هوامير البورصة السعودية

هوامير البورصة السعودية (https://hawamer.com/vb/index.php)
-   ساحات الهوامير المفتوحة (https://hawamer.com/vb/f23/)
-   -   حوايرك في عمرك يابركودا وذكريات جده غير ..... (https://hawamer.com/vb/hawamer2540029)

البركودا 01-05-2021 08:39 PM

حوايرك في عمرك يابركودا وذكريات جده غير .....
 
البركودا نفر شيبه كبير هههه😀
مواليد المدينه
عاش فيها ورجع ليها وباقي الحين فيها .
عشت طويل دحلة الرشد مكة حارة يمن .
عشت طويل جدة ياحبيلها في حارة المظلوم / جده القديمة هي أربع حواير حارة الشام اتجاه شام جنبها حارة يمن اتجاه يمن حارة البحر اتجاه بحر ووسطيهم حارة المظلوم ووش يعني مظلوم .
قصص كتير عن اسم المظلوم كلها كذب ماعدا رواية واحدة هي الصح✔ وهي سكن الشيخ المفتي الحضرمي :: عفيف الدين المظلوم قيل 428 عام عاش فيها ومات طبيعي فيها ودفن فيها يقولوا قبره تحت قريب من سور مسجد الشافعي بنفس الحارة ويقولوا دفن بمقبرة أمنا حواء والله أعلم.
أحلى سنيين حياتي جدة🏄.

ساحل الجنوب 01-05-2021 08:42 PM

رد: حوايرك في عمرك يابركودا وذكريات جده غير .....
 
اقتباس:

المشاركة الأصلية كتبت بواسطة البركودا (المشاركة 43737954)
البركودا نفر شيبه كبير هههه😀
مواليد المدينه
عاش فيها ورجع ليها وباقي الحين فيها .
عشت طويل دحلة الرشد مكة حارة يمن .
عشت طويل جدة ياحبيلها في حارة المظلوم / جده القديمة هي أربع حواير حارة الشام اتجاه شام جنبها حارة يمن اتجاه يمن حارة البحر اتجاه بحر ووسطيهم حارة المظلوم ووش يعني مظلوم .
قصص كتير عن اسم المظلوم كلها كذب ماعدا رواية واحدة هي الصح✔ وهي سكن الشيخ المفتي الحضرمي :: عفيف الدين المظلوم قيل 428 عام عاش فيها ومات طبيعي فيها ودفن فيها يقولوا قبره تحت قريب من سور مسجد الشافعي بنفس الحارة والله أعلم .
أحلى سنيين حياتي جدة🏄.

انا اخاف اجي حواريكم في جنوب جدة


تخوف كلهم سواطير

وسيارتي غالية ماتدخل عندكم ممكن يروح كفر قزاز مكسور بوية مشخوطة


احنى اهل شمال جدة يسمونا المدلعين فرق بينا وبينك يشايب انا اتخيل صورتك واحد شايب مربي شعره لابس فوطة وفلينه داخيه ونازل البقالة انتو كذى ياهل جنوب جدة

ههههههههههه



:biggrin:

البركودا 01-05-2021 08:46 PM

رد: حوايرك في عمرك يابركودا وذكريات جده غير .....
 
اقتباس:

المشاركة الأصلية كتبت بواسطة ساحل الجنوب (المشاركة 43737962)
انا اخاف اجي حواريكم في جنوب جدة


تخوف كلهم سواطير

وسيارتي غالية ماتدخل عندكم

:biggrin:


هههههه :biggrin:
بعت بيتي فيها ماعاد انا في جده قديم رجعت المدينة المنورة .
بس جده حبي وحياتي وذكرياتي الجميلة ولايغرك ترا والله الجداوده الجداويه طيبين👍.

golden knight 01-05-2021 09:02 PM

رد: حوايرك في عمرك يابركودا وذكريات جده غير .....
 
أحياء جنوب جدة كانت في السابق من اجمل الاحياء بجمال

من سكنها وطيب أهلها لا تفريق بينهم القلوب على بعض

الجار للجار ولو جار الكل عائلة واحدة .. كنا نلعب في الحارة

كورة والطيرة وسبع حجار وواحد طش واللب ( برجون )

والمدويم واللي يبيع بطاطس وبليلة .. ورجال الحارة

متجمعين على لعبة الضومنة ومشاهدة المصارعة الحرة

ايام ابراهيم الراشد ... ونجمع عيال الحارة ونروح

نشتري رز بخاري ومنتو ويغمش من شارع الميناء بخاري الشفاء

حواري الثعالبة والنزلتين والهنداوية والبلد والمحجر يبقى

لها ذكريات جميلة جدا جدا

فواز أبوخالد 01-05-2021 09:09 PM

رد: حوايرك في عمرك يابركودا وذكريات جده غير .....
 
نحن البعيدين عن مدينة جدة لا نعرف عنها شئ ولا عن عادات
اهلها وتقاليدها .. وسؤالي :
هل حارات جدة وترابط اهلها مثل مانراه من ترابط وتواصل
الحارات في المدن المصرية والتي نشاهدها في افلامهم
ومسلسلاتهم ...؟
وهل سكان تلك الحارات غالبا من ذوي البشرة السمراء ...؟





...

البركودا 01-05-2021 09:11 PM

رد: حوايرك في عمرك يابركودا وذكريات جده غير .....
 
اقتباس:

المشاركة الأصلية كتبت بواسطة golden knight (المشاركة 43738049)
أحياء جنوب جدة كانت في السابق من اجمل الاحياء بجمال

من سكنها وطيب أهلها لا تفريق بينهم القلوب على بعض

الجار للجار ولو جار الكل عائلة واحدة .. كنا نلعب في الحارة

كورة والطيرة وسبع حجار وواحد طش واللب ( برجون )

والمدويم واللي يبيع بطاطس وبليلة .. ورجال الحارة

متجمعين على لعبة الضومنة ومشاهدة المصارعة الحرة

ايام ابراهيم الراشد ... ونجمع عيال الحارة ونروح

نشتري رز بخاري ومنتو ويغمش من شارع الميناء بخاري الشفاء

حواري الثعالبة والنزلتين والهنداوية والبلد والمحجر يبقى

لها ذكريات جميلة جدا جدا


😀واحد طش .
لعبتها في جده ، كنت فنان فيها - وكنا نلعب شرعت طريدي وأنكسرت رجل قاسم اليماني .
قالو لي كبر وبعدين مات بعدها بسنيين الله يرحمه👐.
والله أنك صادق جده محبه جوات الحارة الله يازمان😪.
أرجع يازمان😪.

فواز أبوخالد 01-05-2021 09:16 PM

رد: حوايرك في عمرك يابركودا وذكريات جده غير .....
 
بيروت بيروت .. رواية رائعة لصنع الله ابراهيم .. تصف بيروت في تلك الحقبة
فهل هناك رواية تدور احداثها في مدينة جدة وتصف حواريها وحياة سكانها
بحيث تجعلنا كأننا عشنا في حواريها ومشينا في طرقاتها ...؟!






...

البركودا 01-05-2021 09:19 PM

رد: حوايرك في عمرك يابركودا وذكريات جده غير .....
 
اقتباس:

المشاركة الأصلية كتبت بواسطة فواز أبوخالد (المشاركة 43738075)
نحن البعيدين عن مدينة جدة لا نعرف عنها شئ ولا عن عادات
اهلها وتقاليدها .. وسؤالي :
هل حارات جدة وترابط اهلها مثل مانراه من ترابط وتواصل
الحارات في المدن المصرية والتي نشاهدها في افلامهم
ومسلسلاتهم ...؟
وهل سكان تلك الحارات غالبا من ذوي البشرة السمراء ...؟





...


والله يافواز على عهدنا قديم في جده مافي ذا سعودي ذا أجنبي فكلنا عيله وحده في الحارة .
تقريبا" 95% صوره من حياة القاهرة والست شغاله وعبدالحليم شغال روادي والفنانين اليمنين فن صح أبوبكر سالم الله يرحمه صار سعودي بعدين وغيره ، أياميها أبوبكر سالم معاه تاكسي بيجو جده مكه وينام اليل قهوة اليماني مكه المعابدة كانت فايف ستار وقتها الكرت والطبخ وشواهي وشيش ويحمل الصباح يرجع جده .
الله يازمان😪.

البركودا 01-05-2021 09:23 PM

رد: حوايرك في عمرك يابركودا وذكريات جده غير .....
 
اقتباس:

المشاركة الأصلية كتبت بواسطة فواز أبوخالد (المشاركة 43738099)
بيروت بيروت .. رواية رائعة لصنع الله ابراهيم .. تصف بيروت في تلك الحقبة
فهل هناك رواية تدور احداثها في مدينة جدة وتصف حواريها وحياة سكانها
بحيث تجعلنا كأننا عشنا في حواريها ومشينا في طرقاتها ...؟!






...



أبحث يظهر لي الأديب محمد صادق دياب ألف كتاب عن ذلك بس مايحضرني أسمه ولا تويتر أسأل الأديب الدكتور حمود ابوطالب صحفي عكاظ يمكن يدلك .

فواز أبوخالد 01-05-2021 09:24 PM

رد: حوايرك في عمرك يابركودا وذكريات جده غير .....
 
اقتباس:

المشاركة الأصلية كتبت بواسطة البركودا (المشاركة 43738109)



والله يافواز على عهدنا قديم في جده مافي ذا سعودي ذا أجنبي فكلنا عيله وحده في الحارة .
تقريبا" 95% صوره من حياة القاهرة والست شغاله وعبدالحليم شغال روادي والفنانين اليمنين فن صح أبوبكر سالم الله يرحمه صار سعودي بعدين وغيره ، أياميها أبوبكر سالم معاه تاكسي بيجو جده مكه وينام اليل قهوة اليماني مكه المعابدة كانت فايف ستار وقتها الكرت والطبخ وشواهي وشيش ويحمل الصباح يرجع جده .
الله يازمان😪.



موضوعك رااائع ... لكن واضح انك بحاجة لكثير من أسئلة الأعضاء
لتحفيز ذاكرتك وحتى تستعيد ذكرياتك وتسرد لنا تفاصيل تلك الأيام
الجميلة في جدة ...!
وأنا احث الأعضاء على المشاركة في هذا الموضوع الجميل .





...

booking 01-05-2021 09:34 PM

رد: حوايرك في عمرك يابركودا وذكريات جده غير .....
 
اقتباس:

المشاركة الأصلية كتبت بواسطة البركودا (المشاركة 43737973)



هههههه :biggrin:
بعت بيتي فيها ماعاد انا في جده قديم رجعت المدينة المنورة .
بس جده حبي وحياتي وذكرياتي الجميلة ولايغرك ترا والله الجداوده الجداويه طيبين👍.

لا تكون أنت سعود الوحش المشهور في المدينة المنورة هههههههه

أنا عيشت في جدة الهنداوية (أنا صغير )
والرويس شارع السيد ( أيام أزمة الخليج)

وبعدين نقلنا الرياض (تاج الخليج)

V2030 01-05-2021 09:54 PM

رد: حوايرك في عمرك يابركودا وذكريات جده غير .....
 
اطال الله عمرك

معاك واحد مواليد ة جبل المدافع هههههههههههههه


لازم تألف كتاب عن حياتك والحواري


10:27 AM

Powered by vBulletin® Version 3.8.11
Copyright ©2000 - 2021, vBulletin Solutions, Inc.
Search Engine Optimisation provided by DragonByte SEO v2.0.43 (Pro) - vBulletin Mods & Addons Copyright © 2021 DragonByte Technologies Ltd.
جميع المواضيع و الردود المطروحة لا تعبر عن رأي المنتدى بل تعبر عن رأي كاتبها وقرار البيع والشراء مسؤليتك وحدك