لا أعتقد أن منكم أحدا لـــــم يسمع هذه الأبيات أو يسمـع بها والتي تتفطّـــــر لها القلوب
لما لها من تأثير كلمة وموضوعاً. إنها قصيدة الشــــاعر / جحيش بن مهــــاوش الهشّال
والتي يدعــــو فيها على أولاده الذين أهملوه وتبِعوا نسائهم ورغباتهم فتــــركوه وحيـــداً. لقد رحلوا مع نسائهم في مرحلة حرجةٍ من عمر أبيهم فهو بأمس الحاجة إليهم نتيجـة لكبر سنه فأخذ يبحــــث عنهم في كل مكــــان فما كـــان منهم إلا أن يرحلوا كلمـــا علموا بقـــدومه ، فلا يجد إلا ما تبقى من آثارهم وعنــــدما أدرك هذا الأمر قال هذه القصيـــدة ويقال أنها القصيدة الوحيدة له أو اليتيمة .


قــــــال الــــــذي يقــــرا بليا مكـــــــاتيب … يا للي تقـــــرُّون العمى من عنــــاكم

يا عيـــال يا للي تشرفون المـــــــراقيب … تريضـــــوا لي واقصــروا من خْطاكم

خوذوا كلام جحـــــيش ما به تكـــــــاذيب … مثل السنــــد مضمـــون للــــي وراكم

ويا عيال وان صرتوا ضيوف ومعازيب … ترى الكلام الزين مِلْحــــــت قـــــراكم

وترى البــــلاسة مـن كبار العـــــذاريب … ترى البـــلاســـــه ما تطــــــول لحاكم

يصـــــير بعـيـــــون الرفاقة تقـــل شيب … ليا منَّـــــــه اقبــــل قـيـــــــل هذا بلاكم

المذهب المـــذهب ترى المذهب الطيب ... وترى ردى المــــذهب يبــــــوّر نساكم

ياعيـــــال ما سرحتـكـــــم للمعـــــازيب … يا عيال ما عمــــــر المعزب ولاكم

يا عيـــــال ما ضربتكـــــــم بالمشاعيب … ولاسمعـــــــوا الجـــــــيران لجَّة بكاكم

ياما تسعـــــــرت الخـــــــلايق تقل ذيب … أريد مـــن صيــــــــد البـــــراري غذاكم

وياما قطعــــــت من الفياض العباعيب … مـــن خــــــوف لا يقصر عليكم عشاكم

أحفــــــــيت رجليني بحـــامي اللواهيب ... وخلــيت لحــــــم الــــــريم خالط غداكم

واليــــــوم شوفـــــوا لحيتي كلها شيب … وشوفــــــــوا محل تخوضعي في ذراكم

قمــــت اتوكّا فــــــوق عوج المصاليب … وقصــــرت خطـــــايه يوم طالت خْطاكم

يا عيال يا عيــــالي عليكم مطاليب … عطــــــوني القــــــــرضه جزا ما وتاكم

خوالكم يا عيال هــــم ماكر الطيب … ولـــــو تتبعـــــون الجـــــــد ماحدٍ شناكم

يا عيال يا عيال الخنا كلكم عيب … يا عيال مادري هالـــردى منين جاكم

يا علكم في حاميـــــــات الاصاويب … ياللـــي علــــى الوالــــــد خبيث لغــــاكم

قصيتكـــــم وأسندت وادي ســـلاحيب … ولقـــــيت بالصبخـــــا مدافـــــيق مــاكم

يا عيال بعــــتوني بصفـــر العراقيب … ما هي حقيقـــــة ســـوَّد الله قراكم

يالله عســى عَمـاركم شمسها تغيب … ويعتــــــم قمـــــــــركم ثم يظـلـــم سماكم

وعسى نســـــاكم..لا تحمل ولا تجــيب … ولا حْــــدٍ من الورعـــــــان يمشي وراكم

شفـت الجفا والحيف والغلب والريب … بطلــــوعـكـــــــم لابيـــض الله قـــــراكم

لابد ما هـــــــو عـاويٍ دوني الذيب ... بالقـــــــبر ما فرق طيبكم من رداكم

ماني بفاضحكـم بوســـط الاجــانيب … بأعمالكم يـدرون كــــــل قْــــــرباكم

لوكان تدرون الـــردى والمعــاييب … صـــــرتوا مع المخــــلوق مثل خْـوياكم


معاني بعض الكلمات
حاميات الأصاويب : البنادق .
وادي ســــلاحيب : موقع على الحدود بين السعودية والأردن.
صفــر العراقيب : النساء .