كل واحد يعطينا تجربته
السلام عليكم
يااخوان انا لي سوابق كثيره بالسوق كل شي سويته جربت العملات وحصلت فيها فايده كبيره لكن كانت الشركه نصابه ولما طلبت منهم المبلغ اسحبه لحسابي سحبو علي وبعد البحث اكتشفت ان الشركه نصابه واكتسفت ان شركات كثيره نفس الطريقه مع العلم اني محول لمؤسسه بالسعوديه وجبت رقم صاحب المؤسسه واكتشفت ان راعيها مايدري عن الموضوع هذا والاجنبي الي فيها يسرقه وشكرني ورجع الفلوس لي انا ولله مااحط شي بذمتي هل له علاقه او لا لكن فيه اشياء كثيره وتجارب لي كثيره وبعضها غريب لكن بذكر لكم التفاصيل عشان الناس تنتبه ولا يصير لها ماصار لي ويضيع عليهم حلالهم التفاصيل قبل ماينصب علي اتصلت علي شركه كبيره ماودي اتطرق لأسمها عشان مااضر سمعتها لأن مالها علاقه وكلمت موظفه قلت انا ابي استثمر عندكم بالصندوق كم العائد كل شهر وعجبني وضع الصندوق لانهم شادين حيلهم وتفوقو علي الصناديق كلها وقلت بحط مبلغ عندكم قالت خلاص راح نتواصل معك بعد ماقفلت منهم بنص ساعه اتصل علي رقم ثابت وقال انا موظف من الشركه الفلانيه الي انا كلمتهم قبل نص ساعه رحبت فيه وقالي بتواصل علي رقم جوالك وبرسل لك الحساب تحول عليه ارسل علي رقم حساب مؤسسه وقلت هذا مو بنك مؤسسه قال ايه لازم عشان نقدر نحول الفلوس ونشتري ونبيع لك بالعملات قلت طيب عشان اتاكد حول لي شي يثبت انك موظف بالشركه واتصل علي من رقم ثابت ثاني وقلت ابي اثبات قوي صور لي بطاقه العمل تظهر لي انك موظف بالشركه وارسل لي صوره تثبت انه موظف صحيح واسم الشركه السعوديه الكبيره في بطاقته وحولت له المبلغ طبعا اي تجربه لي تكون في مبلغ صغير جدا عشان لاسمح لله صار شي اكون ماخسرت شي وبعد التحويل عطاني رابط لنفس الشركه اسم الشركه فيه وابتعدت كل الشكوك لكن مازلت حذر المهم الربح دبل في يومين والمبلغ قليل جدا وقالي زود المبلغ وكذبت عليه قلت هذي فلوسي كلها ومحتاج فلوس ابي اسحب فلوسي كلها انا قلت كذا عشان اذا الوضع سليم بترجع الفلوس واذا لا بيسحب علي وفعلن سحب علي والحمدلله فكني لله منه لكن بعدها اتصلت علي صاحب المؤسسه وطلعت حرمه وتحلف لي بالله انها ماتدري عنه وانها راح تفصله وقالت ان يجيها مبالغ كثير من ناس لحسابها لأن مؤسستها تجيب بضاعه من الخارج المهم رجعت المبلغ وشكرتني وبعدها اتصلت انا علي الشركه السعوديه وعلمتهم بالي صار وتفاجئت ان ماعندهم الشراء والبيع بالعملات فقط اسهم سعوديه وارسلت لهم الارقام وصوره الموظف وقلت لهم ان هذا الشخص له علاقه مع موظف معكم لان بعد مااتصلت عليكم اتصل علي من رقم ثابت وعطاني بطاقه فيها اسم شركتكم ورابط موقع شركتكم وعطيتهم التفاصيل كامله مع ارقام الثابت والجوال ورابط الموقع الوهمي وبعدها ماادري وش صار لا الشركه اتصلت علي وشكروني ولا علي الاقل علموني انهم تعاملو معه وحلو المشكله ماادري وش صار بعدها الشي الي صار يضر سمعه الشركه ويضيع عليهم ارباح استغربت ان محد كلمني بعدها وعلمني وش صار ماعلينا انا الي علي علمتكم بالي صار معي عشان تحذرون من اي شخص يعطيك رقم مؤسسه تحول عليه خل تعاملك مع حساب بنكي سعودي بسم الشركه وتكون الشركه مصرحه غير كذا احذر الفايده من القصه الي ذكرتها لكم ان عمليات النصب كبيره وبطرق مختلفه وكل مايتم كشف طريقه يبحثون عن طرق بديله الحذر الحذر وان شاء لله تستفيدون من الي ذكرت ولله لايخسر مسلم |
رد: كل واحد يعطينا تجربته
شكلك فاضي وتبا تسولف
حتى سالفتك تقول جرة غنم محيوسه حوس |
رد: كل واحد يعطينا تجربته
اقتباس:
|
رد: كل واحد يعطينا تجربته
كيف كذا ما يدري ان له مؤسسة وشكرك انك علمته ورجع لك الفلوس من حسابة الخاص؟ :ksjdf1385968616_273 |
رد: كل واحد يعطينا تجربته
اقتباس:
|
رد: كل واحد يعطينا تجربته
اقتباس:
وراعي المؤسسه طلب حسابي ورجع فلوسي ولا اقدر احط شي بذمتي انه معه او لا |
رد: كل واحد يعطينا تجربته
اقتباس:
وراك فصلت على الرجال |
رد: كل واحد يعطينا تجربته
اقتباس:
|
رد: كل واحد يعطينا تجربته
القصة فيها اشياء خفية كثيرة صراحة انا ما ادري هل فعل صارت معك او لا.
على العموم النصابين كثير وشكراً على تنبيهك ولكن الافضل انك ترفع بلاغ رسمي للجهات المختصة |
رد: كل واحد يعطينا تجربته
اقتباس:
والعفو ياغالي |
رد: كل واحد يعطينا تجربته
بيض الله وجهك ماقصرت انك تحذر الناس
فعلا النصب والاحتيال كثر ها الايام |
رد: كل واحد يعطينا تجربته
اقتباس:
اي ولله صادق كثر هالايام ولله يعين عليهم بخير |
02:40 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
Search Engine Optimisation provided by
DragonByte SEO (Pro) -
vBulletin Mods & Addons Copyright © 2024 DragonByte Technologies Ltd.
جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك