تجدهم قبل دخولك للمعارض ب 3 كم المهم اني بعتها لشاب سعودي الظاهر أنه صاحب معرض أو شريك له وفعلا تمت المبايعة وحول لي المبلغ واعطاني ايصال ووقعت على الاوراق وبعد مرور أسبوعين عند دخولي على ابشر اكتشفت أن السيارة لازالت باسمي فراسلته استفسر لماذا لم يتم نقلها فرد بأن السيارة في المعرض وفي الحفظ والصون وسينقلها للمشتري الجديد في اقرب وقت لانه يترزق الله حسب كلامة وبعد مرور شهر تفاجات برسالة تفيد بوجود مخالفة مرورية على السيارة في مدينة شمال المملكة (عدم ربط الحزام بقيمة 150 ريال ) وبعدها بدقائق جت المخالفة الثانية (حمل جوال بقيمة 500 ريال) فراسلته وطلبت منه نقل السيارة وتسديد المخالفات وفعلا سدد جميع المخالفات ونقل السيارة ولم ينتهي المسلسل حيث تفاجات صباح اليوم بمخالفة تجاوز سرعة على نفس السيارة وراسلته وسددها والله يستر من القادم

لذلك يا اخوان احذروا من التساهل في هذا الأمر ولاتبيع لأي شخص حتى تشترط عليه نقل السيارة باسمة لأن أغلبهم شريطة لايريد دفع رسوم النقل والتامين

الحين تاخذ بعضك وتروح لقسم الشرطة وتسوي بلاغ ((( عدم نقل ملكية))) وتحمي نفسك من المسؤلية
للعلم يوجد عندهم هذا البلاغ لايقولك ماعندنا بلاغ عدم نقل ملكية ولاتنسي تاخذ رقم البلاغ وتحتفض فيه

madmad99 25-02-2021 07:20 AM

رد: بعت سيارتي على شريطي وهذا ما حصل
 
اذا ماطل ولم ينقل السيارة باسم المشتري الجديد ،،،،،،،،،،بلغ على أن السيارة مسروقة عشان يتأدب و تعطيه درس لن ينساهـ مدى الحياة

عاشق المرقاب22 25-02-2021 07:28 AM

رد: بعت سيارتي على شريطي وهذا ما حصل
 
استغرب من اللي يقول اشتكي خلاص نقل السياره وانتهت
شيك انت في ابشر اذا السياره باسمك او لا
المخالفة اللي وصلتك اكيد قبل النقل وجتك متأخره

عموما اذا طارت من ابشر وجتك مخالفه ايضا خله يسددها ولا اعتقد بتجيك مخالفات بعد كذا


النقل لاحد يتساهل فيه ابدا انا بعت سيارتي لقريب لي وشريطي وقال بيستخدم سنتين وطلب مني تركها بأسمه وهو رجل راكد وعاقل لكن بعد اسبوعين راحت الركاده لقيته بايعها على خويه ويترجوني اني اصبر لين يبيعوها
اعطيتهم مهله 5 ايام وعقبها الوجه من الوجه ازرق
ونقلوها وافتكيت من سالفتها

الجرده في النقل لا تأمنها ابدا لابعيد ولا قريب
لاتطلع انت بنفسك من المعرض الا بعد رسالة النقل

محترف15 25-02-2021 07:30 AM

رد: بعت سيارتي على شريطي وهذا ما حصل
 
اشتكي صاحب المعرض ممنوع تخرج اي سياره من المعرض دون نقل ملكيه

اذ عندك اوراق مبايعه من نفس المعرض اشتكي والله لغير يورونهم النجوم في القايله

الواثق بنصرالله 25-02-2021 07:33 AM

رد: بعت سيارتي على شريطي وهذا ما حصل
 
اقتباس:

المشاركة الأصلية كتبت بواسطة madmad99 (المشاركة 43300800)
اذا ماطل ولم ينقل السيارة باسم المشتري الجديد ،،،،،،،،،،بلغ على أن السيارة مسروقة عشان يتأدب و تعطيه درس لن ينساهـ مدى الحياة

هذا اكبر خطاء انك تبلغ وانت بايع ممكن يثبت عليك عكس ذالك بلاغ كاذب ممكن الرجال معه ورقة مبايعة او شيك ومسجل فيه وذالك قيمة السيارة ثم يدفعه اكثر من قيمة السيارة الاحسن يشتكي المعرض لاخرج المركبة من المعرض قبل نقاها

توارن 25-02-2021 07:39 AM

رد: بعت سيارتي على شريطي وهذا ما حصل
 
الشريطية الله يهديهم قليل منهم الصادق ، أنا قبل خمس سنوات كان عندي سيارة لاندكروزر وبعتها في حراج النسبم على شخص إدعى إنه ماهو شريطي وإنه يبي يستخدمها وألح علي أخفض له من السعر 2000 ريال على شأن يركب كفرات جديدة لأنه يبي يسافر عليها للمدينة هو وأسرته ويقول كفراتها ماهي نظيفة وتحت إلحاحه خفضت له 2000 ريال وقال لي صاحب المعرض بكرى رايح تحول السيارة لإسم المشتري ومشيت وبعدها بيومين كلمني شخص قال لي إنه إشترى سيارتي من واحد ويبي المفتاح الإسبير وقلت له أنا سافرت من الرياض للشمال وقال أنا وجهي للشمال ورايح أمرك وتعطيني المفتاح وهذا الذي حصل وسألته بكم إشتريته وحصلته مشتريها بزيادة 7500 ريال


05:58 PM

Powered by vBulletin® Version 3.8.11
Copyright ©2000 - 2021, vBulletin Solutions, Inc.
Search Engine Optimisation provided by DragonByte SEO v2.0.43 (Pro) - vBulletin Mods & Addons Copyright © 2021 DragonByte Technologies Ltd.
جميع المواضيع و الردود المطروحة لا تعبر عن رأي المنتدى بل تعبر عن رأي كاتبها وقرار البيع والشراء مسؤليتك وحدك